Елімізде орын алып жатқан жол-көлік оқиғалары және оның зардаптары бүгінгі күннің өзекті мәселесіне айналып отыр. Осы тұста, жасөспірімдер арасында орын алатын жол көлік оқиғаларын алдын алуда әр мектептерде құрылған жол қозғалысының жас инспекторлары жасақтарының рөлі зор.

Осыған орай 12 мамыр күні аудандық «Жас жол қозғалысы инспекторының» сайысы өтті. Аталған байқаудың басты мақсаты – жол қозғалысы ережелері бойынша балалардың сауатын арттыру, оқушыларға жолда қауіпсіздікті сақтау ережелерін насихаттау, жасөспірімдердің қатысуымен орын алатын жол-көлік оқиғаларының алдын алу, осы бағыттағы жұмыстарды жетілдіру болып табылады.

Сайысқа Ж.Шайжүнісов, М.Әуезов, І.Жансүгіров, А.Пушкин, Көкпекті Преображенка, Көкжота орта мектептерінің оқушылары қатысып, 7 кезеңнен тұратын бұл байқауда оқушылар өз деңгейлерінде білімдерін көрсетіп, бақ сынасты.

Әр кезеңнен сүрінбей өткен Ж.Шайжүнісов атындағы орта мектебінің оқушылары бірінші орынға, нағыз инспекторға сай сынасқан Көкпекті орта мектебі екінші орынға ие болды. Ал Преображенка мен М.Әуезов атындағы орта мектептері үшінші орынды қанағат тұтты.

Гүлзат Калиякперова, мектеп тәлімгері

Пікір: