Елбасы бір сөзінде: «Ел дамуының жаңа кезеңіндегі мемлекеттік саясаттың бір бағыты медициналық қызмет көрсету сапасын жақсарту және денсаулық сақтаудың жоғары технологиялық жүйесін дамыту болуы керек», – деген еді. Ұлт денсаулығы – табысты болашақтың негізі, бақытты өмірдің кепілі. Сондықтан денсаулық сақтау жүйесін ұзақ мерзімді жаңғырту бағдарламасындағы басым бағыттардың бірі еліміздің барлық аумағында сапалы және қолжетімді медициналық қызмет көрсетуді қамтамасыз ету болып табылады.

Мариногорка ауылдық округінде мәдениет үйінің меңгерушісі және ауыл кітапханашысының ұйымдастыруымен «Нұр –Сұлтан, Саған арнадым» атты әкімшілік алдындағы тас жолға сурет салудан кішкентай бүлдіршіндер арасында іс-шара өтті. Іс-шарада кішкентай бүлдіршіндер әсем қала Нұр-Сұлтанның көрікті жерлерін бейнелеп салды. Іс-шараның мақсаты: Балаларға еліміздің бас қаласы – Нұр-Сұлтан туралы мәлімет беру. Елорда туралы деректермен білімін дамыту, оқушылардың ой-өрісін, шығармашылық қабілеттерін дамыту. Сондай-ақ, Қазақстан Республикасының орталығы Нұр-Сұлтан қаласын мақтан тұта білуге тәрбиелеу және Отанға деген сүйіспеншілігін арттыру, елжанды азамат болуға тәрбиелеу. Балалар әр түрлі борлармен «Нұр-Сұлтан», «Қазақстан» деп жазып, желбіреген көк ту, бәйтерек, әсем гүлдерді салып, тамашалаушыларға жақсы көңіл-күй сыйлады. Қатысқан барлық кішкентай бүлдіршіндерге мадақтама қағазымен тәтілер таратылды.

Мариногорка ауылдық округінің ақпараты

Бала-өміріміздегі ең құнды нәрсе, сондықтан оларға қамқор болып өмірлерін жақсартуға барынша мүмкіндік жасауымыз қажет. Балалардың күлкісі мен сәбилердің бақытты көзі, бәлкім, әлемдегі ең үлкен байлық.

Ағымдағы жылдың 31 мамырда Көкпекті ауылындағы орталық аудандық аурухана қызметкерлерінің балалары үшін «Балалар - біздің бақытымыз!» атты халықаралық балаларды қорғау күніне арналған кәсіподақ ұйымының ұйымдастыруымен мерекелік іс-шара өтті.
Аталмыш шарада клиника-диагностикалық емханасының меңгерушісі Нұрлан Әубәкіров құттықтау сөз сөйлеп, аталық тілегін білдірді. Бұл күні бүлдіршіндер өздерінің сүйікті мультфильм кейіпкерлерімен бірге көңіл көтерді. Күлкілі байқаулар, ойындар, әндер, билер, спорттық эстафеталар және ««Ана, әке және мен - спорттық отбасым» атты сайыс ұйымдастырылды. Сондай-ақ, бүлдіршіндерге тәтті мақта, поп-корн, шырын таратылды. Балалар асфальт үстіне түрлі түсті борлармен әр түрлі суреттер салды. Мерекелік кеш соңында аурухана кәсіподақ комитеті барлық балаларға сыйлықтар табыс етті.

Көкпекті ауданында Кеңес Одағының Батыры Қойгелді Аухадиевтің еске алуға арналған футзал турнирі мәресіне жетті. Биыл бесінші мәрте өткізіліп отырған бұл турнир биыл қомақты қаржылай қолдауымен ерекшеленді. Батыр ұрпақтары 7 айға созылған турнирдің қомақты жүлде қорын қамтамасыз етті. Қараша айында өткен жарыстың ашылу салтанатында аудан әкімі Асхат Смаилов өз атынан арнайы қаржылай жүлде де тағайындаған еді.
Турнир жеңімпаздарын марапаттау салтанатында сөз алған батыр ұрпағы Ерлан Қойгелдин бұл мемориалдың спорттық рухты көтеріп, жігерді тасытқаннан басқа, жұртты салауатты тұрмыс салтына баулу тәрізді насихаттық бағыты да бар екеніне назар аударды. Жастардың тартысты ойынын тамашалауға аудан әкімінің орынбасарлары Марат Теміржанов пен Дәурен Қойгелдин, ішкі саясат бөлімінің басшысы Бек Нұғыбаев, спорт бөлімінің басшысы Ержан Кәрібаев, жастар орталығының директоры Азамат Халық, мәслихат депутаттары мен футбол жанкүйерлері көптеп жиналды.