Қарағандыкөлдіктер 11 әріпті де тілдері шыға салысымен тастамай, мүдірмей ежелеп тұрып «Қарағандыкөл» деп   мақтанышпен атайды. 1967 жылы Қарағандыкөл кеңшары құрылды. Осы өткен жылдарда шаруашылықты басқарған азаматтар Зарықбай Жылқыбаев, Әбдеш      Жуасбаев,  Кенжехан Айжолов, Әйтім Доғанбеков, Қараменде Әкімжанов, Аманғали Мақұлбаев, Кәмелбек Қажыкеновтер болды. Бір өзінде үш ферма – Мамай, №2, №3 бөлімшелері, Шұбарши, Күйгенбаз қыстақтары, жайлауы сонау Тарғыбатайдың Елекесіне дейін кететін ірі шаруашылық неше мыңдаған ұрпаққа пана болып, қасиетті атамекен болған. 

Биыл 30-шы рет ұйымдастырылып отырған ауған соғысы құрбаны, жауынгерлік «Қызыл жұлдыз» орденінің иегері, жерлесіміз Разаков Нұрсұлтанды еске алу турнирі «Ауыл күні» мерекесіне ұласып, көғалды кең жазықта ұлан-асыр той болды. Еске алу мен турнирды 30 жыл бойы тоқтатпай өткізіп келе жатқан Болат Далабаев, Ерназ Исабаев, Қыдырбек Абетаев пен Қайрат Далабаев, өзі жауынгерлік «Қызыл жұлдыз» орденінің иегері, ауған соғысының батыры. Қаза тапқан жолдастарын еске алуда Аян Халиульдин мен Ерлан Жұмажанов та болды.

Мариногорка ауылдық округінде 20 шілдеде «Таза ауыл» сенбілік күні өтті. Шараға ауыл тұрғындары, әкімшілік қызметкерлері, мәдениет үйінің меңгерушісі, ауылдық кітап-ханашы қатысты. Сенбілікте әкімшілік, пошта маңайлары сыпырылып, шөп басқан жерлерді тазарту, көшеттер мен гүлдерді суару жұмыстары жүргізілді. Көшелердегі ағаштардың түптері ақталып, қағаз-бөтелкелер жиналды. Сондай- ақ гүл егетін қоршаулар әр түрлі түстерге боялып, әкімшілік ауласына ерекше сән берді. Осындай сенбілік іс шаралары әрі қарай жалғасын табады деп сенеміз.

Ауылдық округтің ақпараты

Нұр-Сұлтан қаласы мәдени дамудың, жаңа сәулеттенуінің үлгісіне айналды. Бас шаһарымыз күн санап жаңарып, жасылданып келеді. Ортасын қақ жарып өтіп жатқан Есіл өзені тіршілігіміздің күре тамыры іспетті, Нұр-Сұлтан қаласының озық архитектуралық жаңаруы барлық қазақстандықтарды жаңару жолына шақыруда үлгі көрсетуде. Оның өсіп-өркендеуі сөз жоқ, мемелекетіміздің абыройы. Абыройлы астанамыздың мерекесі Бастаушы ауылдық округінде де қалыс қалған жоқ. Елорда күніне арналған әндер айтылып, Абай орта мектебінің оқушылары «Жастар» күйін орындады.

Б.Рапеков, Бастаушы ауылының клуб меңгерушісі

Жазғы демалысты қызықты әлі көңілді өткізу кез-келген баланың арманы. Олар жаз айларында әртүрлі демалыс лагерлеріне барып, бойларына күш-қуат жинап қайтады.