Хоккей ойыны - ауыл балаларына бұрын қол жетпес арман болатын. Тәуелсіздік алғаннан бері спорттың жан-жақты дамуына көңіл аудару арқасында ауыл өміріне сан түрлі спорт түрі ене бастады. Бұл ойынның дамуына, аудан, ауыл әкімшілігі, мектептер, кәсіпкерлер ұйым-дасқан түрде атсалысты. Әр мектеп ауласында, ауылдарда хоккей қорапшаларын салу үрдісі бірнеше жылдан бері қолға алынған болатын. Осыған орай, балалардың хоккейге деген қызушылығы артты.
Облыс бойынша жыл сайын «Жұлдызша» турнирі өте бастады. Бұған әр ауыл, әр ауданнан хоккей командасы құрылып, осы турнирге қатысқан әр ауданның командалары ынталы болды. «Жұлдызша» турнирі 10-13 және 14-16 жастағы балаларды қамтыды. Бұл хоккей ойыны үш кезеңнен тұрды. 1 кезең 12 ақпанда Көкпекті ауылында Үлкенбөкен, Үлгілімалшы, Теректі ауылдық округтердің балалары арасында, ал, 2 кезең Жарма ауданы Бақыршық ауылында өткен болатын. Мұнда көкпектілік хоккейшілер Тарбағатай, Зайсан, Үржар аудандары командаларымен бақ сынасты. Соңғы, шешуші 3 кезең наурыз мерекесі қарсаңында 18-23 наурыз аралығында Өскемен қаласында өтті. Аталмыш турнирге әртүрлі қала мен аудандардан барлығы 8 команда ойын көрсетті. Біздің хоккейшілеріміздің кішкентайлардан құралған топтары 5 орынға ие болды.

Жамбыл тауының етегінде 1846 жылы 28 ақпанда Жапа деген елге қадірлі адамның отбасында дүниеге келген. Жамбыл Жабаев – ұлы ақын, жырау, жыршы. Қазіргі Жамбыл облысында өлең-жырға қанып өсіп, Сүйінбай Аронұлы сияқты жыр даңғылынан тәлім-тәрбие алды. Жүз жыл өмірінің сексен бесін өлең-жырмен өткізген. Жамбыл – жыршылық өнердің де асқан шебері.Оның үздік шығармалары қырықтан астам шет елдер тілдеріне аударылды. Ромен Роллан, Мартин Андерсен Нексе, Катарина Сусанна Причард сияқты атақты суреткерлер Жамбыл поэзиясына өте жоғары баға берді. Жамбыл туралы жүздеген өлең-жырлар жазылды.
№1 Самар орта мектебінің оқушылары мен ұстаздары Жам-былдың 170 жылдық тойын салтанатты түрде атап өттік. Жоспар бойынша «Жыр алыбы Жамбылдың туғанына 170 жыл» атты салтанатты тізілісті әдеби бірлестік жетекшісі Г.Айтышева ашты. Ол Жамбыл Жабаевқа екі дәуірде өмір сүру бақыты бұйырғанын айтып, сөзін былай жалғады: «Ақын шығармашылығын екі кезеңге бөліп қарауға болады: төңкеріске дейінгі және төңкерістен кейінгі. Ол бірінші кезеңде көбіне халық тіршілігіне көңіл бөлсе, екінші кезеңде кеңестік поэзиядан өзге, кеңестік шындықты жырға қосты. Оның әр жырында шынайылықтың белгісі бар». Қазақ мәдениетін ақынның артына қалдырған мол мұрасынсыз елестету мүмкін емес екенін айтты.
Мектеп кітапханашысы И.Чередниченко кітапханада «Жам-былдың жыр мұрасы» атты кітап көрмесін ұйымдастырды. 5-6 сынып оқушыларын Жамбыл атамыздың өмірбаянымен және шығар-машылығымен таныстырып өтті. Әдеби кеш барысында оқушылар ақынның өмір жолы мен шығармашылығы туралы айтты. Әдеби кеште 6-10 сынып оқушылары ақынның жырларын жатқа оқыды және бейнеүндеуді тамашалады. 9-10сынып арасында «Жамбыл Жабаев – қазақ халық поэзиясының әйгілі тұлғасы» атты «Дөңгелек үстел» өтті. Мазмұны терең іс-шараға қатысқан оқушылар рухани сусындап қана қоймай, Жамбыл атамыздың шығармаларына деген сүйіспеншіліктерін де арттыра түсті. Ақынның өнегелі өмір жолы мен артына қалдырған бай мұрасы оқушыларды жақсылыққа, адамгершілікке, Отаншылдыққа, еңбекқорлықа баулитын қымбат қазына, рухани азық екенін, сонымен бірге біздер үшін тәрбиелік мән - мағынасының да зор екендігін ұғынды.
Г.Айтышева, әдістемелік бірлестік жетекшісі

