Тассай ауылының М.Әуезов орта мектебінің 10 сынып оқушылары Өскемен қаласында Елбасының «Болашаққа бағдар: рухани жаңғыру» бағдарламалық мақаласын жүзеге асыру аясында өткен облыстық «Менің Отаным – Қазақстан» атты жас өлкетанушылар мен туристердің он күндік слетіне қатысып, ауданымыздың намысын қорғап келді. Бұл сайыс төрт кезең бойынша өтті.

Әр кезеңнің талаптарына сай оқушыларымыз жоғары деңгейде өнер көрсетіп, жүлделі орын алып қайтты. Облысымыздың түкпір-түкпірінен жиырма төрт команда, жүз он жеті дарынды оқушылар бас қосқан бұл сайыста таныстыру кезеңі бойынша Көкпекті құрамасы жүлделі екінші орынды иеленді. Эссе жазу кезеңі бойынша Б.Құдайбергенов бірінші орынды жеңіп алды. Жеңімпаздар мақтау қағаздарымен, бағалы сыйлықтармен марапатталды. Жетекшілері М.Әуезов орта мектебінің география пәні мұғалімі, Көкпекті ауданы жастар мәслихаты депутаты, Б.Байгереевтің бұл жерде еңбегі өте зор екенін айта кеткіміз келеді. Осындай білімді балаларды тәрбиелеп өсіріп отырған ата-аналарға «Нұр Отан» партиясы Көкпекті аудандық филиалы төрағасының бірінші орынбасары Г.Ақшабаева алғыс хат табыстады. Тассай селолық округі әкімі Ержан Құдайбердіұлы жеңімпаздарды құттықтап, алғыс білдіреді. Жеңімпаз атанып келген оқушыларға ауылымыздың жас кәсіпкері Ж.Тлебалдин арнайы қомақты сыйлықтарын ұсынды.
Оқушылар мен жетекшілер атынан Жанатқа үлкен алғыс білдіреміз.

Мағжан Жадрин,
жетекші маман

Пікір: