ҚАЙЫРЫМДЫЛЫҚ ЖӘРМЕҢКЕСІ ӨТТІ

Article Details

Наурыз айы - қайырымдылық пен мейірімділіктің айы болып саналады.
Қ.Аухадиев атындағы мектебі қайырымдылық жәрмеңкесін өткізді. Игі шараны ұйымдастырушы директордың тәрбие ісі жөніндегі орынбасары Д. Ниязбаева.
Бұл күні мектептің дәлізі үлкен сауда алаңына айналды. Оқушылар мен ата-аналар өздері пісірген пицца, торт, бәліш сынды тәттілерді арзан бағамен сатты. Ал оларды сатып алушылардың қатары тіптен көп. Мектеп ұжымы қайырымдылық жасауға көп мән береді. Білім ордасының оқушылары дәмді тағамдарын сатып 29 мың теңге қаражат түсірді. Жиылған қаражат ДЦП дертіне шалдыққан кішкентай Әлидің еміне аударылады.

Ауылдық округ ақпараты

Read more

АУЫРЫП ЕМ ІЗДЕГЕНШЕ, АУЫРМАЙТЫН ЖОЛ ІЗДЕ!

Article Details

24 ақпан мен 24 наурыз аралығында республиканың барлық аймақтарында Дүниежүзілік туберкулезге қарсы күрес күніне (24 наурыз) орайластырылған туберкулездің алдын алу айлығы өткізілуде. «Көкпекті аудандық ауруханасы» ШЖҚ КМК Көкпекті ауданында аудандық санитарлық-эпидемиологиялық бақылау департаментімен бірлесуімен бірқатар іс-шаралар жос-парланып, жүзеге асырылуда.
Олардың басты міндеті – туберкулез айықпас дерт емес екенін айту. Айлықтың мақсаты халықтың туберкулезге қарсы шаралар туралы және елдегі туберкулезді тексеру мен емдеудің тұрғындар үшін қолжетімді шарттары туралы хабардарлығын арттыру болып табылады.
Туберкулез (латын тілінен tuberkulum – «туберкулез») — бұрыннан келе жатқан және белгілі ауру, ол неолит дәуіріндегі адамдардың қалдықтарынан табылған. Алайда тек 1882 жылы ғана Роберт Кох туберкулездің қоздырғышы – Кох таяқшасын бөліп алу арқылы оның инфекциялық сипатын дәлелдеді. 1882 жылы 24 наурызда неміс дәрігері Роберт Кох өзінің ашқан жаңалығын әлемге ресми түрде жариялады және осы күні ДДҰ бас-тамасымен Дүниежүзілік туберкулезге қарсы күрес күні аталып өтеді.

Read more

Мемлекеттік әкімшілік қызметшілерге тәртіптік жаза қолдану тәртібі

Article Details

Мемлекеттік қызметшінің тәртіптік теріс қылығы (бұдан әрі - теріс қылық) - мемлекеттік қызметшінің өзіне жүктелген міндеттерді құқыққа қайшы, кінәлі орындамауы немесе тиісінше орындамауы, лауазымдық өкілеттіктерін асыра пайдалануы, қызметтік тәртіп пен қызметтік әдепті бұзуы, сол сияқты мемлекеттік қызметте болуына байланысты Қазақстан Республикасының заңдарында белгіленген шектеулерді сақтамауы болып табылады.
Қазақстан Республикасы Президентінің 2015 жылғы 29 желтоқсандағы №152 Жарлығымен бекітілген мемлекеттік қызметшілерге тәртіптік жаза қолдану қағидаларына (бұдан әрі – Қағидалар) сәйкес тәртіптік жаза жасалған тәртіптік теріс қылықтың ауырлығына, оны жасаған адамның кінәсінің дәрежесіне сәйкес келуге тиіс.
Мемлекеттік әкімшілік қызметші теріс қылық жасаған кезде одан жазбаша түсініктеме талап етіледі. Мемлекеттік әкімшілік қызметші елеусіз теріс қылық жасаған жағдайда, егер жазбаша түсініктемеде ол осы теріс қылық жасау фактісімен келіссе, онда уәкілетті тұлғаның қызметтік тергеу жүргізбей-ақ ескерту, сөгіс немесе қатаң сөгіс түрінде жаза қолдануға құқығы бар.
Егер мемлекеттік әкімшілік қызметші өзінің жазбаша түсіндірмесінде теріс қылық жасау фактісімен келіспесе, онда уәкілетті тұлғаның бұйрығы бойынша Қағидаларда айқындалған тәртіпке сәйкес қызметтік тергеу жүргізілуге тиіс.
Мемлекеттік әкімшілік қызметші персоналды басқару қызметінің (кадр қызметінің) қызметкерлері не уәкілетті лауазымды адамдарға жазбаша түсініктеме беруден бас тартқан жағдайда тиісті акт жасалады.
Мемлекеттік әкімшілік қызметшінің жазбаша түсініктеме беруден бас тартуы қызметтік тергеп-тексеру жүргізуге кедергі болып табылмайды.
Қызметтік тергеп-тексеру мемлекеттік әкімшілік қызметшінің оны жасау мән-жайларын толық, жан-жақты және объективті айқындау мақсатында оның тәртіптік теріс қылығы туралы материалдар мен мәліметтерді жинау және тексеру жөніндегі қызмет болып табылады.
Қызметтік тергеп-тексеру уәкілетті адамның актісімен (бұйрығымен) тағайындалады және оны персоналды басқару қызметі (кадр қызметі) қызметтік тергеп-тексеру жүргізу туралы акт шығарылған күннен бастап он жұмыс күнінен аспайтын мерзімде жүргізеді.
Қызметтік тергеп-тексеруді тағайындау туралы акт (бұйрық) болмаған кезде қызметтік тергеп-тексеруді жүргізуге жол берілмейді.
Қызметтік тергеп-тексеру барысында персоналды басқару қызметі (кадр қызметі) не уәкілетті лауазымды адамдар теріс қылық жасау мән-жайларына және тергеп-тексерудің өзге де негіздеріне қатысты барлық материалдар мен мәліметтерді жан-жақты және толық жинайды және тиісті дәлелді қорытындысы бар материалдарды тәртіптік комиссияның қарауына ұсынады.
Тәртіптік комиссия уәкілетті тұлғаның актісімен қалыптастырылады және төрағадан, мемлекеттік органның қызметкерлері қатарынан құрылатын комиссия мүшелерінен тұрады. Төрағаны қоса алғанда, Комиссия мүшелерінің жалпы саны тақ санды құрауы тиіс және комиссия құрамы мемлекеттік органның әртүрлі құрылымдық бөлімшелерінің өкілдерінен тұруға тиіс.
Комиссия отырысында қызметтік тергеп-тексеру материалдарын қарау, егер ол комиссия отырысының өткізілетін уақыты мен орны туралы тиісті түрде хабардар етілсе және аталған материалдармен отырыс өткізілгенге дейін кемінде үш жұмыс күні бұрын танысса, оған қатысты тәртіптік жауаптылық қаралатын мемлекеттік әкімшілік қызметшінің қатысуынсыз өтуі мүмкін.
Тәртіптік теріс қылық жасағанын растайтын фактілер болған жағдайда, Комиссия уәкілетті тұлғаға жаза қолданудың орындылығы мен жаза түрі туралы ұсынады.
Тәртіптік жаза уәкілетті тұлғаның бұйрықтарын, өкімдерін шығару арқылы қолданылады. Тәртіптік жаза қолдану туралы актіде жаза қолданылатын адам, жасағаны үшін жаза қолданылатын теріс қылық және жаза түрі көрсетіледі.
Персоналды басқару қызметі (кадр қызметі) тәртіптік жаза қолдану туралы актіні (бұйрықты) тәртіптік жауаптылыққа тартылатын мемлекеттік әкімшілік қызметшінің құрылымдық бөлімшесінің тікелей басшысына және танысу үшін мемлекеттік органның басшылығына жібереді.

Е.М. Айқымбеков,
ҚР Мемлекеттік қызмет істері агенттігінің Абай облысы бойынша департаменті басшысының
орынбасары

Read more

ШӘКӘРІМ КЕРУЕНІ КӨКПЕКТІ ЕЛІНЕ КӨКТЕМ ШУАҒЫН СЫЙЛАДЫ

Article Details

Батыс Түрік қағанатының кіндік тамыры болған Көкпекті жері, Толағай тауының етегі – қасиетке толы өңір. Еліне, жеріне Асан қайғының жерұйығын сыйламақшы болған Тарбағатай тауының бір шатқалын көтеріп келе жатқан Толағай дәл осы тұста тау астында қалған деген аңыз бар... Киелі өңірден кешегі тоғыз Кеңес Одағының батыры, тоғыз Еңбек Ерлері, университет түлегі, бүкіл саналы ғұмырын ұстаздық, тәрбиешілікке арнаған Жақия Шайжүнісов, қазақтың көрнекті айтыскер ақыны, өлкетанушы, шежіреші, журналист Қалихан Алтынбаевтардың шығуы заңдылық. Осы орайда Шәкәрім университетінің делегациясы «Шәкәрім керуені» кешенді жобасы аясында қасиетті мекенге ат басын тіреді. 

Басты мақсат – Абай облысы аудандарының мектептерімен бірлескен жобаларды жүзеге асырып, оқушыларға ерте кәсіби бағдар беру жұмыстарын ұйымдастыру.
Аудан әкімі Ділдәбек Оразбаев алғы сөзінде керуеннің маңыздылығына тоқталып, оқу орны делегациясына алғысын білдірді.

Read more

АУДАНДЫҚ АУРУХАНАҒА ГЕМОДИАЛИЗ АППАРАТЫ ҚОЙЫЛАТЫН БОЛАДЫ

Article Details

Биылғы жылы маңызды мәселелердің бірі – Көкпекті аудандық ауруханасында гемодиализге арналған аппараттар пайда болады.

Бүйрек - адам ағзасының өте маңызды органы. Ол көптеген қызметтерді атқарады, олардың негізгілері:– ағзаны улы заттардан тазарту,– артық сұйықтықты кетіру, – гормондардың өндірісі,– қан қысымын ұстап тұру және басқа да маңызды функциялар.
Бұл бүйректің атқаратын қызметінің бір бөлігі ғана. Сондықтан адам ағзасы бүйрексіз жұмыс істемейтіні (немесе олардың функцияларын алмастыру) мүмкін еместігін түсіндіреді.

Read more

БИҒАШ БҮЛДІРШІНДЕРІ БАЛАБАҚШАҒА БАРДЫ

Article Details

 Көкпекті ауданының Биғаш ауылында мектеп жанынан толық күнді балабақша ашылды. Балабақшаның ашылу салтанатына аудан әкімі Ділдәбек Оразбаев қатысып, ауыл тұрғындарының қуанышын бөлісті. Бұл күні жаңадан ашылған балабақша табалдырығын 25 бүлдіршін аттады.

Аудан әкімі Ділдәбек Оразбаев аудан тізгінін қолға алған алғашқы күннен бастап бүлдіршіндерді мектепке дейінгі білім беру мекемесімен қамту деңгейін 100 пайызға жеткізу қажеттігі туралы нақты тапсырма берген болатын. «Барлығы – балалар үшін!» деген аудан басшысы нақты шараларды бірден қолға алды. Жүйелі жұмыс нәтижесінде мектепке дейінгі тәрбие саласындағы күні бүгінге дейін өзекті мәселенің оң шешімін табуға жол ашылды. Қазіргі таңда Көкпекті ауданында балабақша саны күн санап артуда. Жақында ғана Ақой ауылында да жаңа балабақша бүлдіршіндерге есігін айқара ашқан еді. Алдағы уақытта Мамай және Ажа ауылдарында балабақша ашу бағытында жұмыс жүргізілуде.

Read more

ҰЛТТЫҚ СПОРТТЫ ҰЛЫҚТАҒАН ШАРА

Article Details

4 наурыз күні Шұғылбай ауылында жаппай көкпар ойыны өткізілді. Көкпекті ауданында бастау алған эстафеталық көкпардың жалғасы болған жарысты ауыл азаматтары ұйымдастырды. Дүбірлі додаға Көкпекті ауданының Көкпекті, Ажа, Шәріптоғай, Тассай, Үлкенбөкен, Ақой, Көкжайық, Мамай, Үлгілімалшы, Теректі, Шұғылбай ауылдарынан келген 100-ден астам көкпаршы қатысты.
Эстафеталық көкпар – Көкпекті ауылдарының арасында кезекпен көкпар ойынын өткізу арқылы жас-тарды ұлттық спортқа кеңінен тарту мақсатында басталған жоба. Шұғылбайда өткен жаппай көкпар аудандағы оныншы эстафеталық ойын. Қыркүйек айында Үлкенбөкен ауылынан басталған эстафеталық көкпар бұған дейін Ажа, Тассай, Көкжайық, Көкпекті, Ақой, Теректі ауылдарында өткізілді.

Read more

ЖАСТАРҒА ЖЕҢІЛДІКПЕН НЕСИЕ БЕРІЛЕДІ

Article Details

Көкпекті ауданында кәсіпкерлікпен айналысамын деген жастардың бастамаларына мемлекет тарапынан қолдау көрсетілетін болады. Оларға жеңілдетілген тәртіппен жылдық өсімі 2,5 пайыздан аспайтын шағын несие беріледі.
Ағымдағы жылдың 2 наурызында Абай облысының жұмыспен қамту және әлеуметтік бағдарламалар басқармасы басшысының орынбасары Айман Нұрбекқызы мемлекет басшысының 2022 жылғы 1 қыркүйектегі «Әділетті мемлекет. Біртұтас ұлт. Берекелі қоғам» атты Қазақстан халқына Жолдауын іске асыру мақсатында жастардың кәсіпкерлік бас-тамаларын қолдау үшін 2,5 % берілетін микрокредиттер туралы халық арасында түсіндірме жұмыстарын жүргізу бо-йынша Көкпекті ауданына келді. Жас кәсіпкерлерге арналған жеңілдетілген несиені беру жолдарын түсіндіру мақсатындағы жиналысты аудандық жұмыспен қамту және әлеуметтік бағдарламалар, хал актілерін тіркеу бөлімі мен жұмыспен қамту орталығы ұйымдастырды.

Read more

«JAS QALAM» ЖУРНАЛЫ ЖАРЫҚҚА ШЫҚТЫ

Article Details

Көкпекті баспасөзі жаңа басылыммен толықты. Балаларға арналған «JAS QALAM» журналы жарық көрді. Көкпекті аудандық Оқушылар шығармашылық сарайында жаңа журналдың тұсау кесер рәсімі жасалып, оқырманға таныстырылды.
«JAS QALAM» балалар танымдық журналы - Көкпекті аудандық Оқушылар шығармашылық сарайында шығарылатын жаңа басылым. Оқушылар шығармашылық сарайы мен аудандық «Жұлдыз-Новая жизнь» газетінің бірлескен жобасы газеттің қосымшасы ретінде қалың оқырманға жол тартады. Журналдың шығарушы редакторы Әнел Назарханова, дизайнері Анеля Есеркенова, корректоры Клара Қайыпжанқызы. Шымкент қаласында басылып шыққан журналдың алғашқы санында «Жас тілші» үйірмесіне қатысушы дарынды оқушылар дайындаған мақалалар ұсынылды.

Read more

Жетігеннің қоңыр үні Көкпектіде

Article Details

Көкпектілік жеткіншектер көненің көзі жетіген аспабын меңгеріп жүр. Оқушылар шығармашылық сарайында көп ішекті шертпелі аспап - жетіген үйірмесі жұмыс істейді. Сиқырлы сазды ұлттық аспап үйірмесінің жетекшісі - Мәншүк Сейтқазы.

Оқушылар шығармашылық сарайында жетіген үйірмесі аудан әкімі Ділдәбек Оразбаевтың бастамасымен ашылған.

Read more