Көкжайық орта мектебінде дирек-тордың тәрбие ісі жөніндегі орынбасары Нұрлан Ермек Сыдықұлының және қазақ тілі мен әдебиет пәні мұғалімі Әзімбаева Аяулым Қалиқанқызының ұйымдас-тыруымен ақиық ақын Мұқағали Ма-қатаевтың 86 жылдық мерейтойына орай мектепшілік «Мұқағали - мәңгілік ғұмыр» атты жыр мүшайрасы өтті.
Аталмыш шараның мақсаты мұзбалақ ақынның өшпес мұрасын кейінгі ұр-паққа дәріптей отырып, шәкірттерді ұлтжандылыққа, ізгі қасиеттерге баулу, оқушылардың мәнерлеп оқу дағдыларын шыңдау. Мүшайраға 5-11 сыныптардан 20 оқушы қатысты. Қара өлеңнің құдыретіне еліткен көрермендер Ақбота Еркінқызы, Меруерт Еркінқызы, Гүлбайран Жеңісхан, Гүлназ Ғазизова, Фатима Жасұлан, Олжас Байсеитов, Бақытқан Жұмакәрім сияқты өрендерді сахнаға неше қайтара шақырып, образға бар жан-тәнімен кіре отырып, жүрегімен нақышына келтіре оқыған өрендердің өнеріне тәнті болды.

Кеңес әскерінің Ауған жерінен шығарылғанына 28 жыл толуына орай, Көкжайық ауылында бірқатар мерекелік іс-шаралар ұйымдастырылды. Көкжайық орта мектебінде ерлік сабақтары, салтанатты тізілім өткізілді. Атаулы күнге орай Көкжайық ауылдық кітапханасында «Ауғанстан біздің жүрегімізде» тақырыбындағы кітап көрмесі, тақырыптық сағат өткізілді. Мәдениет үйінде өткен шағын мерекелік концертте патриоттық әндер шырқалды.

Тайға таңба басқандай тарихта жазылып қалған соғыстың соңғы күні —15 ақпан елімізде Кеңес одағының әскері Ауғанстан жерінен шығарылған күн ретінде аталып өтеді. Биыл аттай 28 жыл толған осы айтулы күнге орай Көкпекті ауданында Ауған соғысының ардагерлерін жинап, жақсы тілектер, сый-марапат көрсетілді.

Үлкенбөкен ауылында тұрғындармен кооператив құру бойынша жиын өтті. Жиынды бастаған округ әкімі Н.Назарханов жиналғандарды «кооператив» ұғымымен таныстырып өтті. «Кооператив құру» туралы жаңа Заң шыққанын, оны қалай пайдалану керектігін атап көрсетті. Кооперативтің құрамында кемінде 2 адам болуы керек. Ірі қара мал, ұсақ мүйізді, жылқы малдарының аналықтарын кө-бейтуге мемлекеттен қаржылай көмек беріледі.
Жиын барысында Үлкенбөкен ауылы бойынша кооператив құруға 3 адам ниет білдірді. Олар өздерінің бағдарламаларын айтып, тұрғындарды таныстырды. Кооперативке біріккен жеке меншік малдарының табынында асыл тұқымды бұқа, қошқарлар болады. Бұл - малдардың басы асылданады деген сөз. Үлкенбөкен ауылының орталық көшелеріндегі ірі қара малдарды кооперативке біріктіріп бағуға Р.Нұрғалиева және С.Сафаев, ұсақ малдарды және ірі қара малдарды жайлауда бағуға А.Салагаев ниеттерін білдірді. Ауыл тұрғындары жеке меншік малдарды кооперативке біріктіргеннің пайдасы мол екен деп тарасты. Ендігі таңдау, мал иелерінің өзінде.

Ж.Оспанова, округ кітапханашысы