22 ақпанда аудан орталығында шаңғы күніне арналған жарыс болды. Жарысқа әр ауылдық округтен спортшылар қатысты. Ауылымыздың спортшылары қай жарыстан да жүлдесіз қайтпаған. Бұл жарысқа әр жастағы спортшылар қатысып, жүлделі орындарға қол жеткізді. Олар: І орын Ержан Чеганов, Мария Ақшабаева, ІІ орын Мұрат Сүлейменов, Манарбек Сайлауханұлы, ІІІ орын Серік Ақшабаев, Арғын Қолдашев, Қосылбаев Оралсын, Абай Бұқанов, Бахтықан Изембаева, Әлия Құсаинова. Жалпыкомандалық есепте ІІ орынды женіп алған теректіліктер ауылымыздың даңқын тағы бір мәрте асқақтатып, жеңіске деген ұмтылыс пен ерік-жігерлері мен жоғарғы дайындықтарын көрсетті. Ауылдық округ әкімі Қайрат Ахметкалиев ауылдастарының болашақта бұдан да биік белестерді бағындыратынына сенімі мол екенін айтып, жеңістерімен құттықтады.

М. Ақшабаева, кітапханашы

Президент Н.Ә.Назарбаевтың «Қазақстандықтардың әл – ауқатының өсуі табыс пен тұрмыс сапасын арттыру» атты халыққа жолдауында айтылғанындай ауданымызда халыққа көрсетілетін әлеуметтік қызмет түрлері уақыт өткен сайын көбейіп келеді.
Осыған орай Құлынжон ауылдық округінде әл – ауқаты мен күнкөріс деңгейі төмен отбасыларына әлеуметтік көмек көрсету әлі де жалғасуда. Жұмыспен қамту орталығының ассистенті С.Байжуменовадан жаңа форматтағы мемлекеттік әлеуметтік атаулы көмек көрсету бағдарламасы туралы толық мағлұмат алып, осы жобаға қатысу үшін қандай құжаттар қажет екені жайлы мәлімет алдым.

Қазақ халқының ежелден келе жатқан рухани қазынасының бірі – бата сөздер. «Жаңбырменен жер көгерер, батаменен ел көгерер», «Көп тілеуі – көл» деп ұққан қазақ халқы келер ұрпаққа бата беріп, ақ тілек, адал ниет білдіруді дәстүр тұтқан.
Осы мақсатта Абай атындағы орта мектебінде «Рухани жаңғыру» бағдарламалық мақаласы аясында оқушылар арасында аудандық «Батаменен ел көгерер» атты батаны жатқа оқу байқауы өтті. Бұл байқауға ауданның 5 мектебінен келген 23 оқушы қатысты.

Әлемге атқа міну мәдениетін таратқан Ұлы даланың қай баласы болмасын, тұлпар көрсе делебесі қозып шыға келері анық. Осы орайда ауданымызда ат спортының жастар арасында кеңінен қанат жайып келе жатқанын айтуға болады. Оған дәлел, өткен жылдың қазан айында Көкпардан аудандық біріншілік өткізілді. Аталмыш ойында І орынды қанжығасына байлаған Көкжайық жігіттері Көкпар ұйымдастыруды дәстүрге айналдырған.