Қазақ елі үшін ағымдағы жылғы бірқатар атаулы күндермен қатар, мән-маңызы жағынан беделі жоғары тағы бір күн бар. Ол — ұлттық валютамыз теңгенің айналымға енген күні. Иә, 1993 жылдың қазан-қараша айларында Қазақстан рубль аймағынан толықтай шығып, 15 қараша күні теңге ресми айналымға енген болатын. Ал 1997 жылы ел Президенті Нұрсұлтан Назарбаевтың Жарлығымен 15 қараша – төл валютамыздың туған күні әрі қаржыгерлер күні болып белгіленді.
Биыл төл теңгеміздің 24 жылдық мерейлі мерекесі. Төл ақшаның айналымға енуі жас мемлекеттің экономикалық әлеуетінің артуын қамтамасыз етті. Төл теңгенің туған күні Көкпекті ауданында да атаусыз қалмады. Қараша айының 19 жұлдызында ұлттық валюта күні және қаржыгерлер мерекесіне арналған шара Көкпекті орта мектебінің спорт залында өткізілді. Оған аудандағы бөлімдердің құралған 7 спорттық командалар қатысты. Атап айта кететін болсақ, Көкпекті ауданы кірістер басқармасы, Қазыналық бөлім, ауданның қаржы экономика және бюджетті жоспарлау бөлімі, Самар ауылдық округі, білім беру және спорт, денешынықтыру бөлімі, Көкпекті ауылдық округі, жеке бөлімдерден құралған «Богатыр» командасы бақ сынасты.
Спорттық жарыс басталмас бұрын аудан әкімінің орынбасары А.Әкімова құттықтау лебізін білдірді:
- Осы уақыт аралығында біздің ұлттық валюта әртүрлі сындардан өтті, бірақ соған қарамастан, біздің экономикалық модель қабілеттілігін көрсетті. Қаржы саласының барлық қызметкерлерін кәсіби мерекесімен құттықтаймын! Бүгін біз ұлттық валютаның қолданысқа енген күнін атап өтудеміз. Аталған күнді еліміздің қаржы саласын нығайтуда белгілі жетістіктер, толағай табыстармен және тәжірибемен қарсы алғанын атап өткім келеді. Қаржы саласы қызметкерлерінің жемісті еңбегінің маңызды көрсеткіштерінің бірі – бюджет кірістерінің тұрақты өсімін қамтамасыз ету. Мемлекеттік жүйенің маңызды бөлігін дамыту мақсатында аянбай еңбек етіп, алға қойған жоспарларды іске асыруға атсалыстыңыздар. Қаржыгерлердің жоғарғы білімі мен әлеуеті еліміздің қаржы игілігін қамтамасыз етуге келешекте де ықпал етеді деп сенемін. Ауданымыздағы жоғарғы кәсіби сауатты, жауапты қаржы саласы қызметкерлерінің сіңірген еңбегі өте зор, – деді.
Сонымен қатар, Алмагүл Жанахметқызы аудан басшысының алғыс хатымен қаржы саласына маңдай тері сіңген бір топ қаржыгерлерді марапаттады. Атап айтқанда, Мемлекеттік кірістер басқармасы басшысының орынбасары Ұлан Тайғұлов және бас маман програмисі Жанар Бейсекенова, қаржы экономика және бюджетті жос-парлау бөлімінің басшысы Гаухар Смағұлова, М.Баденова, О.Фролова, А.Молдыбаева, Б.Базарқұлова, А.Смағұлова, Б.Тілебердина, З.Омарова, Д.Жұмажанова, А.Маханова, Н.Гигель, Г.Ағымбаева, Б.Шагиева, Н.Слепнева, Б.Қабдуллина, Д.Сүлейменов, Қ.Темірбеков, Ж.Сүюндікова.
Мерекелік құттықтау сөзін арнаған қоғамдық кеңестің төрағасы С.Мұқашев: - Құрметті қар-жы саласының ардагерлері! Осы айтулы күні сіздер құрметке лайық еңбектеріңіз үшін алғы-сымды білдіремін. Сіздерге және сіздердің жақындарыңызға зор денсаулық және бақыт пен табыс тілеймін, – деген тілек білдірді.
Спорттық жарысты команда аралық әртүрлі сайыстар өтіп, додаға түскен 7 команданың ішінен ең мықтылары топты жарып шықты. Әділқазылардың шешімімен 1 орынды қаржы экономика және бюджетті жоспарлау бөлімінің «Финики» командасы, Қазыналық бөлімнің «Хранители казны» 2 орын алса, 3 орын Мемлекеттік кірістер басқармасын 3 орынды місе тұтты. Ал, қалған командарларға да қатысқандары үшін сыйлықтар табысталды.
Қорытындылай келе, қаржыгерлердің жұ-мыстары келешекте де Қазақстан экономикасының қаржы әлеуетін дамытуға және күшейтуге және кәсіпкерлік секторының қаржы жағынан ырысты-берекелі болуына мүмкіндік туғызарына сенімдіміз. Мықты денсаулық, жемісті еңбек, отбасы бақытын, қаржылық қызметте тұрақтылық, ашық аспан мен ел тыныштығын тілейміз.

КЛАРА ҚАЙЫПЖАНҚЫЗЫ

Шығыс Қазақстан облысы нарықтарына ағымдағы жылы импорттық жемістердің карантиндік нысандарменәкеліну мәселесі орын алуда.
Қысқа мерзімде: 20 қыркүйектен 26 қазанға дейін облысқа Өзбекстан мен Қырғызстаннан 10 партиялық анарларжәне құрмалар тиелген, жалпы салмағы 5,13 тонналық, Комсток сымырын жұқтырған жемістер келіп түсті. Кішкентай зиянкестер - карантиндік нысан болып табылады, оны көру өте қиын, ал дернәсілдері мүлдем көрінбейді. Жәндіктерді тек зертханалық жағдайда микроскоп астында анықтау мүмкін. Оған тән ерекшелік - Комсток сымырымен жабылған ақ жүн тәріздес балауыз.Дернәсілдер мен ересек аналықтың өсімдіктергеқатты қаупті зиян келтіреді, олар жас бұтақтарды, жапырақтарды, бүршіктерді сорып алу арқылы өсімдіктердің өсуін кідіртуге әкеліп соқтырады. Ұрғашы жәндіктер өте өсімтал, олар бір ұрпақта 300 дана жұмыртқа салуға дейін қабілетті. Жұмыртқасын өсімдік жемістеріне, сондай-ақ түскен жапырақ астына және ағаш қыртыстарына салады.

Өткен аптаның сәрсенбісі күні Көкпекті аудандық орталық ауруханасының акт залында салауатты өмір салтын насихаттайтын «Сіздің денсаулығыңызды бірге сақтаймыз» тақырыбындағы конференция өтті. Қазақстан Республикасының денсаулық саласын дамытудың 2016-2020 жылдарға арналған «Денсаулық» Мемлекеттік бағдарламасын жүзеге асыру мақсатын көздеген жиынға аурухана бас дәрігерінің орынбасары Г.Слямбекова, СӨСҚ дәрігері О.Дериглазова, аудандық мәслихат депутаты Д.Дюсембаев, дәрігерлер және ауылдық округтердегі дәрігерлік амбулаториялардың фельдшерлері мен медбикелері, басқа да қоғамдық бөлімдер мен БАҚ өкілдері, емделушілер қатысты.

«Нұр Отан» партия ұйымының «Жастар - Отанға» жобасы бойынша Тассай ауылдық округінде түлектердің жұмысқа қабылдануы жөнінде дөңгелек үстел өтті. Жиында сөз алған ауыл әкімі Ержан Құдайбердіұлы Елбасының «Болашаққа бағдар: рухани жаңғыру» бағ-дарламалық мақаласына тоқтала келе, «Мен барша қазақстандықтар, әсіресе, жас ұрпақ жаңғыру жөніндегі осынау ұсыныстардың маңызын терең түсінеді деп сенемін. Жаңа жағдайда жаңғыруға деген ішкі ұмтылыс – біздің дамуымыздың ең бас-ты қағидасы. Өмір сүру үшін өзгере білу керек. Оған көнбегендер тарихтың шаңына көміліп қала береді» деген сөздерін алға тартып, жастарға құттықтау тілектер айтты.
«Нұр Отан» бастауыш партия ұйымының төрайымы С.Чалова түлектерге шағармашылық табыс тілеп, партия жобалары туралы танымды тағлым айтып, құттықтау хат табыс етті. Ауыл келешегін көтеру, мәдени-спорттық іс-шараларға белсене қатысу, өз істеріне адал, саналы азамат болатындарына үлкендердің сенімін білдіретін хаттар жастардың еңбек жолына жасаған қадамдарына берілген жолдама іспетті. Жас мамандар да өз тарапынан ұрпақтар сабақтастығын жалғастырып, ауылдың мәртебесін жоғарылатуға үлес қосатындарын жеткізді, ризалықтарын білдірді. Айта кетсек, Тассай ауылдық амбулаториялық емханаға - 3, М.Әуезов атындағы орта мектепке - 2, округтің ветеринария бөліміне - 3, ауыл клубына - 1 жас маман жұмысқа орналасты. Бойларындағы күш-қайрат пен жастық жалынның лебін ала келген жастары бар Тассайдың болашағы зор болмақ!

Мағжан Жадрин
жастар ісі бойынша маман