Серіктестер

                                                                                                                    

                                                                                         

 

 

27 қаңтарда аудандық әкімшілік ғимаратындағы «Ашық әкімдік» кеңсесінде Шұғылбай, Қ.Аухадиев, Үлкенбөкен ауылдық округтері әкімдерінің 2020 жылы атқарылған жұмыстары және ағымдағы жылға арналған жоспарлары туралы халыққа онлайн-режимде есеп беру кездесуі өтті. Олардың басты тақырыптары- өткен жылғы жұмыстарды қорытындылау және тұрғындарды мазалаған мәселелерге жауап беру.
Биылғы жылы коронавирус індетіне байланысты барлығына таныс форматтың орнына кездесулер әлеуметтік желілер мен Zoom бағдарламасын қолдана отырып онлайн режимінде өткізілді.
Кездесулердің барысын Instagram желісіндегі "Tolagainews" ақпараттық порталының ресми парақшасында және Zoom сервисі арқылы(арнайы құрылған конференцияның қатысушысы бола отырып) бақылауға болады. Әлеуметтік желілер арқылы тұрғындар өздерін қызықтырған сұрақтарын қойды. Эфирге қосылуға мүмкіндігі жоқ тұрғындар арнайы қойылған қораптар арқылы жазбаша түрде сұрақтарын жолдады.
ШҰҒЫЛБАЙ АУЫЛДЫҚ ОКРУГІ АУЫЗ СУМЕН ҚАМТАМАСЫЗ ЕТІЛЕДІ

Толығырақ...

Новостройка ауылы Сарыбел ауылдық округінің құрамына кіреді. Онда 52 ауласы бар және 110 адам тұрақты тұрады. Осы ауылдың оқушылары Сарыбел ауылының орта мектебінде күн сайын арнайы көлікпен тасымалдау арқылы оқиды. Новостройка ауылында «Ертістранскөмір» кәсіпорнынан жаз мезгілінде баржада қолжетімді бағамен /16 мың теңге/ көмір жеткізілетін айлақ жұмыс істейді.
Мұндай ақпаратты Новостройка ауылының тұрғындары ағымдағы жылдың 26 қыркүйегінде аудан әкімі Серікқазы Құсайынұлы Садуақасовпен кездесуі кезінде айтты.
Кездесу барысында Новостройкалықтар да өздерінің ауылдастары сарыбелдіктер көтерген өзекті мәселелерін айтты. Олардың ішінде, ауылдағы демалыс базаларының ретсіз салынуы, өрт қауіпсіздігін туындатуы мүмкін құрылыс ішіндегі қашықтықтардың сақталмауы, жағалау маңайындағы бос жердің болмауы, демалыс базалары иелерінің су қоймасына өтетін жерлерге өз бетінше қоршаулар орнатуы, ауыл тұрғындары үшін шомылатын орындарының болмауы, қатты тұрмыстық қалдық төгетін орынның, ауылдық клуб үйінің болмауы, ауыл аты жазылған маңдайшасының, жылдамдық шектеулерінің жоқтығы, ұялы байланыстың болмауы, ауылға кіре беріс жолдың жөнделуі сияқты бірқатар мәселелер қозғалды.

Толығырақ...

Ауыл шаруашылығы өнімдерінің қолжетімділігін қамтамасыз ету мақсатында Көкпекті, Самар ауылдарында дәстүрге айналған ауыл шаруашылығы өнімдерінің жәрмеңкесі өтті. Онда аудан тұрғындары өңіріміз аумағындағы шаруа қожалықтары мен кәсіпкерлер өндірген азық-түлік тауарларын арзан бағамен сатып алуларына мүмкіндік жасалды. Бұл күні мал еті мен сүт өнімдерінің бағасы төмендетілді. Жәрмеңкеде сатып алушылар үшін ет өнімдерінің барлық түрлері қойылды және бірыңғай баға 1800 теңгеден сатылды.
Жәрмеңкеде 3 бітеудей сойылған ірі қара малдың, 3 бас қой еті қойылды. Аз уақыттың ішінде сатып алушылар жас етті қуана сатып алды.

Толығырақ...

Тамыз айының 28-і күні аудан әкімі Серікқазы Құсайынұлы Сәдуақасов жұмыс сапарымен бірқатар ауылдық округтерге  барып қайтты.

ШҰҒЫЛБАЙ
Жаңа әкімнің бұл жолғы іссапары Шұғылбай ауылдық округінен басталды. Ауылдың тыныс-тіршілігімен танысқан аудан әкімі елдің мұң-мұқтажын тыңдап, халық тарапынан қойылған сауалдарға мардымды әрі қанағаттанарлық жауап қайтарып отырды. Тұрғындарды мазалайтын мәселелердің бірі – мәдениет үйі. Серікқазы Құсайынұлы ол істі жақын арада жоспарға енгізіп, жұмыс жүргізетінін жеткізді. «Айта - айта ауыздары жауыр болған» ауданымыздағы аты шулы мәселелердің бірі – жол. Бұл жөнінде аудан әкімі «құрғақ уәдемен» құтылмай, жол мәселесінің өте ауқымды, күрделі жұмыс екендігін ашық айтты. Сол себепті жол жөндеу жұмыстарына көп уақыт кетуі мүмкін екендігін де жасырмады.

Толығырақ...

Үлкен күре жолдан алыс жатқан Мариногорка ауылында таңертең ертемен көшелерде тракторлар гүрілдейді, барлық жерде үйілген құм, саз балшықтар. Бұл округте «ауылдық аймақтарды дамыту» мемлекеттік бағдарламасына сәйкес су құбыры желілерін орнату бойынша жұмыстар жүргізілуде.

- Қазіргі уақытта Зайсан қаласының «СМУ Шығыс» мердігерлік компаниясымен 9 км су құбыры желілері тартылуда. Жұмыстың аяқталуы келесі жылы қарастырылған, - дейді Мариногорка ауылдық округінің әкімі Қайдар Сәкенұлы Сурашев. – Бұл құрылыс жұмысына жұмыспен қамту және әлеуметтік бағдарламалар орталығынан 3 адам жұмысқа тартылды. Жұмба және Мойылды ауылдарына блокты-модульді станциялар орнатылады.

Толығырақ...

Директор-редактордың блогы

 Көкпекті аудандық  

«Жұлдыз - Новая жизнь» 

 газетінің сайтына

қош келдіңіздер!

 Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Наурыз 2024 > >>
Дс Сс Ср Бс Жм Сб Жс
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Қаралым санағы

HotLog

Біз әлеуметтік желідеміз