Жеңіс мерекесі – бейбітшілік сүйгіш бүкіл адамзат қауымының мерекесі, жеңімпаз әкелер мен аға буынның және сол ағалар ісін алға апаратын жас буынның қасиетті де қастерлі мерекесі.
Жыл өткен сайын жаңғыра түскен Көкпекті ауданы аға буынға құрмет көрсету, ардагерлерді ардақтау шаралары да игі үрдіске айналған. Әсіресе, Ұлы Жеңіс мерекесінде аймақтың атқамінерлері майдангерлердің шаңырағына арнайы ат басын бұрып, дидарласуды парыз санайды. Биылғы мереке аясында аудандық мәслихаттың депутаты Айша Қалибекқызы Бикатова Ұлы Жеңіс мерекесіне орай Сарыбел ауылындағы тыл ардагерлеріне барып, құттықтады.

Көктем келісімен аудан округтерінде санитарлық тазалау және көркейту жұмыстары біртіндеп жандана бастады. Палатцы ауылдық округінің әкімі Бағжамал Базылағзамның ақпараты бойынша, Подгорное ауылындағы Жеңіс саябағында 40 түп қарағай, 20 қайың көшеті, 10 черемуха, 5 бұта сирени, 25 - жіп отырғызылды.

Тассай ауылында барлық сала мамандары және еріктілердің қатысуымен «Біз біргеміз» акциясы жалғасын табуда. М.Әуезов атындағы орта мектебінің жас ұстаздары Нұргүл Изгуттинова, Салтанат Далбина, Эльмира Изгуттинова, Бахыт Мазыбаева, Лаура Абикенова ауыл тұрғындарының өмірі мен денсаулығының қауіпсіздігін қамтамасыз ету мақсатында 250 дана бетперде тігіп, ауылдағы қарт адамдарға, көпбалалы, жағдайы төмен отбасыларға тегін таратты. Ауылымыздың белсенді жастары да 70 дана бетпердені әр түрлі санаттағы тұрғындарға тегін таратып алғыстарын алды.

«Біз біргеміз!» Жалпыреспубликалық қайырымдылық акциясының аясында Көкжайық ауылдық округі әкімдігі ұйымдастыруымен Көкжайық ауылының тұрғындарына, аз қамтылған отбасы мүшелеріне, жалғызілікті қарттар мен мүмкіндігі шектеулі жандарға қайырымдылық жасалды. Аудандағы ең ірі кәсіпкер, Көкжайық ауылының тумасы Болат Бекбердинов 32 отбасыға ірі қара мал етін табыстады. Сондай-ақ бұл күні 6 отбасына азық-түлік салынған әлеуметтік пакеттер табысталды. Сонымен қатар, коронавирус ауруын алдын-алу, инфекциясынан сақтануына көмектесу, ауруды болдырмау үшін салауатты өмір салтын ұстануы мақсатында жергілікті таксис-термен де түсіндірме жұмыстары жүргізілді.