Бүгінгі күні фубол әлемдегі ең дамыған, кең тараған спорт түріне жатады. Ол бізге      Англиядан келді десек те, Ежелгі Египетте және майя үнділерінде оған ұқсас ойындар болған. Футбол жылдамдықты, тапқырлықты, шешім қабылдай білу мен төзімділікті      дамытады. Жыл сайын футбол өзінің тартымдылығымен, тартысты ойынымен, қайткенде де жеңіске жетуге деген құштарлығымен ойнаушылардың қатарына мыңдаған ұл балалар мен ерлерді еліктіреді.

Миллиондаған адамдар бос уақыттарында футбол ойнаса, миллиардтаған адам әлемдік чемпионатты қалт жібермей тамашалайды. Кәсіби ойыншылар, футбол жұлдыздары қаншама адамның табынушысына айналған. Атақты Пеле, Диего Марадона, Роналдо, Зидан, Месси, Криштиано Роналду, Месут Озил және көптеген футболшыны жанкүйерлер пір тұтады.
Футболды сүйетін, еліктіріп әкететін осы әдемі ойынды жақсы көретіндер біздің ауданда да жетерлік. Жаз айларында аудан орталығы мен Самар ауылындағы футбол алаңдары ешқашан бос болмайды. Алаңнан жанұшыра доп қуалап жүрген жас жеткіншектерді де, ересек адамдарды да, олардың ойынын тамашалап отырған жанкүйерлерді де көруге болады.
Осы ойынның жанашырлары Көкпекті ауылында Әуесқой футбол лигасын құрды, ол үзбей жаттығу жүргізіп, түрлі жарыстарға қатыса отырып, өз ойын техникалары мен шеберліктерін шыңдай түсуге ықпал етеді.

Тамылжыған көктеммен ілесе келетін көркем мереке күні адамзаттың бесігін тербетіп отырған қымбат жандарға сөздердің маржаны, ең асылы арналатыны рас. Осыған орай, біз Көкпекті ауданы Тассай ауылындағы Батыр ана Кәмен Шақанқызы туралы әңгімелеп, ұзақ та бақытты өмір сүрудің қандай құпиясы бар екенін білгіміз, оған жүрекжарды жылы лебізімізді арнағымыз келді.
Кәмен Шақанқызы бүгінгі күні сексеннің сеңгірінен асып, тоқсанды толтыруға аяқ басқан, дүниеге әкелген балаларының қызығына бөленіп отырған аруана. Дүйсенбек ақсақал екеуі 11 баланы дүниеге әкеліп, ұлын ұяға, қызын қияға қондырған Батыр ана қосағымен қоса ағарып, бүгінгі күні Тассай ауылында бақытты қарттық өмірлерін сүруде. Балалық шағы ел басына күн туған аласапыран уақытқа тап келгенімен қоса, Кәмен әже кішкентайынан жетімдіктің кермек дәмін татып өсті. Сол жылдары ата-анасыз қалған тұл жетімдерге пана болған Көкпекті балалар үйіне әкелініп, Ж.Шайжүнісов сынды ұлағатты ұстаз алдын көреді. Көп ұзамай балалар үйінен қашып кеткен жұдырықтай панасыз қыз нағашы әженің қолында, басына түскен тағдырдың қатал сынына қасқая қарсы тұрып, бала болса да қиындыққа мойынұсынбай шыныға түскен болатын. Кәмен әженің айтуынша, ол кісі 13 жасында Сүлейменов Дүйсенбекке тұрмысқа шыққан. «Содан бастап 42 жыл бойы қой бақтық, жаз жайлау, қыс қыстауда жүріп талай қиындықты бастан кештік. Бүгінде еліміз егемендік алғанын көргеніме шүкіршілік етемін. Қазір ақсақалымыз екеуміз кіші келіндерім Ғалия мен Нұргүлдің күтіміндеміз. Ұрпақтарым тіл-көзден аман болсын, бүгінде 37 немере, 47 шөбере сүйіп, қазіргідей тәуелсіз, береке-бірлігі жарасқан, бейбіт елде тыныштық пен молшылық заманды да көрудеміз. Бір жағынан мал бағып, екінші жағынан бала өсіріп, ердің де