22 қыркүйек - Тілдер күніне байланысты Көкпекті орта мектебінде аудандық кітапханамен бірлескен сыныптан тыс іс-шара болып өтті. Аталмыш сайысқа ауданымыздың белді тұл-ғалары, мекеме қызметкерлері шақырылды. Мектеп кітапханашысы В.Ибрагимова мен ағыл-шын тілі пәнінің мұғалімі А.Тоянкенованың ұйым-дастыруымен қазақ, орыс және ағылшын тіл-дерінде өткізілген сайысқа 8 «А» және 8 «Б» сынып оқушылары қатысты. Бұл жерде оқушылардың үш тілді меңгеруі, еркін сөйлеуі, өз ойларын ашық жеткізе алуы, сондай-ақ, білім деңгейлері сынға түсті. Білім додасының қорытындысы бойынша 8 «Б» сынып оқушылары жеңімпаз атанды.

Сондай-ақ, бұл күні аудандық кітапхана қызметкерлерінің ұйымдас-тыруымен, оқушыларға аудандық кітапхананың бай кітап қорымен, қызықты әдебиеттерімен және жаңа кітаптармен танысуына мүмкіндік беріліп, үш тілді қамтыған үлкен кітап көрмесі қойылды.
Үштілділік жөніндегі Елбасы-мыздың «Тілдердің үштұғырлығы мәдени жобасын кезеңдеп жүзеге асыруды қолға алуды ұсынамын. Қазақстан бүкіл әлемге халқы үш тілді пайдаланатын мәдениетті ел ретінде та-нылуға тиіс. Бұлар - қазақ тілі - мемлекеттік тіл, орыс тілі - ұлтаралық қатынас тілі және ағылшын тілі - жаһандық экономикаға ойдағыдай кіру тілі», - деген салиқалы үндеуі жастарға жаңа серпін, жаңа жігер берері сөзсіз.
Ендеше, ел болашағы үшін аянбай еңбек ететін ұл-қыздарымыз көп болсын деп тілейміз!

Х.Мұқатаева,
директордың тәрбие ісі жөніндегі орынбасары, Көкпекті орта мектебі

Пікір: