Өлкеміздің басты байлықтарының біріне саналатын балықтың уылдырық шашатын уақытына орай облыстың су қоймалары мен өзен-көлдерінде сәурдің 16-нан мамырдың 30 аралығында балық аулауға қатаң тыйым салынады.
Осы тыйым салу уақытында Көкпекті инспекция бөлімінің мемлекеттік инспекторлары уақытпен санаспай, ауа райының қолайсыздығына қарамай, балықтың уылдырық шашуына барлық жағдай жасап, күндіз-түні еңбек етеді. Үгіт-насихат жұмыстары жүргізіліп, Тарбағатай және Көкпекті ІІБ бірлесіп, жұмыс жоспары жасалып, бекітіліп, рейдтер өткізіледі.

Айлық тыйымда шұғыл рейд кезінде, Көкпекті ІІБ бірлесіп қылмыстық іс ашылды. Көкпекті ауданының тұрғыны табиғат байлығынан пайда көргісі келді. Зайсан көлінің Солтүстік батысы Еркінбек телімінде жыл бойы тыйым салынған 261,1 кг балық ұстаған. Қылмыстық іс Көкпекті аудандық сотына жолданды, табиғатқа келтірген зияны 290 134,32 теңгені құрады.
Осы айлық кезінде балық инспекция бөлімінің инспекторлары ғана емес, зиялы азаматтар да атсалысса екен дейміз. Тоқ етерін айтқанда, тыйым айлығының тиянақты өтуіне жете мән беріп, табиғат байлығын бірге қорғайық.

А. Байтанбалиев,
Көкпекті инспекция бөлімінің
мемлекеттік инспекторы

Пікір: