Самар ауылындағы №1 Самар орта мектебіне биыл жөндеу жұмысы жүргізіліп жатқаны белгілі. Ол туралы аудандық баспасөз бетінде мақала жарық көрген. Құрылысшылар қазіргі күні жұмыс қарқынын үдете түскен. Жөндеу жұмыстары аяқталуға жақын қалды.

Өткен аптаның соңында аудандық мәслихат-тың депутаттары, «Нұр Отан» партиясының мүшелері С.Жотабаев, Е.Сихварт, Г.Шаймардано-ва құрылыс алаңында болып, жұмыс барысымен танысты. Мердігерлік компания «Ашим-С» ЖШС басшысы Т.Сағатов,

Тәуелсіздік жылдары Қазақстандықтар үшін спорттың түр-түрі дамып, кең етек жаюымен ерекшеленді. Бүкіл еліміз бойынша спорт алаңдары, үлкен-үлкен стадиондар салынып халықтың спортпен шұғылдануына барлық жағдай жасалуда. Жазғы спорттық ойындардың әр түрінен  аудан көлемінде өтетін жарыстарға  Үлкенбөкен ауылының спортшылары қызу дайындық үстінде. Жақында волейболдан ерлер мен қыздар арасында  өткен іріктеу кездесуі өтті. Оған Шұғылбай, Теректі, Үлкенбөкен, Қ.Аухадиев атындағы ауылдық округтерінің командалары қатысып бақ сынасты. Жарыс нәтижесінде Үлкенбөкен ауылдық округінің командасы жүлделі 1 орынға ие болды. Қазіргі кезде футболдан тамыз айында  өтетін зоналық ойындарға дайындық жалғасуда. Сонымен қатар, жеңіл атлетика, гір көтеру, тоғыз құмалақ, теннистен жаттықтыру ойындары өткізіліп жатыр. Үлкенбөкен ауылдық округінің намысын қорғап жүрген спортшыларға сәттілік тілейміз.

К.Баймолдина, Үлкенбөкен ауылы

Бұқтырма су қоймасының жағалауында орналасқан менің ауылым – Сарыбел деп аталады. Осыдан біраз жылдар бұрын өзінің тарихи атауын алған бұл ауыл Новотимофеевка деген атпен белгілі болатын. Табиғаты тылсымның тамырын бүккен ауылға, арғы жағадан көрінген Алтай тауының сілемі иіліп сәлем беріп тұрғандай.

Ауылдан шығатын күре жол атақты «Шығыс шеңберіне» («Восточное кольцо») келіп қосы-лады. Жолдың қиылысынан кө-лігіңізді оңға бұрсаңыз, Васильев өткелінен өтіп, тау ішімен жалғасатын күре жолмен әсем қарағайлы-қайыңды тамылжыған табиғаттың көркемдігіне тамсана Үлкен Нарын ауылына жетесіз, одан әрі Зырян қаласына келіп тоқтайсыз. Шағын қаладан облыс орталығы Өскеменге жететін жол бар.

Ал ауылдан шыққаннан соң солға бұрылсаңыз, Самар, Көкпектіден өтіп, Байбура асуы арқылы Қалбатаудан Өскеменге шығасыз.  Міне осылайша шеңбер жасап, бір ғасырлық тарихы бар «Шығыс  шеңберін» түйіндейсіз. Бұл тас жолдың облыс орталығымен екі жағынан да қосатын осындай ерекшелігі бар. Бұл жолды салуға қаншама күш, техника жұмылдырылған. Осы жолмен күндіз-түні жүріп жатқан жолаушыларға менің тілегім: «Жолың болсын, жолаушы!», - болмақ.

Ж.Тәкібаев, зейнеткер,

Сарыбел ауылы

Ұлы Жеңістің 70 жылдық мерекесінің құрметпен аталып өтілгені, оны жақындатқандар үшін ерекше күн болып мәңгі есте қалғаны анық. Ал олардың ұрпағы үшін жыл сайын осы айтулы күнді мақтан тұтар ардагер аға-апаларымен бірге қарсы алғаннан асқан бақыт жоқ. Өкінішке орай, кешегі сарбаз, бүгінгі қарт ардагерлердіің қатары сиреп барады. Бейбіт өмір сыйлаған асыл қазыналарымыздың бірі, Үлкенбөкен ауылының тұрғыны В.С.Винниковті Үлкенбөкен орманшылығының басшысы Рахат Жақыпов отынмен қамтамасыз етті.