Тассай ауылдық округінен аудандық мәслихат депутаттығына сайланған халық қалаулысы Нұржиһан Қадылбекқызы Әбдірахманованың ұйытқы болуымен ауыл кәсіпкерлері жиылып, 1 наурыз – Алғыс айту күніне орай М.Әуезов атындағы орта мектепке спорттық құралдарды сыйға тартты. Тірлігі бекем ауылдың бірлігі мықты «Дарын», «Бекзат» «Аружан» ШҚ, «Мұқаш» ЖШС, «Ағайынды», «Байжұманов» ЖК басшылары және т.б. дәулетті азаматтары бизнестің әлеуметтік жауапкершілігін толық сезінеді. Сөйтіп, олар туған ауылда өсіп келе жатқан жеткіншектерді салауатты өмір салтына қалыптастыру мақсатын көздеп, білім ордасына қысқы және жазғы спорт түрлеріне қажетті құрал-жабдықтар сатып әперді. Ауылдың Атымтай жомарттарының мұндай тартуына риза болған ауыл әкімі Ержан Мазыбаев кәсіп иелеріне зор алғысын, игі тілегін білдірді.
Тассай кәсіпкерлерінің бизнестің әлеуметтік жауапкершілігін сезіне білуі баршамыз үшін үлгі алуға тұрарлық әрекет дегіміз келеді.

Бақыт МҮЛІКОВА

Қазақ сахарасында осыдан тура жүз жылдай бұрын Алаш қозғалысы бастал-ған еді. Яғни, биыл Алашорда үкіметі құрылып, Алаш автономиясының жариялан-ғанына 100 жылдығы еліміздің өміріндегі аса маңызды тарихи оқиға. 19 ғасырдың аяғы мен 20 ғасырдың басында Қазақстанның саяси өмірінде үлкен өзгерістер орын алды. Ұлттық сана-сезім оянып, жаңа идеялар ой-пікірлер пайда болған осы тарихи кезеңде туған халқын Ресей бодандығынан азат етудің жолында аянбай еңбек еткен алаш қайраткерлерінің орны ерекше. Солардың бірі – Алаш қозғалысының көрнекті мүшесі, Шығыс өңірінде алғаш мектеп ашып, қазақ балаларын оқу-білімге тартып, қыр қазағының құқығын қорғаған, ағартушы-публицист, халық мұғалімі, ұлтжанды азамат, фольклоршы – Отыншы Әлжанов болатын.

1873 жылы Семей облысы Зайсан уезі, Нарын болысының №6 ауылында Әлжан Сақауовтың ауқатты отбасында дүниеге келген. Сақаудың (шын аты Мұхаметхан) әйелі Тайбала – білікті қоғам қайраткері, әйгілі аға сұлтан Құнанбайдың туған қарындасы екен. Белгілі қоғам қайраткері, әйгілі аға сұлтан Құнанбаймен аралас-құралас болып заман ағымын пайымдай білген Сақауовтар балаларын орыс оқуын оқытуды ертерек қолған алады. Сондықтан да Отыншы жастайынан орысша оқу оқиды. 1882 жылы Зайсан қаласындағы бастауыш орыс-қазақ училищесіне оқуға түсіп оны 1887 жылы үздік бітіріп шығады.

«Басқа спортты қайдам, біздің қазаққа төбелес болса болды» дегенді қалжың етіп айтып жүреміз. Әзілмен көмкеріп, сөз саптағанымызбен осынау ойдың астарынан зіл батпан шындықтың ұшқынын аңғаруға болады. Шын мәнінде, кім-кімге болса да кеудесін бастырмаған өр қазақтың жұдырықтасу өнерінде, әсіресе аралас жекпе-жек түрлерінде қарсыласына есе жіберген тұсы жоқ.
Ғасырдан ғасырға тамыр жалғаған сондай жауынгерлік өнер түрлерінің ішінде "Номад" («Көшпенділер») атауын иемденген жекпе-жек спортының шоқтығы биік. Техникасы бай, әдіс-тәсілі мығым бұл бекзат өнерге соңғы кездері ықылас танытушылардың қатары көбейіп келеді.
Осыған дәлел ретінде 7 жылдай уақыт ішінде жас өрендерді осы спорт түріне баулып жүрген Көкпекті орта мектебінің дене шынықтыру пәнінің мұғалімі, жаттықтырушы Руслан ЖүнісовтІң шәкірттерінің жеңісін айтуға болады. Олар 5-6 ақпан күндері Семей қаласында өткен NOMAD MMA стилінен «Аспан» клубының 15 жылдығына арналған Шығыс Қазақстан облыстық ашық чемпионатына барып жүлделі орындарға ие болып айтты.

«Өркениетті ұлт, ең алдымен, тарихымен, мәдениетімен, ұлтын ұлықтаған ұлы тұлғаларымен, мәдениеттің алтын қорына қосқан үлкенді-кішілі үлесімен мақтанады»- деп Елбасымыз Нұрсұлтан Әбішұлы айтқандай, тағылымы мол өткен күндерден мағлұмат беретін мәдени орта - мұражай екендігі анық. Ауданымыздың тарихи-мәдени мұрасын жинап, сақтап, халыққа насихаттап отырған дәл осындай қара шаңырақ бізде де бар. Ол Көкпекті ауданында орналасқан тарихи-өлкетану мұражайы.