«Атаңнан мал қалғанша, тал қалсын» деген аталы сөзді ұран еткен көкпектіліктер күзгі көшет егу жұмыстарын аяқтауда. Ағаш отырғызу адам өміріндегі ең маңызды істердің бірі деген Көкпекті округі әкімшілігі мен тұрғындары игі іске жұмыла кіріскен. Көшет егу жұмысы республикалық «Жаңа Қазақстан. Таза табиғат» акциясы аясында жүзеге асырылуда.

Осындай сауабы мол іске бастамашы болып жүрген, аудан әкімі Ділдәбек Тәжібайұлы, аудандық ардагерлер кеңесінің төрағасы Сләмбек Мұқашев, маслихат хатшысы Талғат Сарманов Көкпекті ауылының Абылайхан және Саяхимов көшелерінің бойына шырша көшеттерін екті.
Ауылдық округ әкімі Қайрат Алғазыұлының айтуынша аталған акциямен аудан бойынша мыңға жуық түп көшет егілген. Абылайхан мен Саяхимов көшесіне - 150-ден аса, Ж.Шайжүнісов орта мектебінің аумағына 60 түп сібір шыршасы отырғызылған. Қ.Алтынбаев аудандық мәдениет үйіне – 30, Куйбышев негізгі мектебіне 10, Үлкенбөкен округіне 250 дана берілді. Жалпы бұл акция алдағы уақытта жалғасын табатын болады.
-Бұл шыршалар өскен кезде көшені де көркейтеді әрі экологияны жақсартады. Ары қарайғы күтіп ұстау жұмыстарына осы көше бойындағы тұрғындар да атсалысқаны жөн – дейді округ әкімі.

Пікір: