2017 жылдың 17 мамыры күні облыстық «Абай оқулары» өтті. Көкпекті ауданы бойынша Ахмадиева Ақбота бақ сынап, І-ші орын иегері атанды. Өзінің мектебіне қабылдауға Өскемен қаласының дәстүрлі әншісі Әділ Тұрғанбаевтан Ақботаға ұсыныс түсті. Келешекте ұсынысты қабылдау Ақботаның еншісінде.

Оның алдында Көкпекті орта мектебінде өткен аудандық «Абай оқулары» байқауында Ақбота Ахмадиева білімі мен өнерін сынаққа салған еді. Біріншісі - «Өлең - сөздің патшасы, сөз сарасы», екіншісі - «Көңілім әнді ұғады», үшіншісі - «Жүйріктен жүйрік озар жарысқанда» атты үш бөлімнентұратынсайысқаауыл мектептерінен топ жарып келген жүйріктер бақ сынасты. Осы білім додасынан Шұғылбай ауылы І.Жансүгіров атындағы орта мектептен Ақбота Ахмадиева 2-ші номинация бойынша І-ші орын иеленіп, облысқа жолдама алды. Облыстан да жүйрік шыққан Ақбота өзін жарысқа баптап, дайындаған жетекшісі қазақ тілі мен әдебиет пәнінің мұғалімі Индира Әбдікәрімқызы Зулунованың үмітін ақтады.

І.Жансүгіров атындағы мектептің ақпараты

Көкпекті ауданындағы Балалар өнер мектебінің 2016-2017оқу жылындағы жұмыс қорытындысы бойынша 2017 жылдың 12 мамырындааудан орталығындағы Қ.Алтынбаев атындағы Мәдениет үйінде Саз мектебі, шығармашылық үйі оқушыларының есептік концерті өтті. Қорытынды шараға өнер мектебінің ұжымы белсене қатысып, әр үйірме жетекшілері жыл бойына істеген жұмыстарының нәтижелерін көрсетті.
Концерттің негізгі мақсаты - оқушылардың өнерін таныстыра отырып, қазақ халқының, туған жерінің тарихын білуге, Отанын сүюге, ерлікке, бейбітшілікті бағалай білуге баулу, өнерді құрметтеуге, әр ұлттың өнерін, мәдениетін білуге тәрбиелеу.