«Жақсының аты өлмейді...» деген дана сөз бар. Жақсы адамның есімі, әрбір ісі, жарқын бейнесі жұрт жадында мәңгілік жаңғырып тұрады. Бұл Тарбағатай ауданы Ақсуат ауылында өткен Малдыбай қажыны еске алуға арналған ХVII республикалық бокс турнирі барысында анық аңғарылды. Турнирге Семей, Аягөз, Өскемен, Ұлан, Қатонқарағай, Абай, Үржар, Көкпекті аудандарынан 2001-2002 жылғы жасөспірімдер қатысып, бақ сынасты.

Әр спорттың өзіндік заңы мен тарихы бар. Осындай заңдылықтарды ұстанып, спортты өзінің жан досындай көретін мектебіміздің намысын аудандық, облыстық дәрежеде жоғары көтеріп жүрген спортшы қызымыз 11- сынып оқушысы Баян Әнуар жайында болмақ. 2012 жылдан бастап жаттықтырушысы Сайлауханұлы Манарбектің күнделікті дайындығымен Баян 7 сыныптан бастап спортпен шұғылданып, жарыстарға қатыса бастады. Аймақтық, аудандық жарыстардан жүлделі орындарға ие болды.

Көкжайық орта мектебінде «Қамқоршылық күніне» орай, бала бойына отбасы жылулығы мен махаббатын дарыта алатын кең пейілді, жомарт жүректі жандарға құрмет көрсетілді. Тәрбие ісінің меңгерушісі Е.Нұрлан қамқорлыққа алушы ата-аналарға арнайы құттықтау сөз сөйлеп, К.Құдабаева, Е.Боранбаев, Г.Бияхметова, Г.Абдулдинова мектеп әкімшілігі тарапынан бала тәрбиесіндегі қажырлы еңбектері үшін алғыс хат пен марапатталды.

Жерлесіміз Ерболат Құнанбаев самбо күресінен Қазақстан Кубогын жеңіп алды. Семей қаласында өткен Қабанбай Батыр атындағы дүбірлі жарыста қарсыластарын түгел жығып, алтын жүлдені олжалады. Мерейімізді үстем еткен балуан 62 кг салмақ дәрежесінде үздік шығып қана қоймай самбо күресінен спорт шебері атанды.
Семей қаласының денешынықтыру және сауықтыру кешенінде самбо күресінен Қабанбай батыр мемориалы Қазақстан Кубогы үшін өткен жарыс аяқталды. Ерлер мен әйелдер арасында Қазақстан кубогы сарапқа салынған жарысқа 14 облыс және Астана, Алматы қалаларынан 240-қа жуық палуан қатысты. Мемориалдық турнир биыл 16-шы мәрте ұйымдастырылып отыр. Дәстүрлі жарысқа қатысушылар саны жыл санап артып келеді. Бұл өз алдына еліміздегі самбо күресінің қанат жаюына ықпал етуде.