Елiмiз тәуелсiздiк алып, дербес мемлекет ретiнде танылғанына биыл 25 жыл толды. Бұл - қазақ елi үшiн егемендiк пен елдiктi, татулық пен тұрақтылықты, отансүйгiштiк пен патриотизмдi насихаттайтын ерекше мерейтой. Округте өткен жыл бойғы мерейтойлық шаралар 14 желтоқсанда қорытындыланды.
Бiр шаңырақтың астында бiрлiгi жарасқан ауыл тұрғындары ел Тәуелсіздігінің 25 жылдығына арналған «Тәуелсіздік – қасиет тұнған ұлы ұғым» атты мерекелік іс-шарада бас қосты. Тәуелсіздік жылдары еліміз тарихи тұрғыдан қысқа мерзім ішінде ғаламат табыстарға қол жеткізгені белгілі. Осы әрбір жеткен жетістіктің артында түрлі салада жан аямай қызмет еткен азаматтардың еңбегі зор. Қазақстанның тәуелсіздігін нығайтуға үлес қосып, ел үшін тынымсыз еңбек еткен Айтан Абдрасымов, Закен Камалиев, Жұмаш Исанов, Қабылбек Алимов, Серік Калдыбаев сияқты бірқатар азаматтарымызды округ әкімі Мерей Смағұлов Алғыс хаттармен марапаттады.

Ел Тәуелсіздігінің айшықты мерейтойы аясындағы 25 жұлдызды күн акциясының кезекті шарасының бірі - Көкпекті ауданының көркемөнерпаздар байқауы орталық мәдениет үйінде өткізілді. Аталмыш байқауды ұйымдастырудағы мақсат жиналған қауымға ата-бабаларымыздың Тәуелсіздік жолындағы ерлігін паш ету, туған жерге, елге деген сүйіспеншілікті арттыру, аудан тұрғындарының арасынан өнерлі адамдарды шығарып, жаңа шығармашылық ұжымдар құру, жалпы өнерге деген сүйіспеншілікті дамыту болды.

«Біз спортты қолдаймыз!» ұранымен 1 желтоқсан Президент күніне орай Теректі ауылының Қ.Аухадиев атындағы орта мектебінде мұғалімдер арасында аудандық баскетбол жарысы өтті. Теректі ауылдық округінің аппараты мен мектеп әкімшілігінің, дене шынықтыру пәні мұғалімдерінің бұл бастамасын қолдап, өздерінің спорттық шеберліктерін сынауға М.Әуезов атындағы және А.Пушкин атындағы орта мектептерден құрама командалар келіп қатысты.

Әнді көмейімен емес жүрегімен салған бозбаланың бозторғайдай әуезді үні құлақтан кіріп бойды баурайды. Мәнді мәтіні мен мұңды әуені сай жұптасқан құдіретті сарын. «Асыл ана жаулығы желбіреген...» баяулай қалқып, көкірегіңді сағынышты аңсауға ұштастырып барып-барып беймәлім бір күйге бөктірген әншінің сыршыл, сезімді дөп басатын тәңірдің өзі сыйға тартқан балаң табиғи дауысы.