Ағымдағы аптада Көкпекті аудандық сотында 2016 жылдың 1 жартыжылдығының қорытындысы бойынша баспасөз конференциясы өткізілді. Жиын барысында аудандық сот төрағасы Әділ Бақытбекұлы статистикалық мәліметтерден хабардар етті.
- Атқарылған жұмыстарға тоқталар болсақ, 6 ай ішінде 24 тұлғаға қатысты 20 қылмыстық іс қаралып, оның ішінде 15 тұлғаға қатысты 11 үкім шығарылды. Былтырғы жылдың аталған кезеңінде 14 тұлғаға қатысты 14 қылмыстық іс қаралған болатын. Яғни, биыл 30 пайызға артық деген сөз. Сот тарапынан ақтау және ақталу себебімен істі тоқтату үкімдері шығарылған жоқ. 150 азаматтық іс қаралып, 75 шешім шығарылды, оның 27 сот бұйрығы болып табылады. 3 азаматтық іс жеңілдетілген өндіріспен қаралды. 2015 жылы қаралған істің саны 141 (6 пайызға артық), биылғы мерзімде 157 әкімшілік, ал былтыр 210 әкімшілік іс қаралған болатын. Бұл көрсеткіш былтырғыға қарағанда 25 пайызға азайғанын білдіреді, - деп атап өтті Әділ Бақытбекұлы.

Көкпекті аданының №2 аудандық сотында ҚР ӘҚБтК-нің 434 бабы 1-бөлігімен азамат Е. қатысты әкімшілік іс қаралды. Істі қарауға дайындық кезінде судья Өскемен қалалық Үлбі полиция бөлімінің қызметкерімен іс жүргізу заннамасының өрескел бұзылғандығын анықтады.
Сот әкімшілік құқық бұзушылық хаттамасы толтырылған адам оралман және орыс тілін меңгермегенін анықтап, алайда бұған қарамастан полиция қызметкері қазақ тіліне аудармай, хаттамадан өзге құжаттарды орыс тілінде толтырған, осылайша жауапкершілікке тартылған адамның іспен танысу мүмкіндігінен айырған.
ҚР ӘҚБтК-нің 738 бабы 1-бөлігінінің талаптарына сәйкес әкімшілік құқық бұзушылық ісіне қатысушыларға басқа тілде берілген матер-иалдар тегін тиісті тілге ауыдарылып берілу тиіс делінген.
Осыған байланысты істі қарау қорытындысына сәйкес, мұндай фактілерді болдырмау мақсатында сотпен жеке қаулы шығарылды.

Көкпекті № 2 аудандық сотының баспасөз қызметі