ДЕНСАУЛЫҒЫҢ ӨЗ ҚОЛЫҢДА

Article Details

Самар ауылындағы «Ауданаралық аурухана» КМК ШЖҚ 3-ақпан күні «Денсаулығың өз қолыңда» атты акция аясында «Қан қысымын тексер» шарасын өткізді.
- «Ашық есік күні» түске дейін ғана 60-тан астам адам біздің алдымыздан өтті. Біз олардың қан қысымын ғана өлшеп қоймай, Кетле индексі бойынша көрсеткіштерін де тексердік, яғни бойын, салмағын өлшедік, - дейді бұл шараны өткізуге жауапты медбикелер М.Игілікова мен Ж.Нұрышева.Тексерілгендер арасында қан қысымы қалыпты адамдармен қатар, қысымдары 180-200–ге дейін көтеріліп тұрғандар да бар болып шыққан. Оларға дәрігер шақыртылып, дәрігердің тағайындауымен дәрі егіліп, ба-қылауға алынды.
Бір сәттік үзілістерін пайдаланып біз де қан қысымын өлшеттік, медбикелерді жұмыс орнында суретке түсірдік. «Көпшілік адамдар газет бетінен хабарландыруды оқып келдік», - деді.
Сондықтан да біз аудандық газет те бұл акцияға үлес қосып отыр деп санаймыз», - дейді медицина қызметкерлері.
Клара НҰРПЕЙІСОВА

Read more

КІШКЕНТАЙ ВОВА – БІЗДІҢ ЗАМАННЫҢ БАТЫРЫ

Article Details

Өткен аптада Көкпекті ауылын-дағы «Көктем» дүкенінің алдында оқыс оқиға орын ала жаздады. Олай дейтініміз, сол маңдағы хоккей қорапшасынан шыққан Қ.Раев атындағы балалар үйінің 12 жасар тәрбиеленушісі Владимир Елисеев өзі де күтпеген ерлік жасап, кішкентай сәбидің өмірін құтқарып алды. – Бір баласын шанаға салып келе жатқан ананың ересектеу баласы көлік жолына қарай жүгіре жөнелді. Дәл осы мезетте бұрылыстан жеңіл автокөліктің шыға келгенін көрген мен тез қимылдап, баланы көтеріп алдым да жол шетіндегі омбы қарға қарай лақтырып жібердім. Сәбидің шалбары жыртылып кетіпті. Бір сәтке есі шығып кеткен анасы маған алғысын жаудырып, риза болғаны сондай дүкеннен тәттілер сатып әперді. Мен болсам, кішкентай тентекпен танысып та үлгермеппін, әйтеуір еш жері зақымданбай аман-есен қалғанына қуандым, -дейді Вова балаға тән пәк көңілмен.
Вованың әңгімесіне қарап, оның өзі жасаған әрекетті батырлық деп санамайтындығын байқадық. Өйткені, кішіге қамқорлық көрсету, қайырымды болу Вованың күнделікті тәртібіндегі дағдылы жағдай. Иә, ерлік, батырлық жаугершілік пен соғыста ғана сомдалмайды. Адамдардың күнделікті өмірінде орын алып жатқан оқыс оқиғалар кезінде өз басын қатерге тігіп, қатер аузынан кез келген адамның өмірін құтқарып қалу да ерлік, қаһармандық болып табылады. Есеппен жасалмайтын осындай әрекетті батырлық деп айтпасқа шара жоқ.
Бақыт ҒАББАСҚЫЗЫ

Read more

ЖАНАРТАУДЫҢ АТҚЫЛАУЫ ЗАҢДЫЛЫҚ

Article Details

Айдын Тоқсанов Үлгілімалшы ауылы, Абай атындағы орта мектептің 10 сынып оқушысы. Көптеген жыр байқауларының жеңімпазы атанып жүрген жас ақынның өлеңдері алуан тақырыпты жырлайды. Өткен жылдың қорытындысы бойынша «Көкпекті ауданының ең үздік жас өнерпазы» атанған жас ақынның бір топ өлеңін назарларыңызға ұсынамыз.

МЕН КІМ?
Жанартаумын, атқылаймын мәңгілік,
Жанартаудың атқылауы заңдылық.
Жанартаудай жұлқынамын алқына,
Сонау биік өрге де мен талпынып!

Көк аспанмын, жүрегім таза, ашықпын,
Күн сұлуға өлсе де өлмес ғашықпын.
Алтын күнмін, көпке нұрын шашатын,
Дауыл тұрса толқын, көлдей тасамын!

ҰЛЫ АБАЙҒА ТАҒЗЫМ!
Ұлысы ұлықталып өткендердің,
Тынысы ақын болып кеткендердің,
Өлеңі өрелі елде өркендеуде,
Құрсауында кеткен жоқ өктем желдің.

Салыстыру мүмкін емес басқамен,
Ақындарда басқа тағдыр, басқа дем.
Шешен сөздің шын шебері - Абайда,
Терең ойлар, ізгі ниет, басқа әлем.

Абай - дана, Абай - дара, шын мықты,
Қара сөзбен саралаған шындықты.
Ұлы Абай тұл шындықты айтса да,
Қу заманы өз ішіне сыр бүкті.

Шындыққа жанып өлеңін,
Бойлаған ойдың тереңін.
Абайдың өлеңдерінен,
Тағылым алып келемін.

Мыңмен жалғыз арпалысқан,
Не кемі бар Алпамыстан.
Қазағымның Бас ақыны,
Ойы жүйрік, һас арыстан.

Көп оқыған білімдар,
Өлеңінде тұғыр бар.
Ойы қылыш, сөзі мір,
Соны сендер ұғыңдар!

Ақынның жан дүниесі шуақ па екен,
Шабыт барлық сезімнен қуатты екен.
Абай, Мұхтар, Шәкәрім ізі қалған,
Шығысым - шырайлы өлкем, жұмақ мекен.

Ұлы Абай - адалдықтың аспанысың,
Талайға алынбаған тас намысың.
Өшпес тұлға атанып, әрбір кезде,
Адамзат үлгі тұтар асқағысың!

Түспесін десең басқа мұң,
Ашық болсын десең аспаның.
Әрқашан, әркез, әр сәтте,
Абайды сүй, Абайды оқы, жас қауым!

ҚАЗАҚСТАН - ОТАНЫМ!
Бұл жазғаным басқа жырдан өзгеше,
Қосамын мұнда мақтау, нұрлы сөз неше,
Бүкіл халық жақсы емес пе егер де,
Адалдықты мергендікпен көздесе?!

Несі жақсы халық ерді ез десе,
Батырлығын, шыншылдығын сезбесе
Қазақстан жаса мәңгі, жарқылда,
Мен бастайын ғажап жырды ендеше.
Қазақстан - Отаным, жасыл орман
Зәулім сарай, еңселі елге қорған.
Қазағымның беделі асқар, арманы асқақ,
Бұл сенің бақытыңнан тапқан олжаң!

Қай теңеу тең келеді алабыңа,
Бас имес қайсы пенде талабыңа.
Көгіңнен күлімдесең нұр төгілген,
Мен сені тиек еттім қаламыма.

Отаным сені жазам марапаттап,
Өзгелер қуанамын қалса мақтап .
Сен үшін тау қопарам, жер қопарам,
Отаным өзің мені қойсаң баптап.

Айбынды рух, қазағымда ақ қанат,
Ал беделі кір шалмаған ақ парақ.
Тәуелсіз ғой Қазақстан - Егемен,
Азатпын деп әрқашан мен мақтанам.

Ақ тілегім мөлдір судың бұлағы,
Шұрайлы жер қазағымның тұрағы.
Айбынды жас, қанатты жас барында,
Жоқ елімнің болашаққа сұрағы.

Өзіңменен ер жеткенім - бақытым,
Өкінбеймін өтсе жастық уақытым.
Менің сенен үлгі аларым өте көп,
Асыл Отан - сенсің ізгі жақұтым!

БІЗДЕРГЕ АМАНАТ - ЕРТЕҢІ ЕЛІМНІҢ
Бодандықтың бұғаулы құрығында,
Білмей кеткен «еркіндік» ұғымын да.
Бейбіт күнді аңсаған талай бабам,
Бостандықтың бақытты тұғырында!

Өсиетін орындап бабалардың,
Тәуелсіздік құнын мен бағалармын,
Болашақты жастарға сеніп берсе,
Әлі талай асуды ала алармын.

Гүлдендірер елімді, өте күшті қарқынмен,
Қабілетті жастарым - таусылмайтын алтын кен.
Білім алып, әрқашан, ізденетін тоқтаусыз,
Мақтанатын әр кезде, намысты ұл қыз
жастармыз!
Патриоты елімнің, ешуақытта жасыман,
«Тәуелсіздік» - құдірет, қасиетіңе бас ұрам.
Әр қырынан танытар Қазақстан - Отанын
Өсіп жатыр елімде дарыны мол - жас ұлан!
Стратегия қабылдап, Қазақстан сан түрлі,
Солардың нақ жемісі биіктерге талпынды.
Қуанышқа кенелсін Отанымыз әрқашан,
Аман-есен жүрейік, Құдай қолдап халқымды!
Өр жастарды негіз ғып, патриотты өлеңім,
Қазақстан еліме жырдан шашу төгемін.
Қабілетті, дарынды, ниеті ақ жалынды,
Мағжан атам айтқандай
«мен жастарға сенемін»!
Таққан жоқ біздерге өткен күн аз айып,
Дарынды жастарым қалмасын азайып,
Біздерге аманат- ертеңі елімнің
Жастарға дем беріп, сеніммен қарайық!
Көз тігіп келеді еліміз шыңға асқақ,
Жастарым тұрса екен сол жолда көш бастап,
Бір мүдде, бір мақсат, бір болашақ!
«Мәңгілік ел» болуға басайық қадам нақ!

 

Read more

МЕМЛЕКЕТТІК ТІЛ – МЕНІҢ ТІЛІМ

Article Details

Мемлекеттік тілді, яғни қазақ тілін білу біздің еліміздегі әрбір азаматтың міндеті. Ол тәуелсіздігіміздің басты белгілерінің, құндылықтарының бірі. Ана тілімізді білмей, ұлттық мәдениетімізді сыйламай, қалай ғана осы елдің азаматымыз деп бас көтере аламыз? "Өзге тілдің бәрін біл, өз тілінді құрметте" -, деп Қадыр Мырзалиев атамыз айтқандай, ең бірінші өз тілімізді танып, құрметтеп алмай, қалай ұлт мақтанышы бола аламыз?
Бүгінгі таңда қазақ тілін меңгеру басты талап болып табылады. Ал, осы мемлекеттік тіл мәселесіне келер болсақ, ол - қазақ тілінің мәртебесінің өз деңгейінде болмауы. Елбасы Н.Ә.Назарбаев өзінің Жолдауында айтқандай, үш тілді, яғни қазақ, орыс және ағылшын тілдерін бірдей дәрежеде меңгеру керек. Әрине, қарқынды даму үстіндегі Қазақстан үшін бұл дұрыс шешім. Көп тілді білу бізге артық болмайды, керісінше басқа елдер қатарында біздер үшін зор үлесін қосар. Бірақ, ана тілімізді де ұмытпауымыз қажет. Әрине, көп ұлтты мемлекет болғандықтан мұндағы тіл туралы мәселе аса қиын болып келеді. Меніңше, оны болдырмау үшін әр қазақстандық бар күш-жігерін салуы керек. Қазақ халқы өз ана тілін сақтап, дамыта алмаса болашақта өз алдына жеке мемлекет болып өмір сүруін тоқтататын жағдайға жетуі де мүмкін. Тәуелсіздігімізді баянды етіп, әлем тарихында қалар мақсатымыз болса, қазақ халқының ұлттық мәдениетін, ана тілін әрі қарай дамытуға атсалысу қажет.
Ал бүгінгі күні Көкпекті аудандық сотындағы іс жүргізу құжаттары 100 % мемлекекттік тілде жүргізілуде. Алайда, кейбір сотқа келушілер қазақ тілін біле тұра, өтініштерін, талап арыздарын орыс тілінде сотқа түсіреді. Сондықтан қазақ тілінің қолданыстағы деңгейі жоғары болу үшін өз тілімізді құрметтеп, мәртебесіні көкке көтерейік.

Г.Өмірзақова,
Көкпекті аудандық сот кеңсесі,
бас маман-сот мәжілісінің хатшысы

Read more

ТҰМАУҒА МӘН БЕРМЕУГЕ БОЛМАЙДЫ

Article Details

Тұмау күн райының өзгерісіне қарай пайда болатын ауру түрі. Қазіргі күні біздің елімізде, оның ішінде біздің ауданда тұмауға байланысты ауруханаларда карантин, яғни шектеу жарияланған. Самар ауылындағы ауданаралық аурухананың бас дәрігері Нұрлан Өртбайұлы Саңқайбаевпен бүгінгі күнгі ахуал туралы әңгімені назарларыңызға ұсынамыз.
-Тұмау немесе грипп (лат. grіppus, фр. grіpper, ағылш. Influenza – “бас салу, шап беру”) – тыныс жолдарының жұқпалы вирустық ауруы. Аурудың қоздырғышы –ортомиксовирустар, олардың үш типі: А, В, С бар. Өте жұқпалы ауру. Тұмау вирусының сыртқы қабыршағының құрамында гемагглютицин (оны Н әрпімен белгілейді) және нейраминидаза (N әрпімен белгіленеді) болады.
Жалпы тұмау жүретін уақыт қаңтар-ақпан айлары. Қазіргі күн райының өзгерістеріне байланысты тұрғындар арасында тұмау ауруы өршіп тұр. Олардың көпшілігі — балалар. Дәл бүгінгі түнде жедел жәрдем шақырылған 7 үйде де дене қызуы көтерілген ЖРВИ-ға шалдыққан балалар болған. Оларға дәрігерлер үйлеріне барып ем тағайындап, бақылауға алды. Қазіргі күні ауруханада тұмауы асқынған 7 науқас емделуде. Күн сайын облыстық вирусологияға мәлімет беріп, науқастардан алынған сынама жіберіліп тұрады. Жіберілген 20 сынама бойынша Н-1,N-1 вирусы нақтыланбады. Жалпы Шығыс Қазақстан бойынша 15 оқиға тіркелсе, оның 14-і Өскемен, біреуі Шемонайха қаласында анықталған.
Медицина қызметкерлері бүгінде 1012 үйді аралап, 2051 адамның денсаулығын тексерді, 78 науқас бала анықталды. Есепте тұратын 86 жүкті әйел бақылауға алынды, олардың арасында тұмауға шалдыққандар жоқ. Үйлерді аралау жұмыстарын барлық ауылдардағы медициналық қызметкерлер атқаруда. Қазан-қараша айларында өңірдің медицина қызметкерлерін жинап дәріс-сабақтар өткізілді, сондай сабақ қаңтар айының 27 – күні тағы да қайталанды. Күзде барлық медицина қызметкерлеріне тұмауға қарсы екпе егілді. Тәуекел топқа тіркелген 3145 адамға тегін және ақылы 100 адамға да екпе егілді. СӨС кабинеті мен дәрігері тұрғындар арасында тұмау мен ЖРВИ аурулары туралы ақпараттық жұмыстар жүргізді.
Тұмауды таратпаудың бірден – бір жолы науқас адамды оқшаулау болып табылады. Осы орайда емханада сүзгі (фильтр) кабинет жабдықталған. Ауруханаға өз аяғымен келген науқас адам жалпы емханаға жіберілмей, осы «сүзгі» кабинеттте қаралады. Мұнда оларды дәрігер қабылдап, тиісті ем тағайындайды. Қазір бұл жұмысты И.Байзақова атқарып отыр. Сол жерде сынама да алынады. Сондай-ақ, жедел жәрдемнен басқа 31-153 нөмірлі «шұғыл телефон» жұмыс істейді, бұл «сенім телефоны» да болып табылады. Тұрғындарға сапалы медициналық қызмет көрсету үшін бұл телефон арқылы өздеріне қажетті ақпаратты алуға болады.

Read more

СИТУАЦИЯ НА КОНТРОЛЕ

Article Details

Самой актуальной медицинской темой в период зимних холодов является грипп. Каждый год этому заболеванию подвергается огромное количество людей в нашей стране, и этому свидетельствуют различные эпидемиологические всплески данного недуга. Гриппом ежегодно болеет большая часть нашего населения, причём это случается даже не один раз за указанный промежуток времени. О том, как распознать ОРЗ (острое респираторное заболевание) или это грипп, рассказывает главный врач «Межрайонной больницы Кокпектинского района» Нурлан Ортбаевич Санкайбаев:
- Для начала сразу хочу сказать о том, что вспышки гриппа (пандемии) по Самарскому региону в осенне-зимний периоды не отмечено. А также подтверждения среди заболевших пациентов гриппом - нет. У 20 пациентов взяты пробы на грипп, которые были отправлены в вирусологию г.Астаны, и ни один из них не подтвердился. Так что мы уверенно можем констатировать, что повсеместно люди заболевают ОРЗ (острый катар верхних дыхательных путей, простудные заболевания) или ОРВИ. Грипп – тяжелая вирусная инфекция поражающая нос, горло и иногда легкие. По области выявлено 15 случаев заболевания гриппом, из них 14- по городу Усть-Каменогорску, 1 случай по Шемонайхинскому району.
Какая ситуация сложилась по ОРЗ на данный момент в нашем регионе?
- Например, в ночь со 2-го на 3 -е февраля было зарегистрировано 7 вызовов, которые затем по сигнальным картам будут взяты на контроль и обслуживаться участковыми врачами. В целях нераспространения вирусной инфекции, больные обслуживаются на дому, назначается лечение. Тем, кто работает, в период заболевания выдается больничный лист сроком на 7 дней. На стационарном лечении в детском отделении в данное время находятся семеро детей. Для полного оздоровления в учреждении имеются все необходимые препараты и лекарства. Тяжелых случаев с осложениями ОРЗ также не зарегистрировано.
Какие меры профилактики ОРЗ применяются медицинским учреждением?
- Как я уже говорил, стараемся лечение проводить на месте, на дому. В настоящее время в учреждении введен масочный режим, карантин. В поликлинике открыт фильтр – кабинет, куда направляются пациенты, обратившиеся в регистратуру на прием к врачу, у которых имеются признаки ОРЗ, ОРВИ. Медсестра регистрирует их, вызывает участкового врача, который проводит осмотр, назначает лечение. Все это проводится с целью недопущения больных с вирусной

Read more