24 қазан күні Көкпекті ауданына 122 жылдық тарихы бар Мұхтар Әуезов атындағы педагогикалық колледждің директоры, II дәрежелі “Барыс” орденінің иегері, Абай облыстық мәслихат депутаты Жанаева Шағангүл Алдамжарқызы қызметтік сапармен келді. «Ұлағат» тәрбие жүйесі, «Тағзым» жобасы аясында колледж, мектеп ынтымақтастығын нығайту мақсатында Социалистік Еңбек Ері Жақия Шайжүнісовтің 110 жылдық мерейтойына арналған «Ұрпаққа аманат» атты қойылымын көрерменге тарту етті.
Қадірлі қонақтарымыз ең бірінші Жақия Шайжүнісов атындағы орта мектептің мұражайымен танысты. Білім ордасында өткен Мұхтар Әуезов атындағы педагогикалық колледждің кіші ғылыми зерттеу орталығының Жақия Шайжүнісов туралы қойылымына аудан әкімі Әділет Қожанбаева қатысып, Шағангүл Алдамжарқызына, педагогикалық колледждің ұжымы мен студенттеріне ауданға келіп, Жақия Шайжүнісовті ұлықтау шараларын ұйымдастырғаны үшін алғысын білдірді.

20 ақпан күні Әділет Нұрсағатұлы аудан әкімдігінің азаматтарды қабылдау орталығында тұрғындарды жеке мәселелері бойынша қабылдады.

Қабылдауға 6 аудан тұрғыны жазылып, өзекті мәселелерін ортаға салды. Тұрғындар тұрғын үй, жер қатынастары және жұмыспен қамту мәселелерін көтерді. Әрбір азаматтың өтінішін мұқият тыңдап алған Әділет Нұрсағатұлы сала мамандарымен бірге мәселелерді шешу жолдарын талқылады. Тиісті сала басшыларына заң аясында қажетті қолдау көрсетуді тапсырды. Сонымен қатар аудан басшысы көтерілген барлық мәселені өзінің жеке бақылауында ұстайтынын айтты.
Құрметті аудан тұрғындары!
Аудан әкімінің жеке қабылдауына жазылу үшін:
2-72-55 (кеңсе бөлімі)
+7 777 990-08-70 (Рауя Алпысбайқызы) нөміріне хабарласа аласыздар.
Халықтың әрбір мәселесі назардан тыс қалмайды!