2022 жылдың 22 сәуірінде «Көкпекті аудандық ауруханасының» ШЖҚ КМК базасында «Бруцеллез бен сібір жарасының алдын алу. Салауатты өмір салты кабинеті ұйымдастырған вакцинацияның маңыздылығы» тақырыбында дөңгелек үстел отырысы өтті.
Жиынға аудан әкімінің орынбасары Марат Теміржанов, Көкпекті ауданының бас мемлекеттік санитарлық дәрігері Гүлмира Абдрасулова, Көкпекті аудандық ауруханасының бас дәрігері Әсем Рахимбаева, бас дәрігердің орынбасары Нина Шайдуллова, Көкпекті аудандық аумақтық инспекциясының басшысы Ержан Сарсембаев, «Көкпекті мал дәрігері» КМҚМ маманы Олжас Тоймухамбетов, салауатты өмір салты кабинетінің дәрігері Ольга Дериглазова, Көкпекті аудандық санитариялық эпидемиологиялық бақылау басқармасының жетекші маманы Наркес Жадрина қатысты.

Қазақстан Республикасының Бас мемлекеттік санитариялық дәрігерінің «Қазақстан Республикасында коронавирус инфекциясы жөніндегі санитариялық-эпидемияға қарсы және сани-тариялық-профилактикалық іс-шараларды ұйымдастыру және өткізу туралы» 2022 жылғы 13 қаңтардағы №2 қаулысының 1-қосымшасы 8-бөліміне сәйкес, Қазақстанның аумағында 3 және одан да көп ай тұратын, КВИ-ге қарсы вакцинацияның бастапқы курсын толық аяқтап алған шетел азаматтарын қоса алғанда, барлық адамдар КВИ-ге қарсы ревакцинацияға жатады.
КВИ-ге қарсы ревакцинация КВИ-ге қарсы вакцинацияның бастапқы курсы аяқталғаннан кейін 6 ай аралықпен бір рет жүргізіледі.
КВИ-ге қарсы бастапқы вакцинацияның толық курсы бар КВИ-мен ауырып, жазылған адамдарды КВИ-ге қарсы ревакцинациялау сауыққаннан кейін 6 айдан соң жүргізіледі.

2021 жылғы 16 қарашада Көкпекті ауданына Pfizer компания-сынан жасөспірімдерге, жүкті және бала емізетін әйелдерді вакцинациялауға арналған «Комирнати» вакцинасының алғашқы партиясы жеткізілді.
«Көкпекті аудандық ауруханасы» ШЖҚ КМК баспасөз хатшысы, дәрігер-эпидемиологы Елена Ивановна Сорокина вакцина «суық тізбектің» барлық жағдайларын сақтай отырып, арнайы автокөлікпен минус 76 цельсий градус кезінде аса төмен температуралы мұздатқыш камерада жеткізілгенін айтты. Вакцинаның ҚР ДСМ КМФК «Дәрілік заттар мен медициналық мақсаттағы бұйымдарды сараптау ұлттық орталығы» республикалық мемлекеттік кәсіпорнымен берілген 11.11.2021 жылғы № KZ.0140 және KZ.0139 сәйкестік сертификаты бар.

"Дидар" газетінің 90 жылдығына орай өткізілген БАҚ өкілдері арасында футбол жарысының жеңімпазы - Көкпекті аудандық "Жұлдыз-Новая жизнь" газетінің құрамасы.
Облыстық турнирге біздің жерлестерімізбен бірге Семей қаласы мен Тарбығатай ауданы құрамалары, "Шығыс Ақпарат" ЖШС, "Менің өлкем" газетінің, "ALTAI" телеарнасының, өңірдегі меншікті тілшілер және Өскемен қалалық әкімдігінің командалары қатысты.
Доп додасында бақ сынаған 8 құраманың ішінен 1 орынды жеңіп алған Көкпекті құрамасы жарыс барысындағы 5 ойынның барлығында қарсыластан басым түсті. Жерлестеріміз топтық кезеңдегі 3 ойынды оңай ұтып, жартылай финалда Өскемен қалалық әкімдігінің құрамасымен ойын соңындағы пенальти сериясында ақтық сынға берілер жолдаманы жеңіп алды. Тарбығатай құрамасына қарсы өткізілген финалдық кездесу тартысқа толы болды. Ойын нәтижесінде 2-1 есебімен басым түскен Көкпекті аудандық "Жұлдыз-Новая жизнь" газетінің құрамасы Жеңімпаз кубогын иеленді.
Ұшқан доптың барлығына тосқауыл қойып, үздік ойынымен көрермендер көзайымына айналған Азамат Шакенов турнирдің «Үздік қақпашысы» атанды. Сондай-ақ жеңімпаз құрама сапында Ерлік Жұмағазин, Бақытбек Әмірғазинов, Жұмағали Сыздықов, Әли Жаңғасинов және Дамир Айдаров алаңда тамаша ойын өрнегін көрсетті.
Айта кету керек, бұл аудандық газет құрамасының облыстық деңгейдегі алғашқы жетістігі емес. Осыған дейін 3 мәрте БАҚ өкілдері арасындағы облыстық турнирге қатысып, барлығында жеңімпаз атанып келген болатын. Аталмыш жарыстарға қатысып, аудан намысын қорғап жүрген құрамаға «Тайм» шаруа қожалығы тұрақты демеушілік көмек көрсетуде. Бірыңғай үлгідегі заманауи ойын формаларын тіктіріп, жарысқа қатысу шығындарына көмек қолын созып жүрген «Тайм» шаруа қожалығының басшысы, жомарт жүректі азамат Ринат Тұрарбекұлы Солтабаевқа айтар алғысымыз шексіз. Бұл жолғы жарысқа қатысуда аудандық спорт бөлімінің басшысы Ержан Кәрібаев ерекше қолдау көрсеткені үшін ризашылық білдіреміз.

Аудан айнасының оқырмандарын қуанышты жаңалықпен құттықтаймыз!