«ҚДС департаментінің Көкпекті аудандық тауарлар мен көрсетілетін қызметтердің сапасы мен қауіпсіздігін бақылау басқармасы» РММ ұсынған ақпараты бойынша, 1 шілдеде Көкпекті ауданында коронавирусты жұқтырғандардың саны 17-ге жетті.
Статистикалық көрсеткіш күн санап өсуде. Короновирус індетіне шалдыққан 12 науқасқа тағы 5 адам қосылды. Барлық бесеуі Самар ауылының тұрғындары.
11 ауру «симптомсыз» санатына жатса, 6 КВИ білінеді

«ҚР ДСМ Көкпекті аудандық тауарлар мен көрсетілетін қызметтердің сапасы мен қауіпсіздігін бақылау басқармасы» РММ ұсынған мәліметі бойынша осы аптада Көкпекті ауданында коронавирус індетін жұқтырудың 7 жаңа жағдайы тіркелді.
Инфекцияға ұшырағандардың біреуі Көкпекті, екеуі Самар, төртеуі Қараөткел ауылының тұрғындары (оның үшеуі – балалар). Короновирус-пен ауырған науқастың үшеуі симптомсыз, төртеуі симптомды. Бір науқас ауруханаға жатқызылды, қалғандары үй карантинінде тағайындалған ем алуда.

Маусым айының үшінші жексенбісі дүниежүзілік медицина қызметкерлерінің күні ретінде аталып өтіледі. Ауданның денсаулық сақтау саласының жүйесі Көкпекті ауданының орталық ауруханасы, 6 дәрігерлік амбулатория, 9 медициналық пункт және 14 мектеп жанындағы медициналық кабинеттерден құралған. Аудандық ауруханада штат бірлігі бойынша 283 қызметкер, оның ішінде 35 дәрігер, 185 медбике жұмыс жасайды. 

Дәрігерлер мен орта білімді медқызметкерлер жыл сайын облыстық оқу орындарында білімдерін жетілдіреді. Дәрігерлердің ішінде 9 - жоғары, 5 – бірінші және орта медициналық қызметкерлер арасында 49 – жоғары, 3 – І, 2 – ІІ дәрежелі біліктілігі бар медқызметкерлер қызмет атқарады.

Қазақстан Республикасының Бас мемлекеттік санитарлық дәрігерінің «Карантиндік шараларды күшейту туралы» 20.04.2020 жылғы қаулысы негізінде коронавирустық инфекцияны экспресс-тестілеу бойынша түбегейлі қадамдар жасалды.
Бұдан бұрын хабарлағанымыздай, Көкпекті ауданындағы меди-циналық мекемелерде тегін экспресс-тест жүргізіледі. Мысалы, «Көкпекті ауданының № 2 аудандық ауруханасы» ағымдағы жылдың 24 сәуірінде 425 дана экспресс-тест алды.