Көкжайық ауылында Абай Құнанбайұлының 175 жылдық мерейтойына орай көкпар ұйымдастырылды. Ауыл ақсақалы Қаден атаның ақ батасын алған жігіттер қапалақтап жауған қардың екпініне қарамай серкені көшенің сонау басына қарай тартып әкетті. Сонымен қатар Қазақстан Республикасы Діни Басқармасының құрылғанына 30 жыл толуына орай ауыл имамы мен мешіт жамағаты Батай Сәлімбек көкпаршыларға арнайы жүлде салым тігіп, қанжығаларын майлады.

Бұл күні ауыл жігіттері түлкі тымақтарын баса киіп, саптама етіктерін іліп, нағыз бұрынғының салтын көрсеткендей болды. Ал жігіттердің мықты тақымы мен серкені бірінен-бірі жұлқа тартып, аспанға көтергендегі білек күштері өз алдына бөлек әңгіме. Атап айтқанда аймақтық, аудандық көкпарларда ауыл намысын қолдан бермей келе жатқан Жұмағазы аға мен Тілеубек аға, Далабаев Берік, Капезов Болат, Кәрімбаев Нұрлыбек, Маманұлы Серік, Батай Сәлімбек, Нұрлан Ермек, Абекбаев Сырым, Карчибаев Асхат, Тоқтаров Еркебұлан, Мейірбек, Әзімбаев Ерландардың ақ қарды боратып көрсеткен тамаша ойыны жас көкпаршыларға мектеп оқушыларына керемет әсер сыйлады.

Аяулым Әзімбаева, қазақ тілі пәні мұғалімі

Пікір: