6 маусым күні аудан әкімі Әділет Нұрсағатұлы ел намысын республикалық және халықаралық додаларда абыроймен қорғап жүрген қос палуан – Дидар Тұқышев пен Ерзат Арғыновты қабылдады.

Кездесу барысында палуандарымыздың алдағы жоспарларымен танысып, аудандағы спорт саласының даму бағыттарын талқылады. Аудан мақтаныштары Ақсуат ауданында өтетін “Асыл бесік – Ақсуат” өнер және спорт фестивалі аясында ұйымдастырылатын қазақ күресінен 74 келіге дейінгі салмақ дәрежесінде боз кілемде белдесетінін жеткізген еді.

21 мамыр күні Семейде мәдениет және өнер қызметкерлерінің күніне орай салтанатты шара өтті. Шара барысында өңір мәдениетінің дамуына сүбелі үлес қосып жүрген жандарға «Ерен еңбегі үшін», «Еңбек ардагері» медалі, «Мәдениет саласының үздігі» төсбелгісі табысталды. Ерекше атап өтерлігі, аймақ өнерпаздарына алғаш рет Абай облысы әкімінің «Руханият-2025» сыйлығы табысталды. Көкпекті ауданынан ол шараға арнайы шақыртумен Қ.Алтынбаев атындағы мәдениет үйінің басшысы Нұрлан Болатбекұлы, мәдениет үйінің көркемдік жетекшісі Нұрлан Қайратұлы мен хореографы Нарқыз Оспанова да қатысты. Нарқыз Елубекқызы облыс әкімінің Алғыс хатын алса, Нұрлан Қайратұлы облыс әкімінің қолынан «Руханият-2025» сыйлығын алды және 300 000 теңге көлемінде ақшалай сыйақы иегері атанды.

14 ақпан күні білім бөлімінің ұйымдастыруымен Кеңес әскерінің Ауған жерінен шығарылғанына 36 жыл толуына орай Қ.Аухадиев атындағы орта мектебінің базасында аудандық шаңғы жарысы өтті. Жарысқа аудан мектептерінің оқушылары қатысып, жоғары дайындықтарын көрсетті.
Бұл жарыс спорттың қысқы түрлеріне ауданымыздың оқушыларының қызығушылығын арттырып, салауатты өмір салтын насихаттауға бағытталды. Шаңғы тебуден шеберліктерін шыңдауға ер балалар мен қыздар белсенділіктерін таныта білді. Сонымен қатар шаңғы спортына деген аудан жастарымыздың қызығушылықтары жылдан жылға артып келеді.

2025 жылғы Дүниежүзілік Универсиада ойындарында жерлесіміз үшінші орынға ие болды.
Биатлоннан Қазақстан құрамасының өкілі, Көкпекті ауданының тумасы, жерлесіміз Кирилл Бауэр 2025 жылы Италияның Турин қаласында өткен Дүниежүзілік Универсиада ойындарында үшінші орын алды.
Қазақстандық биатлоншы Кирилл Бауэр 15 шақырымдық масс-стартта қола жүлдегер атанды. 30 спортшының арасында отандасымыз бірінші орын иеленген француз биатлоншысы Натанаэль Пекуиннен небәрі 33,8 секундқа қалып, үшінші болып мәреге жетті.
Айта кетейік, бұл Кирилл Бауэрдің халықаралық жарыстардағы алғашқы медалі.

Абай облысы әкімдігі ақпараты