Аудандық Орталық мешіттің бас имамы Нұрнәсір Дүйсеннің бас-тамасымен, мұсылман жамағаттың күшімен қасиетті Құрбан айт мейрамының бірінші күні жылдағыдан ерекше ұйымдастырылды.
Мешіт жамағаты айт намазынан соң бұл күнді дін мен спортты ұштастыруға арнапты. Мешіттің бас имамы Нұрнәсір Дүйсенмен болған әңгімеде ол: «Құрбан айттың бірінші күнін өзгеше етіп өткізу үшін өзара ақылдастық та жастар арасында 4 шақырым қашықтыққа жаяу жүгіру және қазақ күресінен жарыс өткізейік деп шештік. Ондағы мақсатымыз, осындай шаралар арқылы жастар арасында өзара сыйластық пен достық қатынас орнату арқылы құрбан айттың қасиетін арттыру.

23 тамыз күні Көкпекті ауданының арнаулы әлеуметтік қызметтер көрсету орталығында «Айбынды, айдынды, айшықты – Ата Заң» атты мерекелік іс-шара өткізілді. Балалардың Отанға деген сүйіспеншілігін ояту, ұлтжандыққа тәрбиелеу мақсатына бағытталған мерекелік жиынның мазмұнын тақырыпқа сай безендірілген залдағы көрнекіліктермен айшықтала түсті.

Миролюбовка ауылындағы «Карина» тұрмыс-тық қызмет көрсету орталығы үшінші жыл жұмыс істейді. Осында кез келген бұйымға тапсырыс беруге және көне заттарды қайта жөндеуге болады.
Сіздердің тапсырыстарыңызды үлкен сүйіс-пеншілікпен және кәсібилікпен тігінші-шеберлер Анна Жулина және Евдокия Винтер орындайды. Сондай-ақ, тігіншілер жұмыс формаларын тапсырыс берушінің қалауына сай тігіп береді. Евдокия Андриановна – үлкен еңбек өтілі бар тігінші.

Көкпекті ауылының орталығы биылғы жылы көз алдымызда келбеттене түсуде. «Жәрдем» және «Дильназ» дүкендерінің алдындағы алаңда автотұрақ құрылысын жасау жұмыстары тез арада жүргізіліп, пайдалануға берілді. Бұл игі істі мықты техникалардың күшімен сапалы әрі жылдам орындаған «Көкпекті жолдары» ЖШС-ның басшысы Г.Нұрғалиеваға және ұжым жұмысшыларына Көкпекті ауданының автокөлік жүргізушілері дән риза.