Ағымдағы жылдың 22 тамызында жастар ресурстық орталығының ұйымдастыруымен оқушылар шығармашылық сарайында «Бар мейіріміміз балаларда» атауымен іс-шара өткізілді. Бұл шарада аға-әпкелері балаларға жанашырлық танытып, демеуші ретінде сый-сияпат жасады. Аудандық жастар ресурстық орталығының бастамасымен жастар маслихатының депутаттары арнаулы әлеуметтік қызметтер көрсету орталығының балалар демалатын бөлмесіне кілем сыйлады.
Қайырымдылық мақсаттағы шараның демеушілері Көкпекті аудандық жастар маслихатының депутаттары. Атап айтсақ, Ерлан Әзімбаев, Бақытгүл Ершенова, Назым Келербекова.
Сонымен қатар қайырымдылық шарасы барысында аудандық жастар ресурстық орталығының демеушілігімен балаларға оқуға қажетті заттар, ойыншықтар мен тәттілер сыйға тартылды.
- Бұл бастаманы жастар ресурстық орталығы көтерді. Ауданымыздың жастар маслихаты депутаттарына іс шараны өткізуге ұсыныс беріп, олардан қолдау тапқан соң акция өз мақсатына жетті. «Бар мейіріміміз балаларда» атты іс-шарасының мақсаты - арнаулы әлеуметтік қызметтер көрсету орталығының балаларымен ынтымақтастық қатынас орнату. Өздерінің кем емес, керісінше ерекше екендіктерін сездіру. Оларға ерекше көңіл-күй сыйлау. Іс- шара барысында бүлдіршіндерге жас өнерпаздар әннен шашу шашты. Содан кейін балалар қызықты ойындар ойнады. Өздерін жан-жақты танытып, өнерлерін ортаға салды.

Халықаралық балаларды қорғау күні – ең көне мерекелердің бірі. Оны өткізу туралы шешім 1925 жылы Женевада өткен балалардың әл-ауқаты жөніндегі дүниежүзілік конференцияда қабылданды.

24 ақпан мен 24 наурыз аралығында республиканың барлық аймақтарында Дүниежүзілік туберкулезге қарсы күрес күніне (24 наурыз) орайластырылған туберкулездің алдын алу айлығы өткізілуде. «Көкпекті аудандық ауруханасы» ШЖҚ КМК Көкпекті ауданында аудандық санитарлық-эпидемиологиялық бақылау департаментімен бірлесуімен бірқатар іс-шаралар жос-парланып, жүзеге асырылуда.
Олардың басты міндеті – туберкулез айықпас дерт емес екенін айту. Айлықтың мақсаты халықтың туберкулезге қарсы шаралар туралы және елдегі туберкулезді тексеру мен емдеудің тұрғындар үшін қолжетімді шарттары туралы хабардарлығын арттыру болып табылады.
Туберкулез (латын тілінен tuberkulum – «туберкулез») — бұрыннан келе жатқан және белгілі ауру, ол неолит дәуіріндегі адамдардың қалдықтарынан табылған. Алайда тек 1882 жылы ғана Роберт Кох туберкулездің қоздырғышы – Кох таяқшасын бөліп алу арқылы оның инфекциялық сипатын дәлелдеді. 1882 жылы 24 наурызда неміс дәрігері Роберт Кох өзінің ашқан жаңалығын әлемге ресми түрде жариялады және осы күні ДДҰ бас-тамасымен Дүниежүзілік туберкулезге қарсы күрес күні аталып өтеді.

Жылжымалы медициналық кешендер (ПМК) – бұл шағын емхана түрінде жасалған, медициналық жабдықтармен, жиһаздармен және барлық тиісті медициналық жабдықтармен толық жабдықталған заманауи медицинаның жаңа деңгейі.
ЖMК-мен төмендегі медициналық көмек көрсетіледі:
1) тегін медициналық көмектің кепілдік берілген көлемі шеңберінде;
2) міндетті әлеуметтік медициналық сақтандыру жүйесінде.
ЖМК ұсынатын медициналық қызметтердің тізіміне мыналар кіреді:
ЖМК және (немесе) МК арқылы медициналық көмек көрсету үшін алғашқы медициналық-санитарлық көмек (немесе) ЖМК қызмет көрсету аймағындағы елді мекеннің МП ұйымынан тартылған медицина қызметкері:
-тіркелген халық арасынан скринингтік зерттеулерге жататын адамдардың тізімдерін қалыптастырады;