Ағымдағы жылдың, 19 мамыр күні Көкпекті орта мектебінің спорт залында жасөспірімдер арасында NOMAD MMA бойынша облыстық ашық чемпионаты өтті. Жарысқа облыстың 4 ауданы және Семей қаласынан  спортшылар қатысты.

Сәуірдің 24-30 күндері аралығында елімізде иммунизация апталығы өтті. Осыған орай ағымдағы жылдың, 28 сәуір күні Көкпекті ауданының орталық ауруханасында бүкіләлемдік иммунизация апталығы аясында «Екпе егу! Баланың қауіпсіздігі - ата-аналардың қамқорлығында» атты конференция өтті.
Жиынға аудандағы денсаулық сақтау саласы мамандары мен мекеме ұйымдары қа-тысты. Шараның бас-ты мақсаты – халықтың вакцина мәселелері бойынша сауаттылығын арттыру болып отыр. Себебі, кейбір ата-ана діни көзқарасы бойынша екпе алуды қажет деп таппайды.
Елді елеңдетіп отыр-ған мәселенің бірі – екпе (вакцина). Бұл – балаларда кездесетін түрлі жұқпалы аурулардың алдын-алу үшін егіледі. Өкінішке қарай, екпе егуге қарсы ата-аналар көбейді. Денсаулық сақтау қызметкерлері болса, баланың өмірін ұзарту үшін қолданатын екпенің зияны жоқ екенін айтып, шырылдап бағуда. Мамандардың пікірі, екпесіз ұлттың ертеңі бұлыңғыр дегенге саяды.

Жұқпалы аурулардың белгілі бір түрлерінің алдын алу үшін екпе жасау тиімді әдіс болып табылады. 70-жылдардың соңында Дүниежүзілік денсаулық сақтау ұйымының (ДДҰ) бастамасымен нағыз шешекке қарсы екпе жасау әлем бойынша шешектің толығымен жойылуына әкелді. Қазіргі уақытта Европа аумағында, соның ішінде Қазақстанда полиомиелит сияқты жұқпалы ауру түрі жойылды. Республикамызда қызылша, қызамық және туа біткен қызамық синдромын жою бойынша бағдарламалар дайындалды. 1998 жылдан бастап вирусты гепатитке қарсы, 2005 жылдан бастап қызамыққа қарсы, 2008 жылдан бастап гемофильді-инфекцияға қарсы вакцинация енгізілді.

Көкпекті ауылындағы «Шуақты шұғыла» балабақшасында «Көңілді старт» спорттық-отбасылық сайыс болды. Аталмыш спорттық шара Елбасының «Болашаққа бағдар: рухани жаңғыру» бағдарламасы аясында өтті.
Спорттық шараға мұрындық болып жүрген балабақшаның дене шынықтыру нұсқаушысы Ф.Әділханова. Сайысқа балабақшаның «Балапан» және «Айгөлек» топтары бүлдіршіндері өз аналарымен қатысты. Олар Сармановтар, Салықовтар, Рахметовтар, Ахметовтар, Мұкашевтар, Елеусізовтар, Килыбаевтар, Жұмашевтар. Қатысушылар өз отбасының төсбелгісімен біркелкі формасымен ерекшеленді. Спорттық сайыс барысында «Бәйге», «Теңге алу», «Арқан тарту» атты қазақтың ұлттық ойындары ойнатылды. Спорттық шара 9 кезең бойынша өтіп, ең мықтылар озып шықты.