Мемлекет басшысы Қасым-Жомарт Тоқаев жергілікті атқарушы орган жетекшілеріне әлеуметтік маңызы жоғары тауарлар мен азық-түлік түрлерінің бағасы негізсіз өспеуін және тапшылығы болмауын ұдайы назарда ұстауы қажеттігін міндеттеді. Президенттің осы тапсырмасын орындау және Көкпекті ауданында әлеуметтік маңызы бар азық-түлік тауарларына шекті бағаларды асыруға жол бермеу және бағалардың өсуін тежеу бойынша жедел штаб құрылды. Бүгінде аудан әкімі Асхат Смаиловтың тікелей бақылауымен сауда нысандарында баға мониторингі тұрақты түрде жүргізілуде.

Құрамында «Нұр Отан» партиясы аудандық филиалы төрағасының орынбасары Раушан Кемербаева, депутаттар Гүлнар Қасымжомартқызы мен Қажет Жүнісбекұлы, учаскелік полиция инспекторы Жасұлан Разаев, кәсіпкерлік бөлімінің басшысы Мерей Смағұлов, бас санитарлық дәрігер Гүлмира Абдрасулова бар жедел штаб мүшелері аудан орталығы, Самар және де барлық ауылдардағы сауда нысандардағы бағаны бақылау жұмыстарына қызу кірісіп кетті.

Шығыс Қазақстан облысы Көкпекті ауданының №2 аудандық сотында «Ашық есік күні» аясында Ж.Болғанбаев атындағы Самар орта мектеп-лицейінің мектебінің 10 сынып оқушыларына сот жүйесінің жұмысымен таныстыруға арналған кездесу өткізілді.
Кеңсе меңгеруші Л.Құнанбаева іс-шараны аша отырып, оқушыларға соттың негізгі қызметі туралы электрондық әділ сотының жұмыс істеу тәртібі туралы мәселені түсіндірді. Сонымен қатар, сотта іс жүргізуді жеңілдеткен және әділ соттылықты жүзеге асырудың сапасы мен тиімділігін жоғарлатқан жаңа өзгерістер туралы айтты. Бұл, сот базасын автоматтандырудың артықшылықтары және «Төрелік» бағдарламасын енгізу, барлық сот отырысында дыбыс, бейнежазбасымен міндетті түрде жүргізу, «Сот кабинеті» порталын құрудың оң нәтижелеріекендігін атап өтті.