Шығыс Қазақстан облысы Көкпекті ауданының №2 аудандық сотында «Ашық есік күні» аясында Ж.Болғанбаев атындағы Самар орта мектеп-лицейінің мектебінің 10 сынып оқушыларына сот жүйесінің жұмысымен таныстыруға арналған кездесу өткізілді.
Кеңсе меңгеруші Л.Құнанбаева іс-шараны аша отырып, оқушыларға соттың негізгі қызметі туралы электрондық әділ сотының жұмыс істеу тәртібі туралы мәселені түсіндірді. Сонымен қатар, сотта іс жүргізуді жеңілдеткен және әділ соттылықты жүзеге асырудың сапасы мен тиімділігін жоғарлатқан жаңа өзгерістер туралы айтты. Бұл, сот базасын автоматтандырудың артықшылықтары және «Төрелік» бағдарламасын енгізу, барлық сот отырысында дыбыс, бейнежазбасымен міндетті түрде жүргізу, «Сот кабинеті» порталын құрудың оң нәтижелеріекендігін атап өтті.

Кездесу барысында Л.Құнанбаева қонақтарға сот ғимаратын аралатып, бүгінгі таңда сотта қолданылып жатқан «Сот кабинеті» сервисімен, мобильді «Сот кабинеті» қосымшасымен, сот отырысы залдарында орнатылған АБТ (АВФ) құрылғыларымен, кеңсе жұмысымен және тағы басқа ақпараттық технологиялармен таныс-тырды.
Сот төрағасы Б.Қаджиақпаров жас қазақстандықтармен кездесу өткізіп, оның барысында оқушыларға осы еліміздің, аймақтың сот жүйесі туралы, оның құрылымымен жұмысы жөнінде, судьялық қоғамдастық органдары қызметі туралы, судья шеніне біліктілік емтихан тапсыру талаптарын айтып өтіп, өз кезегінде, оқушылардың туындаған сауалдарына жауап берді.
Іс-шара соңында сот төрағасы қатысушыларға алғыс білдіріп, білім алу жолында табыс тіледі .

ШҚО Көкпекті ауданының №2 аудандық
сотының баспасөз қызметі

Пікір: