БАСТАУШЫ АУЫЛДЫҚ ОКРУГІ

Бастаушы ауылдық округі бойынша 4 маусым күні Абай атындағы  орта мектепте мемлекеттік рәміздер күні аталып өтті. Мереке Қазақстан Республикасының Мемлекеттік Әнұранымен ашылды. Мерекемен топ тәрбиешісі құттықтады. Жазғы демалыс лагеріне келуші балалар патриоттық әндерге  негізделген әдеби монтаж орындап, би биледі. Мемлекеттік рәміздер туралы слайд көрсетілді. Кітапханаларда «Мемлекеттіліктің рәміздері» атты кітаптар көрмесі ұйымдастырылды.

КӨКПЕКТІ АУЫЛДЫҚ ОКРУГІ

Ж.Шайжүнісов атындағы мектепте 5-8 сыныптардың қатысуымен 4 маусым күні Қазақстан Республикасы мемлекеттік рәміздер күніне арналған акция өтті. Шараның негізі мақсаты

Қазақстан Республикасы Президенті Н.Назарбаев бес институттық реформаны жүзе-ге асырудың жолын тағы бір айқындап берді. Елбасының сөзімен айтсақ: «100 нақты қадам- бұл жаһандық және ішкі сын-қатерлерге жауап және ұлттың дамыған отыз мемлекеттің қатарына кіру жоспары», - болып табылады. Үшінші тарауда елдің индустриялануы мен экономикалық өсіміне айқын басымдық көрсетілген. Оның ішінде 35,36-қадамдар ауылшаруашылығына, нақты айт-қанда, жер мәселесіне арналған. «Ауылшаруашылығы жерлерін тиімді пайдаланудың мақсатымен оларды нарықтық айналымға енгізу. Жер Кодексі және басқа да заң актілеріне өзгеріс енгізу қажет», - делінген 35-қадамда. Егер, жерді тиімді пайдаланбаса оны мемлекеттік қорға алуды 36-қадамда атап айтады. Алайда біз, шаруа адамы үшін осы қадамда айтылғандай, «жер телімдерін мақсатты пайдалану түрін өзгертуге рұқсат алу ресімдерін жеңілдету», - дегенге ден қойып отырмыз. Өйткені, қазіргі кезде егер бір жер ала қалсақ, көктемгі егіске дейін ол жерлерді ресімдеп үлермей қаламыз. Оның көбі қағазбастылықтан туындап жатады. Содан барып, жеңілдікпен жағармай, субсидия алу құжаттарын кешеуілдетіп жасау туындайды. Мұның барлығы бір арнаға түсіп, диқан бір ғана құжатпен жүріп, егінін уақытында салып, оны жинап үлгеруіне мүмкіндік туар еді. Міне, Елбасының көздеп отырғаны да осы деп түсінемін.

 Жерді тиімді пайдалануда біздің шаруашылықтың атқарып отырған жұмыстары жаман емес. Қазір дәнді және майлы дақылдармен қатар техникалық дақылдарды өсіруге бет бұрдық. Ең бастысы – ауыспалы егістік жүйесін қатаң сақтау болып табылады.  Мал азығындық екпе шөптерді егу де осы жүйеге енеді.Агротехникалық шараларды қатаң сақтау жердің тозбай, құнарын жоғалтпауына мүмкіндік береді. Осы тұрғыда жұмыстарға қатаң бақылау болса деймін.

Есенбек Мәмбетов,

«Мәмбет» шаруа қожалығының басшысы

Аудандық газеттің әр жыл-дардағы сандарын ақтара отырып, «Жұлдызда»               жиырма төрт жылдан астам уақыт еңбек еткен Әңкебаев Мұхамедсадық Мәсәлімұлының қайталанбас қол-таңбасын анық аңғаруға болады. Қарапайым трактор жүргізушісінен газет майталманы аралығындағы ұзақ та соқпақты жолды өткерген қаламгердің ғұмыры бір шығармаға өзек. Қарымды қаламгердің құндылығы қыздары Айнұр мен Гүлназдың қолында. Әке мұрасы артындағы ұрпағына рухани азық, аласармас абырой.

 Мұхамедсадық Әңкебаевтың балалық шағы соғыстан соңғы кезеңдегі ауыртпашылық, қайта тұрғызу дәуіріне тұспа-тұс. Тассайда қанаты қатайған еңбеккер жас темір тракторды сом білегімен бағындырған шебер еді. Бес ағайынның ішіндегі екіншісі Мұхамедсадық талдырмаш жас күнінен еңбекке тығыз араласты. Әкесі Мәсәлім мінезі жайлы, жұмсақ адам болғанымен жұмыста ұқыпты, тиянақты. Зейнеткерлік жасқа дейін мал дәрігері болып қызмет етті. Мәскеу түбінде Отан алдындағы борышын өтеп қайтқан  көкпектілік екі жас Мұхамедсадық Әңкебаев пен Алтынғазы Оразалиев барлық өмірін туған жерінде тынымсыз еңбек етуге арнады.

Ішінде туа біткен дарыны бар шығармашыл жан қажырлы еңбекпен қатар қаламын қолынан тастаған емес. Аудандық газет бетінде өміршең шығармалары жиі жарық көріп отырды. Тума талантты жазбай танитын газет редакторы Тұрсын Жұртбаев жұмыссыз қалған қабілетті жанды бірден қызметке тартты. Бас редактордың ішкі түйсігі оны алдамаған екен. Мұхамедсадық аудандық газет тарихында өзіндік жазу әдісімен, ерекше бір тартымымен, қайталанбас қолтаңбасымен өшпес із қалдырды. Ауыл шаруашылығы саласына қалам тартуда оған тең келер тілшіні табу қиын еді. Жілігін шағып, майын ішкен саланың түйінді мәселелері мен түйткілді қырын ашуда өзіне ғана тән ерекшелік танытты. Мұхамедсадық Әңкебаев журналистика саласында жүріп өмірлік жарын кездестірді. Типографияның әріп терушісі болған Қатипа Қалиоллақызы екеуі үш қыз, екі ұл тәрбиелеп өсірді.

Өмірден ерте озған озық маман, өз ісінің тісқақты шебері Мұхамедсадық Әңкебаевтың есімін елі қадірлейді, ұрпағы мадақтайды. Көкірегі ашық, көңілі көл әкенің тәлімді тәрбиесін көрген ұрпағы да әулеттің абыройын адал еңбек, көркем мінезімен асыруда. Қайталанбас қолтаңбасы бар қаламгердің мол мұрасы, қазынасы әлі талай ғасыр өскелең ұрпаққа өнеге болып қала бермек.

Клара ҚАЙЫПЖАНҚЫЗЫ

Тассай ауылдық округі. М.Әуезов атындағы орта мектептен бұл күні 12 түлек білім ордасымен қоштасты. Мектептегі соңғы қоңырау кешіне арнайы шақырылған қонақтар аудандық білім бөлімінен Сарманова Нүргүл Мұратқызы, осы мектептің ардагер ұстаздары С.Чалова және К.Оразғалиева, ауыл әкімі С.Далбин келіп жылы лебіздерін білдірді.

Сонымен қатар, осы мектептен білім алып бітіріп кеткендеріне 20-30 жыл толған мерейтойларын атап өтуге келген түлектер де өздерінің мектепке деген жылы сезімдерін мен телевизор, проектор, күреске қатысытын балаларға арналған «кимано» киімін және ауылдық мешітке шаңсорғыш тарту етті. Бұл мектепте «Алтын белгіге» үміткер екі оқушы Армика Әділғазинова мен Толғанай Букумбаева. Салтанатты кеш, концерттік бағдарламаға ұласты.

Көкжайық ауылдық округі. «Сыңғырла соңғы қоңырау» атты салтанатты жиын өткізілді. Ашылу салтанатында Қазақстан Республикасының Әнұраны орындалды.

Құттықтау сөз мектеп директоры С.Нұқышева, оқу ісінің  меңгерушісі А.Баямбаева, Көкжайық ауылының әкімі Н.Сүлейменов және Көкпекті ауданынан келген өкіл ауыл шаруашылық бөлімінің басшысы М.Темиржанов бітіруші түлектерді оқу жылының аяқталуымен құттықтап жылы лебіздерін білдірді. Биылғы оқу жылында жетістікке жеткен оқушылар марапатталды. Ата-аналар атынан А.Абекбаева құттықтау сөз сөйлеп, мерекелік концерттік бағдарламаны тамашалады. Мектеп бітіруші түлектер ұстаздарды құттықтап, өздерінің жылы лебіздерін білдіріп, мектеппен қоштасу әнін орындады.

Белое ауылдық округі. Биыл Октябрь мектеп балабақша кешенінде 4 түлек қанат қағып ұшқалы тұр. Арнайы түлектерді құттықтауға Белое ауылдық округ әкімі М.Жанкебаев, аудандық білім беру бөлімінің әдістемелік кабинеті меңгерушісі Д.Садвакасова келді. Ауданнан келген қонағымыз оқу жылының аяқталуымен, соңғы қоңырау салтанатымен баршаны құттықтап, түлектерге жүрекжарды тілектерін білдіре келе, мектебіміздің білім мен шығармашылық табыстары үшін, ауданымыздың Ұлы Жеңістің 70 жылдығын мерекелеуде ұжымымыздың сүбелі үлесі үшін аудан әкімі Р.Сағындықовтың мақтау қағазын мектеп директоры К.Кожаеваға табыстады.

Өз кезегінде ауыл әкімі Мұхтар Қайырғазыұлы мектебіміздің бірқатар оқушылары мен мұғалімдеріне алғыс хаттар мен мақтау қағаздарын тапсырды. Әдемі қазақ киіміндегі «Айкөркем» би ансамблінің «Шаттық» биі, 1 сынып оқу озаты Ж.Жамбырбаеваның «Мектебім» әні мерекенің сәнін кіргізді. «Алтын белгіге» үміткер түлегіміз Ж.Иматулина «білімнің алтын кілтін» ізбасарларына табыстап, соңғы қоңырау соғу мәртебесіне ие болды.

Бастаушы ауылдық округі Абай атындағы орта мектебінде соңғы қоңырау мерекесі «Сыңғырла қоңырау тағы да...» атты тақырыппен өтті. Барлық сыныптар мерекеге сай безендірілген мектеп ауласына сапқа тұрды. Қазақстан Республикасынынң Мемлекеттік Туы әкелінгеннен кейін, Қазақстан Республикасының Мемлекеттік Гимні орындалды. Мерекеге мектептің барлық 120 оқушысы, 20 жылдық кездесуге келген мектептің 30 түлегі, 50 ата-ана, қонақтар, зейнеткер-ұстаздар қатысты. Биылғы жылы мектепті 4 оқушы аяқтап отыр, олардың екеуі ҰБТ тапсырады. Екі оқушы да келешекте дәрігер болуды армандайды. Көкпекті аудандық әкімшіліктің өкілі Серік Қасымханов, Көкпекті аудандық білім беру бөлімінің әдіскері Райхан Жұмақанова оқушыларды оқу жылының аяқталуымен құттықтады.

Мектеп директоры мектеп өміріне белсенді қатысқан, оқуда, өнерде, спортта алда болған оқушыларды марапаттады. Құрметті атақтар берілді: «Жыл оқушысы» - 8 сынып оқушысы, аудандық Абай оқуларында ІІ орын алған  Кәрім Алина, «Жыл түлегі» - 11 сыныптың оқушысы, мектептің қоғамдық өміріне белсенді қатысқан, аудандық оқушылар олимпиадасының математикадан жүлдегері Жақсылық Ырысты, «Жыл спортшысы» - аудандық еркін күрестен, жеңіл атлетикадан жарыстардың жеңімпазы,  еркін күрестен облыстық жарыстардың жүлдегері Болатқанов Нұрасыл атанды. Спорттағы жетістіктері үшін еркін күрестен, жеңіл атлетикадан аудандық, облыстық жарыстардың жүлдегерлері мен жеңімпаздары мектеп директорының грамотасымен марапатталды. «Үздік сынып-2015» құрметті атағын жылдық жарыстың қорытындысы бойынша 5-сынып оқушылары жеңіп алды. Сынып жетекшілері – Р.Байкубинова. Осы сыныпты маусым айында Жидебай-Бөріліге апаруға 20 жылдық кездесуге келген мектептің 1995 жылғы түлектері, Қ.Оспанов, Ө.Бушанов демеушілік көмек көрсететін болды.

Құлынжон ауылдық округі. Амангелді орта мектебіндегі соңғы қоңырау салтанаты жылдағыдан ерекше болды. Бұл күні оқушыларға ұмытылмастай сабақ болатын кең ауқымды патриоттық шара ұйымдастырылды. Мектептің түлектері мен оқушыларын мектеп директорынан бастап, осы күнге арнайы келген қонақтар құттықтап, барлығына сәттілік тіледі. Озаттар мен спортта жетістікке жеткендер марапатталды.

 Содан кейін осы мектептің ұстаздары, оқушылары мен бұрынғы түлектері, тіпті бүкіл ауыл болып атсалысқан ескерткіш ашылды. Бұл ескерткіш осы ауылдан Ұлы Отан соғысына аттанып оралмағандар мен соғыстан жеңімпаз болып келген, кейіннен осы жердің түлеп-түрленуіне үлес қосқан аталарға арналған. Оның құрылысына алыс-жақындағы ұрпақтары, осы ауылдың адамдары тайлы-таяғы қалмай көмек жасап, өз қолдарымен тұрғызды. Салтанатты жиында олардың ұрпақтары естеліктер айтты. Оқушылар да өздері ізденіп, бірталай мәліметтер жинаған. Жиын соңы ауылдың ынтымақтастығы арқасында ұйымдастырылған үлкен асқа ұласып, шейіт болған боздақтарға арналып Құран бағышталды.

Ауыл ақсақалдары мен ақ жаулықты әжелер, өшкеніміз жанғандай болдық осы істі қолға алып ұйымдастырған жастарға алғысымыз шексіз деп, баларын берді. Сөйтіп, соңғы қоңырау салтанаты тағылымды шараға ұласты.

Клара НҰРПЕЙІСОВА,

Клара ҚАЙЫПЖАНҚЫЗЫ