"Biz birgemiz!" республикалық акциясы аясында Самар кәсіпкерлері еліміз аумағындағы төтенше жағдайға байланысты карантиндік режім кезінде аз қамтылған және көпбалалы отбасыларға тегін көмек көрсетуге белсенді қатысты.

Самар ауылдық округіндегі 41 отбасының әр қайсысына 3 мың теңге мөлшеріндегі азық-түлік және 7 мың теңгеге ет өнімдерін алды. Қайырымдылық көмектің жалпы сомасы 413 000 теңгені құрады.
Осы игі іске округтің шаруашылық басшылары - С.Жотабаев, Е.Мамбетов, Ж.Мамбетов, Е.Дюсупов, Е.Болде, М.Лопаткин, М.Құмаров, Р.Раев, А.Федосов, А.Нарожнев өз үлестерін қосты.

«Біз біргеміз»! Елімізде дәл осындай атаумен республикалық акция бастау алған болатын. Бұл игі шарадан көкпектіліктер де қалыс қалған жоқ. Көкпекті ауылдық округіндегі көпбалалы аналардың, жалғызілікті ардагерлер мен мүгедектердің үйлеріне барып, азық-түлік толы әлеуметтік пакеттерді табыстап жүр.

Көкпекті ауылдық округін-де 23 наурыз күні «Біз біргеміз» акциясын қолдау мақсатында ауыл әкімі мен жеке кәсіпкерлер бірлесіп, мұқтаж жандар, көпбалалы аналар мен жалғызбасты қарияларға арналып 17 азық-түлік пакеттері әзірленіп, сонымен қатар, елімізде болып жатқан төтенше жағдайдың алдын алу мақсатында 50 дана медициналық қорғаныш маска мен 30 ірі қара мал еті таратылды. Әлеуметтік көмекке мұқтаж жандарға шынайы қамқорлық көрсетуге атсалысқан жеке кәсіпкер «Елім-ай» ЖШС-нің басшысы Б.Бекбердинов, жеке кәсіпкер Р.Ибрагимов, «Виничук» ЖШС басшысы В.Виничук.

«Қара құс астына басып жейді, сұңқар маңына шашып жейді» дегендей, өзімде ғана емес, өзгеге де болсын деп, шын мұқтажға көмегін аянып қалмайтын жандар болады. Сондай жандардың бірі, әрі бірегейі Құлынжон ауылының тумасы, «BI Group» компаниясының басшысы Айдын Рахымбаев.

Айдын Рахымбаев пен өзі басқарып отырған «BI Group» компаниясы дәрігерлер мен медициналық қызметкерлерді қолдау үшін 100 млн теңге бөлді. Бұл біздің жерлесіміздің тағы бір мәрттігін көрсетті. Компания басшысы өзінің Facebook-тегі парақшасында:

Ауданымызда короновирустың таралмауы, халықтың денсаулығы, бүгінгі таңдағы тұрғындарымыздың көкейінде тұрған мәселе. Әр ауыл әкімі әр үйдің коронивирусқа қарсы қандай сақтық шараларын жүргізетінін түсіндіріп, жіті қадағалауда.

Көкпекті ауылындағы дәріханаларда меди-циналық маска тапшы екені бәрімізге аян. Бұл жалғыз бізде емес, бүкіл республика көлемінде солай. Бұл әлемде короновирус індеті тарай бастағалы сақтық шаралары үшін алдын ала көптеп сатып алғанның себебінен болып отыр.