Сәуір 2021

22 Сәуір 2021

АМАНЖОЛ ЖАТТЫҚТЫРҒАН ЖЕКПЕ-ЖЕК ШЕБЕРЛЕРІ

Ағымдағы жылдың 10-11 сәуір күндері Семей қаласында Nomad MMA» жауынгерлік өнерінің қазақстандық түрі бойынша Қазақстан Республикасының Тәуелсіздігіне арналған Шығыс Қазақстан облыстық турнирі өтті. Турнирге ауданымыздың атынан Преображенка орта мектебінен 5 жас споршы қатысып, жүлделі орындарды алып келді. Турнирді Қазақ инновациялық гуманитарлық заң университеті ұйымдастырды.
Чемпионат барысында аудан спортшылары Преображенка орта мектебінің алғашқы әскери дайындық пәнінің мұғалімі, жаттықтырушы Аманжол Құнанбаевтың басшылығымен қарсыластарын жауырынға қойып, тамаша нәтиже көрсетті. Тәуелсіздіктің мерейтойына арналып ұйымдастырылған ашық турнирға бес спортшы қатысты. Турнирдің қорытындысы бойынша аудан қоржынына төрт спортшы жүлделі І орынды жеңіп алды. Атап өтсек, 35 келі салмақ дәрежесінде Заур Коряев, қыздар арасында 50 келі салмақта Дильназ Лайшева, 60 келі салмақ дәрежесінде Ұлан Есімхан, 65 келі салмақта Самғат Төлеуғажы чемпион атанды.
Өз салмағы және жас категориялары бойынша жеңімпаздар арнайы кубок және мадақтама қағазымен марапатталды.
Өз атымыздан марапат иелерін шын жүректен құттықтап, алдағы уақытта өтетін спорттық додаларда биік межелерден көрінулеріңізге тілектестігімізді білдіреміз.

Read more

ТОҒЫЗҚҰМАЛАҚ ОЙЫНЫН МЕҢГЕРУДЕ

«Рухани жаңғыру» ұлттық идеясын жүзеге асыру аясында Шығыс Қазақстан облысының Ұлттық Мектеп Спорт лигасында тоғызқұмалақтан аудандық іріктеу жарысы өткен болатын.
Қазіргі таңда республика бойынша қазақтың төл ойыны – тоғызқұмалақпен шұғылданушылар саны 200 мың адамға жақындады. Тоғызқұмалақпен тек шетелдегі қазақтар ғана емес, сонымен бірге Ұлыбритания, Швейцария, Франция, Германия, Испания, Түркия, Чехия, Ресей, Украина, Қытай, Моңғолия, Қырғызстан, Колумбия, Антигуа және Барбуда мемлекеттерінде де жергілікті халықтардың арасында ойнаушылардың саны артуда. Спорттық шараның мақсаты - облыста тоғызқұмалақ ойынын барынша дамыту, республикалық жарысқа облыс құрама командасын іріктеу болды.
Жарысқа аудан мектептерінен барлығы 12 команда қатысты.

Read more

ТАҚЫРЫПТЫҚ КЕШ ӨТКІЗДІ

Жыл сайын 7 сәуірде Дүниежүзілік денсаулық күні аталып өтіледі. Тақырыптық  шара  «Барлығына денсаулық» ұранымен өтуде. Самар Орталық кітапханасының кітапханашылары «Денсаулық - адамның баға жетпес байлығы» атты тақырыптық кеш өткізді. Тағылымды шараға «Сударушка» және «Шаңырақ» клубтарының мүшелері шақырылды. Тақырыптық кеш «Денені қалай нығайтуға және ұзақ жылдар бойы денсаулықты сақтауға болады», «Дене жаттығулары мен дене шынықтырудың пайдасы», «Дұрыс тамақтану және оның пайдасы» атты үш тақырыпты қамтыды. Дүниежүзілік денсаулық күні туралы таныстыру презентациясы ұсынылды. Тақырыптық кеш барысында  қатысушылармен денсаулық туралы қызықты викториналар өткізілді. Қарт адамдарға денсаулықты  сауықтыру жайлы ұсыныстар мен кеңестері бар жадынамалар таратылып, оларға пайдалы физикалық жаттығулар көрсетілді. Шара соңында «Денсаулық туралы дана сөз» атты кітап көрмесіне шолу жасалды.

Read more

ТАЗАЛЫҚ ЖҰМЫСЫНА АТ САЛЫСТЫ

Барлық ауылдық округтерде аумақты тазарту жұмыстары жүргізілуде. Сенбіліктің негізгі мақсаты - ауылымыздың тазалығын және экологиялық  жағдайын жақсарту. Осыған байланысты Иван Федосов атындағы Мәдениет үйінің ұжымы өз аумағында сенбілік өткізді. № 1 Самар орта мектебінің еріктілері  бұлақты тазалады. Самар аграрлық-техникалық колледжінің еріктілері  ауылдың ақсақалдарына көмектесіп, үйдің маңайы мен ауланы тазартты. Әкімдік қызметкерлері Букетов, Самарға 100 жыл, Астана көшелерінде сенбілік өткізді. «Тазалық табалдырықтан бас-талады», сондықтан біз  қоршаған ортаның тазалығы үшін жауапкершілікті өз мойныңызға алуға шақырамыз.

Read more

КОМАНДАЛАР АРАСЫНДАҒЫ ІРІКТЕУ ОЙЫН

Қазақстан Республикасы Тәуелсіздігінің 30 жылдық мерейтойына орай, облыс әкімінің кубогына арналған спартакиадалық іріктеу ойындары ұйымдастырылды. Командалар арасындағы ойын Самар ауылының балалар-жасөспірімдер спорт мектебінде және де спорт модулі ғимаратында өтті.

Read more

Құрметті Көкпекті ауданының тұрғындары!

2021 жылдың 20 сәуірден бастап заңсыз сақталған атыс қаруын, оқ-дәріні және жарылғыш заттарды азаматтардан сатып алу акциясы өткізіледі.
Көкпекті АПБ заңсыз сақтаудағы оқатар қарулар мен оқ-дәрілерді, жарылғыш заттар мен жарылғыш құрылғыларды өз еріктерімен ішкі істер басқармасына тапсыруды ұсынады. Көкпекті аудандық полиция бөлімнің қарулар мен оқ-дәрілерді, жарылғыш заттарды тапсырушыларға жауапкершіліктің қайсысынан болса да, соның ішінде қылмыстық жауапкершіліктің барлық негіздерін жоятынын түсіндіреді.
Өзiнде заңсыз сақталған атыс қаруын, оқ-дәріні, жарылғыш заттарды ақшалай сыйақыға тапсыруға ниет білдірген азаматтар Көкпекті АПБ 102,2-17-94, 2-19-49 телефондары арқылы хабарласуға болады. Мекен жайымыз: Көкпекті ауылы, Астана көшесі 33, кабинет №29.
Көкпекті ПБ АжҚҚАБТ лицензиялық-рұқсат ету жүйесі.

Read more

ЖАНСАҚТАУ БӨЛІМІ ЗАМАНУИ ҮЛГІМЕН ЖАБДЫҚТАЛУДА

Жақында Көкпекті аудандық ауруханасының жан сақтау және қарқынды терапия бөліміне көпфункционалды төсек-трансформерлердің кезекті партиясын алды. Олар медициналық персонал үшін ең аз жүктемесі бар пациентке қауіпсіз күтімді қамтамасыз етеді.
Алынған төсектер жансақтау және қарқынды терапия бөлімінің жоғары талаптарын толығымен қанағаттандырады. Заманауи құрал-жабдықтармен және оның маңыздылығымен бізді дәрігер-реаниматолог Әділет Мұратұлы Мамаев таныстырды.

