Құрылыс материалдары қашан-да сұранысқа ие. Сондықтан үл-кенбөкендік Әнуар Үмітбаев өзінің қолынан келетін кәсіпті нәсіп етіп, кірпіш өндіру ісін қолға алып отыр. Үй ауласындағы жерді өндіріс алаңы етіп, бүгінгі таңда онда қарқынды жұмыс жүргізуде. Осыдан бірнеше жыл бұрын жұмыссыздар қатарында болған Әнуар осыдан үш жыл бұрын өз қаражатына кірпіш, брусчатка құю құралдарын алып жұмыс жүргізуде.
Мінезі тұйық, сөзге сараң Әнуарбек өзінің жоспарлы әрекеттерін ашық айтпаса да, оның осы жылдың ішінде осынша істі қатар алып жүруге ұмтылуы, біріншіден, қолынан келетін іс арқылы өз қабілетін көрсету болса, екіншіден, отбасылық табыс пен жұмыстың ұдайы жүріп-тұруын қамтамасыз ету мақсаты аңғарылады. Кәсіпкердің қарамағында бүгінгі таңда 4 адам еңбек етеді.

Жайдары жаздың үш айын қызықты да мазмұнды өт-кізіп, жиған білімдерін одан әрі тереңдете түсу үшін барша қазақстандық оқушылар алтын ұя мектептеріне қайта оралып, жаңа оқу жылына қадам басты. Міне, осынау алғашқы қоңырау салтанаты аудан көлемінде де ерекше аталып өтті. Бұл орайда, біз аудан орталығындағы іргелі екі оқу орны Ж.Шайжүнісов атындағы және Көкпекті орта мектептерінің үлкен дайындықпен қарсы алғандығына куә болдық. Мерейлі мерекені паш еткендей, ертеңгілік білім ордасының ауласы безендіріліп, мектеп, ұстаздар туралы сазды әуендер ойналып тұрды. Қолдарына ұстаздарға арналған гүл шоқтары мен түрлі шарларды ұстаған оқушылар мектеп ауласына жиналды.
Оқушылардың ала жаздай асыр салып ойнаған, бірі қалаға, бірі демалыс орындарына барып тыныққан мерзімдері аяқталып, жаңа оқу жылы басталды. Бала үшін мектеп үлкен өмірге алып кірер киелі босаға болса, ата-ана үшін ол ұрпағына қатысты ең асыл арманына үміт жалғайтын қасиетті ұғым. Сондықтан да халқымыз қашан да білімнің парқын түсіне білген.
Жылдағы дәстүрге сай 1 қыркүйек Білім күні мерекесінде ауданымыздағы барлық мектептерде салтанатты жиындар өтіп, алғашқы қоңырау үні соғылды. Жалпы аудан бойынша 2016-2017 жаңа оқу жылында 4065 оқушылар білім нәрімен сусындамақ. Оның ішінде 435 бүлдіршін мектеп табалдырығын алғаш аттап, партаға отырғандар.

Елдігіміздің алтын айғағы болған – Қазақстан Республикасының Конституция күні Көкпекті ауданында тойланды. Ата Заңымыздың қоғамдық және әлеуметтік өміріміздегі мәні айшықтала түсті. Мәдениет үйінің алаңы таңертеңнен-ақ қызылды-жасылды жалаушаларға толып, жұртшылық көңілі сазды әуенмен астасты. Жан-жақтан жиналған көкпектіліктер мерекелік көңіл-күймен бір-бірін құттықтап жатты.
Жұртшылықты құттықтауға ауылдық округ әкімі, ақсақалдар кеңесінің төрағасы, қоғамдық ұйым басшылары жиналды. Ата Заң қабылданған Қазақстан Республикасының Конституция күніне арналған мерекелік шара орталық алаңда өтті. Бейбітшілік, саяси тұрақтылық, ұлтаралық және дінаралық келісім орнаған демократиялы, зайырлы, әлеуметті мемлекет болғалы Республикамызда Конституция күні осымен 21 жыл қатарымен тойланып отыр. Жиынды ашқан Көкпекті ауылдық округінің м.а Қанат Мұқышев Конституцияға абыройы асқан, мерейімізді өсірген, баянды істердің бастауы болған құжат деп баға берді. Құқықтарымыз бен міндеттерімізді белгілеп берген Ата

Ағымдағы жылдың 12 тамыз күні Палатцы ауылдық округінде аталмыш мереке «Қазақстанның болашағы жастардың қолында» тақырыбында өтті.
Бұл мерекелік іс-шара ауыл жастары мен студенттерден құралған екі команда арасындағы жарыс түрінде өтті. Жарыстың қорытындысы бойынша, ауыл жастарынан құралған «Эрудит» командасы жеңіске жетіп, алғыс хаттармен марапатталды.