Ағымдағы жылдың тамыз айында «Көкпекті ауданының арнаулы әлеуметтік қызметтер көрсету орталығы» коммуналдық мемлекеттік мекемесінің ұйымдастыруымен «Екі жұлдыз» ән байқауының аудандық іріктеу кезеңі өткізілді. Ән байқауына қызмет алушы тәрбиешісімен 7 жұп қатысты. Балаларды белсенді шығармашылыққа тарту байқаудың басты мақсаты болып табылды. Талантты орындаушыларды анықтап, келесі мәреге жіберілетін жеңімпаздар іріктелді. Өздерінің өнерлерін сахна төрінде паш еткен сайысқа қатысушылар көңілді, қызықты нөмірлер ұсынды.
Байқау қорытындысы бойынша Семей қаласында өтетін келесі кезеңге Тлеухан Сәлімжанов өз тәлімгері Лариса Титовамен және Ыдрышева Аяулым мен Арай Айдарғазина өтті. Барлық қатысушыларға алғыс хаттар берілді.

Сондай-ақ, тамыздың 15 күні осы мекеме қызметкерлерінің арасында Астана қаласының 20 жылдығына арналған волейболдан жарыс өтті. Көкпекті орта мектебінің дене шынықтыру мұғалімі Серікжан Серікпаев Серікжан жарыстың қорытындысын шығарып: 3- орынды «Бәйтерек» тобына, 2- орынды «Тұлпар» тобына, 1- орынды «Спартак» тобына тағайындады.
Мереке соңында «Көкпекті ауданының арнаулы әлеуметтік қызмет көрсету орталығы» КММ директоры Райхангүл Баймолдина сөз сөйлеп, жеңімпаздарды құттықтап, марапаттады.

Ж.Нұрсапаев, әлеуметтік қызметкер

Пікір: