Серіктестер

                                                                                                                    

                                                                                         

 

 

27 наурыз күні аудан әкімі Ділдәбек Оразбаевтың төрағалық етуімен аппараттық кеңес отырысы өткізілді. Кеңейтілген отырыс жұмысына ауылдық округ әкімдері, дербес бөлім басшылары, қызмет өкілдері қатысты.

Күн тәртібінде Көкпекті ауданы бойынша 2023 жылдың 1 тоқсанындағы әлеуметтік-экономикалық көрсеткіштері, аудан бойынша туберкулез дертінің эпидемиологиялық жағдайы, 2022 жылдың қорытындысы бойынша жергілікті полиция қызметінің атқарған жұмыстары және 2023 жылға арналған жоспарлары туралы сұрақтар қаралды.

Толығырақ...

Аудан әкімінің ауыл тұрғындарымен бірқатар кездесулерінен кейін Ділдәбек Тәжібайұлы Оразбаев өзекті мәселелер бойынша азаматтармен жұмыс жасау үшін арнайы ақпараттық-түсіндіру тобын ұйымдастыруды тапсырды. Топты аудан әкімінің орынбасары Дәурен Қойгелдин басқарды.
Топ құрамында әкім орынбасары М.Сүйесінов, Көкпекті ауданының прокуроры Е.Жұмаділов, аудандық полиция бөлімінің басшысы Д.Жұмаділов, Көкпекті аудандық ауруханасының бас дәрігері А.Рахымбаева, тіркеу және жер кадастры бөлімінің басшысы Е.Табиғатов, жер қатынастары бөлімінің басшысы Қ.Алкенов, аудандық жұмыспен қамту орталығының басшысы Д.Айдаров және білім бөлімінің басшысы А. Танысбаев болды. Топ жұмысы Қ.Аухадиев және Теректі ауылдық округтерінен басталды. Тұрғындар үшін ауыл жастарына жылдық 2,5 пайызбен жеңілдетілген шағын несие беру бағдарламасы түсіндіріліп, аудандық жұмыспен қамту орталығының басшысы Данияр Адиұлы «Еңбек» нәтижелі жұмыспен қамтуды және жаппай кәсіпкерлікті дамыту мемлекеттік бағдарламасына кеңінен тоқталды. Теректі ауылының тұрғынынан жер саласына қатысты сауал келіп түсті. Бұл сауалға жер қатынастары бөлімінің басшысы Қуат Құмарбекұлы жауап беріп, ұсыныстар айтты.

Толығырақ...

Қазақстан Республикасының Президенті Қасым-Жомарт Кемелұлы Тоқаевтың «Халық үніне құлақ асатын мемлекет» тұжырымдамасын іске асыру туралы тапсырмасын орындау шеңберінде Көкпекті ауданында аудан әкімі Ділдәбек Оразбаевтың өткен жылғы әкімшіліктің жұмысының қорытындысын шығаруға және азаматтардың мәселелерін шешуге арналған халықпен кездесуі жалғасуда.
12 қаңтар күні аудан әкімінің халықпен кездесуі Теректі, Шұғылбай және Қойгелді Аухадиев атындағы ауылдық округтерінде жалғасты. Халықпен кездесуге аудан әкімінің орынбасары Дәурен Қойгелдин, аппарат басшысы Талант Бақытбекұлы, бірқатар дербес бөлім мен мекеме, кәсіпорын басшылары қатысты.
Ауылдық округ әкімі Талғат Шаймарданов есептік баяндамасын слайдпен әрлеп, әр сөзіне нақты деректер келтірді. Атқарылған жұмыстарға кеңінен тоқталып, ағымдағы жылы қолға алынатын жобалармен бөлісті.

Толығырақ...

«Атаңнан мал қалғанша, тал қалсын» деген аталы сөзді ұран еткен көкпектіліктер күзгі көшет егу жұмыстарын аяқтауда. Ағаш отырғызу адам өміріндегі ең маңызды істердің бірі деген Көкпекті округі әкімшілігі мен тұрғындары игі іске жұмыла кіріскен. Көшет егу жұмысы республикалық «Жаңа Қазақстан. Таза табиғат» акциясы аясында жүзеге асырылуда.

Толығырақ...

Жаздың соңғы айы да аяқталды. Бұл мезгіл еңбегінің жемісін, табиғаттың сарқылмас сыйын көретін шақ. 27 тамызда «Ұлы дала елі» алаңында ауыл шаруашылығы өнімдерінің кезекті жәрмеңкесі және мектепке қажетті оқу құралдары саудаланды.
Сауда шарасында барлық ауылдық округтер өз тауарларын ұсынды. Жәрмеңке барысында еліміздің оңтүстік өңірлерінен әкелінген 7 бас ірі қара, 6 бас қой, 1 бас жылқы еті, арпа, бал, сүт өнімдері, сондай-ақ көкөністер мен жемістер сатылды.

Толығырақ...

Директор-редактордың блогы

 Көкпекті аудандық  

«Жұлдыз - Новая жизнь» 

 газетінің сайтына

қош келдіңіздер!

 Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Шілде 2024 > >>
Дс Сс Ср Бс Жм Сб Жс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Қаралым санағы

HotLog

Біз әлеуметтік желідеміз