Өткен аптада Көкпекті аудандық сот төрағасы Әділ Бақытбекұлы «Медиация туралы» заңның пайдалы тұстары мен ерекшеліктерін түсіндіру және халық арасында насихаттау жұмыстарын жүргізу мақсатында Көкжайық, Тассай және Қ.Аухадиев атындағы ауылдық округтер тұрғындарымен кездесті.

- Құрамында қылмыстық іс жоқ дауларды сотқа жеткізбей-ақ бейбіт жолмен шешу әлемде кең тараған үрдіс болып табылады. Мұндай тәсілге жүгінгендердің дауын бейтарап үшінші тұлға қарап, бітімгерлік міндетін атқарады. Халық арасында медиацияның сот жүйесімен салыс-тырғанда қандай артық-шылықтары бар деген заңды сұрақ туындайтыны анық. Біріншіден, медиация процедурасы сотпен салыстырғанда аз уақыт алады әрі ме-диатордың қызметі сот қызметіне қарағанда арзанға түседі. Сонымен қатар, тараптардың арасындағы қатынас бұ-зылмайды, құпиялық сақ-талады, - деп айтып өтті Әділ Бақытбекұлы.
Өздерін толғандырған сұрақтарға толыққанды жауап алған тұрғындар, орталарында сыйлы, беделі бар ауылдастарына медиатор ретінде сенім білдіретіндерін жеткізді.
Ел болған соң дау-дамай болып тұрады. Дегенмен, «Дәлдеп атып жауды жең, дәлелдеп айтып дауды жең» дегендей бітімгершілік жолмен екі жақты да татуластырғанға не жетсін! Сайып келгенде, медиацияның дамуы қоғамдағы оң өзгерістің көрінісі екені даусыз.

Жансая СМАҒҰЛОВА

Пікір: