"Biz birgemiz!" республикалық акциясы аясында Самар кәсіпкерлері еліміз аумағындағы төтенше жағдайға байланысты карантиндік режім кезінде аз қамтылған және көпбалалы отбасыларға тегін көмек көрсетуге белсенді қатысты.

Самар ауылдық округіндегі 41 отбасының әр қайсысына 3 мың теңге мөлшеріндегі азық-түлік және 7 мың теңгеге ет өнімдерін алды. Қайырымдылық көмектің жалпы сомасы 413 000 теңгені құрады.
Осы игі іске округтің шаруашылық басшылары - С.Жотабаев, Е.Мамбетов, Ж.Мамбетов, Е.Дюсупов, Е.Болде, М.Лопаткин, М.Құмаров, Р.Раев, А.Федосов, А.Нарожнев өз үлестерін қосты.

"Көкпекті ауданының № 2 аудандық ауруханасы" (Е.Зияданов), Самар аграрлық-техникалық колледжі (Н. Исенов), "Самар арнаулы әлеуметтік қызмет көрсету орталығы" (Б.Дюсюпов), кәсіпкерлер А.Бикатова, Р.Ілиясова, М. Какенова "жақсылық қоржынын" таратуға көмек көрсетті.
Бұл қайырымдылық акциясын коронавируске қарсы ортақ жауап деп атауға болады, аты жаман аурудың бізге келмегенін үлкен үмітпен тілейміз! Мұндай акциялар адамдарды қиын сәттерде белсенді азаматтық ұстанымға, адамгершілікке жетелеп, мұқтаж адамдарға немқұрайлы қарамау мысалдарын көрсете отырып, жақындастырады.

Қанат Апсадықова

Пікір: