Ауданымызда короновирустың таралмауы, халықтың денсаулығы, бүгінгі таңдағы тұрғындарымыздың көкейінде тұрған мәселе. Әр ауыл әкімі әр үйдің коронивирусқа қарсы қандай сақтық шараларын жүргізетінін түсіндіріп, жіті қадағалауда.

Көкпекті ауылындағы дәріханаларда меди-циналық маска тапшы екені бәрімізге аян. Бұл жалғыз бізде емес, бүкіл республика көлемінде солай. Бұл әлемде короновирус індеті тарай бастағалы сақтық шаралары үшін алдын ала көптеп сатып алғанның себебінен болып отыр.

«Мұндай тығырықтан шығудың жолы - маска жоқ деп қарап отырмай, медициналық матадан қолдан тігіп алған жөн» деп білген көкпектілік тігінші Алмагүл Әмірқан халыққа маска тігіп көмек көрсетуде. Жергілікті тігіншінің айтуынша тәулігіне 100-ге жуық маска тігуге мүмкіндігі бар. Қазіргі таңда Алмагүл ханым әр бөліммен арнайы тапсырыс алып, маскаларды тігуде. Ел амандығы - ең негізі мақсатымыз. Сондықтан да өз денсаулығыңыз өзіңіздің қолыңызда екенін естен шығармаңыз!

Клара ҚАЙЫПЖАНҚЫЗЫ 

Пікір: