Статистика көрсетіп отырғандай, отбасында, көшедегі қылмыстардың басым көпшілігі «Жасыл жыланың» ықпалынан жасалған. Маскүнем ата –ана балаларының және жас жеткіншектерінің психологиялық жағдайына жағымсыз әсер береді.  Дәл осындай отбасынан балаларының, жас жеткіншектерінің үйден қашуы, кетуі оқиғалары аз емес. Кейде, бір кезекті рюмканы іздеумен жүрген ата-аналардың, ата-аналық махаббатын, назарын және қамқорлығын қажет ететін балаларына қарауға мұршалары да жоқ. Осылайша маскүнемдік қаншама адамдардың тағдырына балта шабады. Өкініштісі: ол үйден өз еркімен кетпейді. Бірақ, қатты ішетін адамдардың өздері бұл сұмдық ішімдікке салынуды жеңіп шыққан оқиғалар да болған. Қаншама адам бұл маскүнемдіктен жан тапсырған, өзінің артынан әйелін, балаларын, ата-аналарын құрдымға кетірген.

Орман өрттері құрғақ ауа райы мен жел кездерінде айтарлықтай үлкен аумаққа таралып кетеді. Ауа райының ыстық кездерінде, егер жауын-шашын болмаса, ормандар құрғап, кез келген абайсыз жанған оттың әсерінен өрт тез таралып кетуі мүмкін. Ең өртке қауіпті орман өсімдіктеріне қарағайлы, жапырақты ағаштар, қыналар, ит бүлдіргендер, аршалар тағы басқалары жатады. Құрғақ құмды топырақты жерлердегі ағаштарға өрт ең жиі әрі тез таралады, бірақ оларды өшіру оңайырақ келеді. Қылқан жапырақты ормандардағы түскен жапырақтар, бұталар және құрғақ шөптер қауіпті өрт тудырады. Олар үлкен зардап шектіреді.

Біздің аудандағы Самар орман шаруа-шылығының қарағайлы орманына таң қалмайтын, қызығып, сүйсіне қарамайтын адам кемде-кем! Бұл орман облысымыздың, қала берді республикамыздың мақтанышы десек артық емес. Ауылымызға келіп демалып, тарихымен танысуға  еліміздің әр жерінен, шет мемлекеттен де адамдар келіп тұрады. Әрине, бұл қуантарлық жағдай.

Десек те, бес саусақтың бәрі бірдей емесі сияқты, адамдардың да бәрі бірдей емес. Кейбір демалушылар орманның таза ауасымен тынығып, сұлулығын тамашалап жүріп от жағады, тұрмыстық қалдықтарды тастап кетеді, ағаш бұталарын сындырып, зиянын тигізеді. Ал, босаған шишалар, әйнектер, темекі қалдығы, дұрыс сөнбеген от ошақтары – орман өртінің басты себептері. Статистикаға сүйенер болсақ, орман өртінің 93 пайызы адам кесірінен болады екен. Жалпы орман өртінің 3 түрі болады: жер асты, төменгі және жоғарғы өрттер. Өрттің 90 пайызы төменгі сипатта. Бұл жағдайда топырақтың үстіңгі қабаты ғана өртеніп, ағаштардың төменгі бөлігін және шөптерді жалын шарпиды.

Әр жылдың 15 сәуірінен 15 қарашасына дейінгі аралық – өрт қауіпі өте жоғары кезең саналады. Сондықтан, орман шаруашылығының   мекемесі орман өртінің алдын-алу шараларын естеріңізге салады: