Өткен айда Тәуелсіздіктің 25 жылдығын мерекелеуге байланысты Павлодар қаласында М-1 спорты бойынша Қазақстан Республикасының кубогі өтті. Республикалық спорт додасында Шығыс Қазақстан облысы атынан Көкпекті ауданының командалары қатысып, қанжы-ғалары майланып қайтты. Аталмыш команданың құрамында Көкпекті, А.Пушкин және Новотимофеевка орта мектебінің жас спортшылары бар.
Керекуде өткен тартысты жарыста бойындағы бар күш-қайратын, батылдығы мен жоғарғы даярлығын көрсеткен жас ұландар аудан намысын қолдан бермей, жүлделі орындарға ие болып оралды. Атап айтатын болсақ, Көкпекті мектебінің спортшылары Е.Ермеков І-орын, Р.Айдаров, Т.Жұманов, И.Аманжолов ІІ-орындар алды. Бұл жеңімпаздарды жаттықтырып, жеке басының өнегесімен, ақыл-кеңесімен бабына келтіріп, бәйгеге қосқан жас ұстаз Руслан Жүнісовке ата-аналар дән риза. Ал, ІІ-орын алған А.С.Пушкин атындағы орта мектептің жас батыры М.Тұрсынов тың жаттықтырушысы Т.Тоқтасыновқа және Новотимофеевка орта мектебінің жаттықтырушысы Т.Қалиевке аудан спортын дамытуға қосып жүрген қомақты үлестері үшін аудандық білім беру және спорт бөлімі тарапынан үлкен алғыс айтқымыз келеді.

«Спортпен достасқаның – кү-шіңе күш қосқаның» демекші, салауатты өмір салтын насихаттау, қысқы спорт түрін дамыту мақсатында таяуда Көкжайық орта мектебінің хоккей мұз айдынында аудандық білім беру, дене шынықтыру және спорт бөлімінің ұйымдастыруымен хоккей ойынынан облыстық біріншілікке іріктеу ойындары өтті.
Жарысқа Көкпекті, Үлкенбөкен, Абай атындағы (Үлгілімалшы ауы-лы), Амангелді атындағы, Қ.Ау-хадиев атындағы және Көкжайық орта мектебінің хоккейшілер командасы қатысты. Ойыншылар екі топқа бөлінді: 2001-2003 жылы туылғандар – «ересектер тобы» және 2004-2007 жылы туылғандар – «жас буын».«ересектер тобынан» 6 команда, «жас буын» тобынан 4 команда құрылды. Әр топ өз киім үлгісімен ерекшеленді. Жеребе тарту арқылы командалардың ойнау реті белгіленді және әр мектептің дене шынықтыру пәні мұғалімдері жарыста төрешілік етті. Күннің суықтығына қарамастан, мұз айдынындағы хоккей қызықты да, тартысты болды

Адамзаттың абзалы болған, Алланың сүйікті құлы, Пайғамбарымыз хазіреті Мұхаммед Мұстафаның (с.а.у.) - туылған күні Мәуліт мерекесі соңғы бірнеше жыл қата-рынан Көкпекті аудандық Мәдениет үйінде дәстүрлі түрде аталып өтіп жүр.6 қаңтарда қасиетті жұмакүні болып өткен рухани мерекеде Пайғамбарға салауат айтылып, Аллаға шүкіршілік етілді. Игілікті жиынға аудан әкімінің орынбасары Ерлан Қалдыбаев, Көкпекті ауданы ауылдық округтерінің мешіттерінен келген имамдар, бүкіл мұсылман жамағат көптеп жиылды.

Белорусь Республикасының астанасы Минск қаласында 2-4 желтоқсанда таэквон-додан Әлем Кубогы болды. Бұл додада әлемнің 22 елінен келген спортшылар бақтарын сынады. Біздің ауданнан Бақыт Рахимов жаттықтырып жүрген таэквон-дошылар қатысты.Олар Еркебұлан Зияш 3 орынды, Жасұлан Смағұлов 4 орынды иеленіп, жерлестеріне жеңіс сыйлады. Аталмыш додаға барып қайтқан Еркебұланды әңгімеге тартқан едік.
- Еркебұлан, сені жеңісіңмен құттықтаймыз! Таэквон-домен шұғыл-данғаныңа көп болды ма?
- Мен бұл спорт түрімен 9 жасымнан бастап айналыстым. Маған бұл шығыс жекпе-жегі өте ұнайды. Сонымен қоса, жас кезінде әкем Бауыржан бокспен айналысса, анам Дариға жеңіл атлетикаға әуес болған. Ата-анамның бойындағы қасиет менің де әуесқойлығыма қозғау салған шығар. Біз отбасымызбен салауатты өмір салтын ұстанамыз.
- Алғашқы жеңіске қашан қол жеткіздің?