Read more

ЖАППАЙ ВАКЦИНАЦИЯ ҚАРҚЫНДЫ ЖҮРУДЕ

Қауіпті вирустан қорғанудың бірден-бір жолы – вакцина. Мұны аудан тұрғындары жақсы түсініп келе жатқанын Көкпекті аудандық ауруханасының егу пункттеріне барып куә болдық. COVID-19 індетінің алдын алу мақсатында еліміздің барлық аймақтарында оған қарсы екпе салдыру науқаны жүргізіліп жатыр. Көкпекті ауданында COVID-19-ға қарсы вакцинация басталған сәттен бастап бір айдан астам уақыт өтті. Естеріңізге сала кетсек, біздің өңірде қатерлі індетке қарсы егу жұмыстары наурыз айында басталды. Алғашқы кезекте медицина қызметкерлері мен мұғалімдер салдырды. Біздің ауданда коронавирусқа қарсы вакцина алу мен екпе жұмыстарына деген қызығушылық өте үлкен, бұл қазіргі уақытта денсаулық сақтау саласындағы ең көп талқыланатын тақырыптардың бірі. Сондықтан біз оны газетіміздің беттерінде үнемі жариялап отырамыз.
14 сәуір күні Көкпекті ауданына Семей қаласынан 600 доза көлемінде Гам-КОВИД-Вак вакцинасының I компонентінің екінші партиясы келді. Ал Самарға вакцинаның 580 данасы бөлінді. Сол күннен бастап вакцина салудың екінші кезеңі басталып, 30 адам екпе салдырды. Алғашқылардың бірі болып аудандық маслихат хатшысы Талғат Манапұлы Сарманов өзінің азаматтық борышын орындап, індетке қарсы екпе алды.
Вакцина алуға келген ұстаздар қауымының арасынан Мамай ауылындағы Аманкелді орта мектебінің директоры Серік Тұрсынғазыұлы: - Балалардың өмірі мен денсаулығының қауіпсіздігі үшін әр мұғалім жа-уапты. Сондықтан вакцина алуды өзімнің азаматтық міндетім мен борышым деп санаймын. Бүгінгі күні Аманкелді орта мектебінің ұжымында шамамен 36-ға жуық адам қызмет істейді. Солардың барлығы екпе алуға өз еркімен келіскен. Сол себепті барша халықты коронавирустан қорғану үшін екпе салдыруға шақырамын. Әлемді жайлаған індеттің таралу қауіпін тек екпе салдыру арқылы ғана төмендете аламыз», - дейді мектеп директоры Серік Қалдыбаев.

Read more

ЖЕР ТЕЛІМДЕРІН БӨЛУ ҚАТАҢ БАҚЫЛАУДА

Аудан әкімінің кезекті қабылдауында Самар өңірінің тұрғындарынан су құбырларының тесіліп, жер тоңының қатуына байланысты тұрғын үй секторындағы ауыз судың жетіспеушілігі туралы және Палатцы ауылдық округі аумағынан шаруа қожалықтарының жер телімдерін иеленуі мен пайдалану жөніндегі даулы мәселелерге қатысты екі өтініш түсті.
Екі жағдайда да Раджан Қайырқанұлы өтініш берушілерге Заңның аясында, ешкімнің құқығына нұқсан келтірмей, заң талаптарына сай егжей-тегжейлі түсіндіріп берді.

Read more

ӘР АЗАМАТҚА ЛАЙЫҚТЫ ӨМІР

15 сәуірде «Nur Otan» партиясы Көкпекті аудандық филиалы Саяси кеңес Бюросының отырысы өтті. Саяси кеңес Бюросының жұмысына аудан әкімі Раджан Сейтқанов қатысты. Күн тәртібінде БПҰ жиналыстарын өткізу кестесін және есеп беру-сайлау конференциясының күнін бекіту туралы мәселелер қаралды. Сондай-ақ 8 қоғамдық кеңестің төрағалары мен құрамын бекіту туралы сұрақтар қарастырылды.
Партия төрағасы, Елбасы Нұрсұлтан Әбішұлы Назарбаевтың «Өзгерістер жолы: әр азаматқа лайықты өмір!» атты сайлауалды бағдарламасын жүйелі жүзеге асуын қадағау бойынша партия филиалы жанынан 8 Қоғамдық кеңес жұмыс істейтін болады. Кеңес құрамына партияның белсенді мүшелері, аудандық мәслихат депутаттары, ардагерлер, әйелдер, жастар өкілдері кірді. Әрбір кеңес Сайлауалды бағдарламаның нақты бағытымен айналысатын болады.

Раушан Кемербаева, «Nur Otan» партиясы
Көкпекті аудандық филиалының бірінші орынбасары

Read more

Директор-редактордың блогы

Көкпекті аудандық

 «Жұлдыз - Новая жизнь» 

газетінің сайтына қош келдіңіздер!

Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр.

Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Сәуір 2021 > >>
Дс Сс Ср Бс Жм Сб Жс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Қаралым санағы

HotLog

Біз әлеуметтік желідеміз