БІЛІМ БӨЛІМІНІҢ БАСШЫСЫ ЕСЕП БЕРДІ
-
Жарияланды 13 Қараша 2023
-
Қаралды: 89
6 қараша күні кезекті брифинг өтті, оған аудандық білім бөлімінің басшысы Аслан Танысбаев пен БАҚ өкілдері қатысты. «Tolagai_news» ақпараттық порталының тікелей эфирі барысында брифинг қонағы Аслан Балабекұлы ауданымыздың білім беру саласында биылғы жылы атқарылған жұмыстарға тоқталып, өзекті сұрақтарға жауап берді.
Брифингті модератор Аяжан Амантайқызы жүргізіп отырды. Кіріспе сөзден кейін Аслан Балабекұлы өзінің қысқаша баяндамасын ұсынды.
- Көкпекті ауданында 18 мектеп және 3 мемлекеттік балабақша жұмыс істейді. Оқушылар контингенті 2262 адамды құрайды, мұғалімдер саны 539. Оның ішінде мектепке дейінгі білім беру саласында – 69, жалпы білім беру ұйымдарында – 413, қосымша білім беру мекемелерінде – 57.
Дарынды және қабілетті оқушылармен жұмыс жасау, оларды іздеу, анықтау және дамыту мектеп қызметінің маңызды аспектілері болып табылады. Ауданымыздағы оқушылар халықаралық шығармашылық байқауларға қатысып, 5 жүлделі орын, республикалық олимпиадалар мен байқаулардан 7 жүлделі орын, облыстық олимпиадалар мен конкурстардан оқушылар 75 жүлделі орынға ие болды.
«АХМЕТ БАЙТҰРСЫНОВ - ҚАЗАҚ ТІЛ БІЛІМІНІҢ АТАСЫ»
-
Жарияланды 19 Қыркүйек 2023
-
Қаралды: 117
Қазақстан халқы тілдері күні мерекесі қарсаңында М.Әуезов атындағы орта мектебінде 9-сынып оқушыларымен «Ахмет Байтұрсынов - қазақ тіл білімінің атасы» атты сабақ өтті. Шара барысында оқушыларға реформатор - ғалымның қазақ тіл ғылымына енгізген жаңалықтары жайлы айтылды. А.Байтұрсынұлы жазған оқулықтар туралы көп мағлұматтар берілді. Ұлттық тіл ғылымы саласындағы ғалымның әліпби түзудегі жетістіктері туралы деректер оқушылар үшін құнды болды.
Сондай-ақ Ұлт ұстазы - Ахмет Байтұрсынұлының 150 жылдығына орай 9-сыныпта «Ахмет Байтұрсынұлы-қазақ тіл білімінің атасы» тақырыбында тәрбие сағаты өткізілді. Тәрбие сағатта ақын, қоғам қайраткерінің өмірі мен шығармашылығына тоқталып, кино үзіндісі көрсетілді. Оқушыларға алдын ала тапсырма беріліп, әркім өздеріне жүктелген тапсырмаларын таныстырды. Сабақ соңында оқушылардың ойы тыңдалып, қорытындыланды.
Балалардың жазғы демалысы қалай ұйымдастырылуда?
-
Жарияланды 26 Шілде 2023
-
Қаралды: 134
Тағы бір оқу жылы аяқталып, мектеп оқушылары жазғы демалысқа шықты. Балалардың жазғы демалысын ұйымдастыру – білім саласы үшін маңызды мәселе. Тоғыз ай бойы мектепте оқып, жазғы демалысқа асыға жеткен балалардың жақсы демалуына жағдай жасау алдын ала әзірленіп, іс-шара жоспары бекітіледі. Әсіресе, денсаулықты нығайтуға, шығармашылық, танымдық қабілетті арттыруға басымдық беріледі.
Толығырақ...ПОЛИГОННЫҢ ТИГІЗГЕН ЗАРДАБЫ
-
Жарияланды 28 Тамыз 2023
-
Қаралды: 112
Семей полигоны - тарихтың қасіретті беттері. Адамзатқа үлкен қайғы-қасірет пен апат әкелетін ядролық қару. Кеңестер Одағында жасалынған ядролық қаруды сынайтын алаң қазақ жеріндегі Семей полигоны болды. Полигонда 40 жыл бойы 475 рет ядролық қару сынақтан өткен.
Толығырақ...ҚУАНСА, БАЛА ҚУАНСЫН
-
Жарияланды 14 Маусым 2023
-
Қаралды: 139
1 маусым күні аудан орталығындағы «Ұлы дала елі» алаңында аудандық Оқушылар шығармашылық сарайының ұйымдастыруымен «Балалардың игілігі үшін» атты 1 маусым – Балаларды қорғау күніне арналған мерекелік іс-шара өткізілді. Шараға аудан әкімі Ділдәбек Оразбаев қатысып, бүлдіршіндерді мерекемен құттықтады.
Толығырақ...Тағы мақалалар...
Директор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
