Патриотизм - әр азаматтың ұлтын, Отанын сүю деген мағынаны береді. Қазір бұл ұғымның аясы кеңи түскен. Мәселен, әлемдік деңгейде оны бейбітшілік пен тыныштықты сақтау мәселесі тұрғысынан да қарастырып жүр. Елбасымыз Нұрсұлтан Назарбаев «Қазақстан жолы - 2050: бір мақсат, бір мүдде, бір болашақ» атты Жолдауында маңызды бағыттардың бірі ретінде жаңа қазақстандық патриотизмді қалыптастыруды атап өтті.
Еліміздің Президенті Н.Ә.Назарбаев Қазақстандағы білім және ғылым қызметкерлерінің 2 съезінде «Қазақстан азаматтарының отаншылдық сезімін тәрбиелеу білім берудің мектепке дейінгі орталықтарында, барлық білім беру ұйымдарында көкейкесті мәселе болып табылады. Балаларды Отанды, туған жерді, өзінің халқын сүюге тәрбиелеу- мұғалімнің аса маңызды, аса жауапты да қадірменді парызы»- деп айтқан болатын. Жалпы, отансүйгіштік сезімнің қалыптасуы отбасы тәрбиесінен бастау алып, өсе келе мектепте әрі қарай дамып, жүзеге асады. Сондықтан орта мектептің бағдарламалары ұлттық және елжандылық мүддесіне қызмет ететіндей мазмұнды болуы қажет. Мұндай патриоттық тәрбиелік жұмыстардан біздің ауданымыз шет қалып жатқан жоқ.

22 қыркүйек - Тілдер күніне байланысты Көкпекті орта мектебінде аудандық кітапханамен бірлескен сыныптан тыс іс-шара болып өтті. Аталмыш сайысқа ауданымыздың белді тұл-ғалары, мекеме қызметкерлері шақырылды. Мектеп кітапханашысы В.Ибрагимова мен ағыл-шын тілі пәнінің мұғалімі А.Тоянкенованың ұйым-дастыруымен қазақ, орыс және ағылшын тіл-дерінде өткізілген сайысқа 8 «А» және 8 «Б» сынып оқушылары қатысты. Бұл жерде оқушылардың үш тілді меңгеруі, еркін сөйлеуі, өз ойларын ашық жеткізе алуы, сондай-ақ, білім деңгейлері сынға түсті. Білім додасының қорытындысы бойынша 8 «Б» сынып оқушылары жеңімпаз атанды.

Көкжайық ауылы – ауданымыздың тірек елді мекендерінің бірі. Оның дамуы «Елім-ай Көкпекті» инвестициялық жобасын жүзеге асырудан басталды. Үлгілі ауыл құру ісі жаңа бастама болғандықтан қиындықтар да жеткілікті болатын. Алғашқы кезеңде тұрғын халықтың үйреншікті болып кеткен әдеттерін, өмір салтын, ойы мен көзқарастарын түбегейлі өзгертуге тура келді. Әйтсе де, бірлесе күш жұмсаудың нәтижесінде бүгінгі күні бұл ауылды шынында да тірек елді мекен деуге болады.

Міне, мол өнімімен қуантып күз де келді. Егін орылып, бау-бақша өнімі жиналып, ауыл тұрғындары қыс қамын жасап жатыр. Бірақ, бәрінде бірдей бақша бола бермейді, бар болса онда көкөніс өсіруге шамасы келмейтіндер де бар. Күзгі жәрмеңкенің пайдасы осындайда аса қажет. Жылдағы дәстүр бойынша ауданда әр сенбі сайын ауылшаруашылығы жәрмеңкелерін өткізу қайта оралды.
Өткен сенбі күні Самар ауылының орталығында биылғы жылдың алғашқы жәрмеңкесі қанат жайды. Ауыл тұрғындары өздерінің артық өнімдерін базарға ұсынды. Біздің өңірде бақша салуды кәсіп ететін кәсіпкерлер де баршылық. О.Ким, Л.Ким, Тұрсын Мұса, М.Зүлфиев әкелген картоп, сәбіз, қызанақ, қауын-қарбыз, пиязды тұтынушылар арзан бағамен лезде сатып алды.