«Мерекелі, берекелі!» атты жаңа жылдық ойын-сауық іс-шарамыз биылғы жылы ерекше өтті десек болады. Өтетін орын мерекеге сай безендірілді, баннерлар ілініп, түнгі жарықтандырулар жарқырап жанып тұрды. Абай мектебінің алдындағы қардан жасалған мүсіндерге қарап тамсануға болады. Мектепішілік Жаңа жылдық шырша да жоғарғы деңгейде ұйымдастырылып, әр сыныптың дайындаған көріністері бағаланды. Ата-аналарымен бірге балалардың мектепке ағылып келіп жатқаны көз тоярлық көрініс. Мерекелі де, берекелі жаңа жыл ары қарай жалғасын тапты. 30 желтоқсан күні ауылдық округке қарасты Үлгілімалшы, Нұра, Сүлеймен, Мамай төрт ауылда тұратын 42 бүлдіршінге Жаңа жылдық тәтті салынған дорбашалар мен ойыншықтар үлестірілді. Оларды арнайы Аяз ата мен Ақшақар, Сайқымазақ болып киініп, безендірілген Ат шанамен үйлерге таратып балаларды қуантып естелік суретке түсіп Тышқан жылын жақсы көңіл күймен қарсы алуы ұйымдастырды.

2015 жылы Елбасы Н.Ә.Назарбаев өз жолдауында білім саласына аса назар аударып, түбегейлі өзгерістер керек екенін атап өтті. Сонымен қатар жалпы орта білім беретін мектептердің деңгейін Назарбаев зияткерлік мектебінің деңгейінен кем болмау керек екендігін атап өтті.
Осыған байланысты жаңар-тылған білім бағдарламасын обрабациядан өткізу мақсатында қазақстан бойынша отыз пилоттық мектеп таңдалып алынды. ШҚО-нан таңдалған екі мектептің бірі - Көкпекті ауданы Үлгілімалшы ауылының "Абай атындағы мектеп-балабақша кешені" КММ. Бұл мектептің ұжымы іс-тәжірибе алаңында төрт жыл бойы үздіксіз жұмыс жасап, 2019 жылды үздік нәтижемен аяқтады. Қазақстан бойынша жаңартылған білім бағдарламасының алғашқы қадамдары осы мектептерден басталды. Нәтижесінде бірнеше мектеп ұстаздары ҚР білім және ғылым министірлігігің мақтау қағаздарымен және Ы.Алтынсарин атындағы медальмен марапатталды. Төрт жыл бойы жиналған тәжірибені тарату мақсатында бұл мектепте 13 қараша күні аудандық семинар өткізілді.

АҚОЙ

Елiмiздiң тәуелсiздiк алып, дербес мемлекет ретiнде танылғанына биыл 28 жыл толды. Бұл - қазақ елi үшiн егемендiк пен елдiктi, татулық пен тұрақтылықты, отансүйгiштiк пен патриотизмдi насихаттайтын ерекше мерейтой. Бiр шаңырақтың астында бiрлiгi жарасқан Ақой ауылының тұрғындары ел тәуелсіздігінің 28 жылдығын мектеп ұжымы ұйымдастырған «Тәуелсіздік - тәңірдің тәтті сыйы» атты мерекелік іс-шарада бас қосты.
Ақой ауылындағы А.Пушкин атындағы орта мектебінде Тәуелсіздік күніне арналған салтанатты жиынға ауыл тұрғындары, мектеп мұғалімдері, оқушылар, және әкімшілік аппараты қатысты. Тәуелсіздік күніне арналған мерекелік концерт, Қазақстан Республикасының Әнұранымен ашылды.

Ақой ауылындағы А.С.Пушкин атындағы орта мектебінде 29 қараша күні Жалпыадамзаттық құндылықтар күніне байланысты «Әкем, анам және мен» атты отбасылық спорттық сайыс өтті. Сайыстың мақсаты оқушылар мен ата-аналарға спорттық ойындарды орындата отырып, спортқа деген қызығушылықтарын арттыру, балалардың дене бітімі дұрыс жетілуі үшін дене шынықтырудың маңызын түсіндіру, салауатты өмір салтын насихаттау, ептілік пен жылдамдыққа, шапшаңдыққа тәрбиелеу. Ата-анамен тығыз қарым-қатынаста болып, байланысты жақсарту. Балалар арасындағы ынтымақтастыққа, өзара бірлесе қимыл жасауды дамыту.