Биыл Кеңес әскерінің соңғы солдаты Ауғанстан жерінен шыққанына 35 жыл толды. 1979 жылы басталған соғыс адамзат тарихындағы ең ұзақ қақтығыстардың бірі ретінде қалды.
Мереке қарсаңында А.С.Пушкин орта мектебі директорының ұйымдастырумен Ауған соғысының ардагері Пархоменко Владимир Николаевичті мерекемен құттықтады. Мектеп директоры Кажиакберов Ринат Араратұлы және АӘТД пәні мұғалімі Жотабаев Даулет Ахметкалиұлы жоғарғы сынып оқушыларымен бірге ардагердің шаңырағына барып кездесу ұйымдастырды. 110 айға созылған осы қиын кезеңдегі жанқиярлық ерлігі үшін алғысын білдіріп, жастар үшін нағыз үлгі екенін және мұндай шаралар жас патриоттарды тәрбиелеуде ерекше рөл атқаратынын атап өтті.

«ДОСБОЛLIKE: достық қолын ұсын...акциясы аясында Шәріптоғай негізгі мектебінің оқушылары «Еріктілер» бағытымен акцияны қолдау үшін ардагерге барып үй шаруашылығына болысып қайтты.
Жеке шаруашылығындағы, аула маңайын, үйдің аумағын егде жастағы тұрғындар үшін өз бетінше тазалау оңай емес. Бұл ретте Шәріптоғай негізгі мектебінің аға тәлімгері З.Насибуллинаның ұйымдастыруымен мектеп еріктілері «ДОСБОЛLIKE: достық қолын ұсын...акциясы аясында зейнеткерге қар тазалау жұмысына қолғабыс етті.
Бұл шараның мақсаты болашақ ұрпақ бойында үлкенге мейірімділік, қамқорлық, жақсылық, бiрлiк сезiмдерiн ояту.
Қайырымды іс жасаған жастарға қария алғысын айтып, батасын берді.

Шәріптоғай негізгі мектебінің ақпараты

13 желтоқсан күні Көкпекті аудандық әкімдігі алаңында кезекті брифинг өтті, оған Тассай ауылдық округінің әкімі Ержан Мазыбаев пен БАҚ өкілдері қатысты. «Tolagai_news» ақпараттық порталының тікелей эфирі барысында брифинг қонағы Ержан Құдайбердіұлы Тассай ауылдық округінде ағымдағы жылы атқарылған жұмыстарды баяндап, тілшілердің қойған сұрақтарына жауап берді.
Брифингті модератор Аяжан Амантайқызы жүргізіп отырды. Кіріспе сөзден кейін Ержан Мазыбаев өзінің қысқаша баяндамасын ұсынды.
-Тассай ауылдық округі аудан орталығынан 60 шақырым қашықтықта орналасқан. Жер аумағы 132 811 га құрайды. Округте аула саны 303. Халық саны 1083 (былтырғы жылы 1110 адам) адамды құрайды. Оның ішінде экономикалық белсенді халық 579 адам, 16 жасқа дейінгі балалар 305, қалған 226 зейнеткерлермен мүгедектігіне байланысты жәрдемақы алушылар. Негізінен округ тұрғындары мал шаруашылығымен және Зайсан көлінің жағалауында орналасқандықтан балық аулаумен шұғылданады.
Ауыл шаруашылығы

Қасиетті жұма күні әулие Ырғызбай Досқанаұлының жиені емші, шипагер, әруағы күшті Бөдес ата бейіті басын қоршауын әрлеу, фундаментін құюға орын дайындау бойынша жұмыстар атқарылды. Өткен жылы аудан әкімі Ділдәбек Тәжібайұлының бастама көтеруімен, Бөдес атаның басын қорғауға байланысты жұмыстар басталған болатын. Осыған орай ауылдың тумалары, елжанды азаматтар қаржы жинаған еді. Биылғы жылы бейіттің айналасы қоршалып, Астана қаласынан Тассай ауылының тумасы Ерназ Мадиев деген азамат өз қаржысына қоршауын жасап берді. Ал ауылдың азаматтары бірі кісідей қоршауын орнатты. Қазіргі күні Каликов Марат ағамыз цемент әкеліп берді. Алдағы уақытта құрылыс материалы Бөдес ата бейітінің маңайын қоршауға пайдаланылады. Осы игілікті іс-шараға қол ұшын беруге Үлгілімалшы ауылынан арнайы мектеп директоры Ермек Сыдықұлы бастап келген мектеп ұжымына алғыс білдіреміз. Сауапты іске әдейі келген топтың ішінде білім беру саласында көп жылдар еңбек еткен Гүлмира Идришева, Амина Искакова сынды ардагер ұстаздардың болуы көңілге жылу ұялатып, өскелең ұрпаққа үлгі болды. Сондай-ақ Тассай ауылының балабақша ұжымымен шараға ат салысқан ауыл тұрғындарына және де Ақой ауылынан атаның басына қажетті ыдыс аяқ пен астарын ала келген аналарымызға ризашылығымызды білдіреміз. Жақсы істің шарапаты Алладан қайтып, атаның әруағы қолдасын.

Ауылдық округ ақпараты