«ҚДС департаментінің Көкпекті аудандық тауарлар мен көрсетілетін қызметтердің сапасы мен қауіпсіздігін бақылау басқармасы» РММ ұсынған ақпараты бойынша, 1 шілдеде Көкпекті ауданында коронавирусты жұқтырғандардың саны 17-ге жетті.
Статистикалық көрсеткіш күн санап өсуде. Короновирус індетіне шалдыққан 12 науқасқа тағы 5 адам қосылды. Барлық бесеуі Самар ауылының тұрғындары.
11 ауру «симптомсыз» санатына жатса, 6 КВИ білінеді

Естеріңізге сала кетейік, коронавируспен сырқаттанған науқастар келесі елді мекендер бойынша тіркелген: Самар ауылында – 8 жағдай (6 ересек және 14 жасқа дейінгі 2 бала), Құлынжон ауылында - 4 жағдай (оның ішінде 2 ересек және 14 жасқа дейінгі 2 бала), Көкпекті ауылында – 1 жағдай (ересек) және Қараөткел ауылында - 4 жағдай (оның ішінде 1 ересек және 14 жасқа дейінгі 3 бала).
Барлық байланысы бар ошақтар : 51 адам науқаспен жақын қарым-қатынаста болған, 42 адам – потенциалды қарым-қатынаста болғаны анықталды. Потенциалды қарым-қатынаста болғандардың шеңбері ұлғаюда.
Індетке шалдыққан 17 науқастың 1-уі ауруханаға жатқызылды, 16-сы үйде тағайындалған ем алуда.
Қазіргі уақытта сауығып кеткендер жоқ.
Ауданның барлық тұрғындарына коронавирус инфекциясының таралуына жол бермеу үшін профилактикалық және санитарлық шараларды сақтаудың маңыздылығы туралы еске саламыз. Өзіміз бен жақындарымыздың денсаулығына жанашырлық танытайық!

Пікір: