Көкпекті ауданының № 2 аудандық сотында «2019 жылдың 21 қаңтарында қабылданған заңнамалардың жаңартпаларын талқылау» тақырыбында дөңгелек үстел өтті.
Шараға прокуратура, полиция бөлімінің, нотариалдық палата, адвокат, «Қазақтелеком» АҚ-ның өкілдері қатысты.
Өз баяндамасында сот төрағасының міндетін атқарушы Айгүл Мәулетқызы бұл заңның қабылдануы меншік құқықтарын, арбитражды қорғауды күшейтуге, сот жүктемесін оңтайландыруға және қылмыстық заңды одан әрі ізгілендіруге бағытталғанын атап өтті. Инновациялар азаматтық үдерістерге, атап айтқанда, талассыз талаптарға қатысты, Азаматтық процестік кодексінде оңайлатылған өндірістің тек екі санаты ғана қалады. Ол сондай-ақ жазбаша дәлелдемелермен расталған сот ісін жүргізу тәртібі нотариустың құзырына енгеніне назар аударды.

Қазақстан Республикасы ІІМ – нің 2017 жылғы 20 желтоқсандағы № 854 бұйрығы негізінде 2018-2020 жылдарға арналған «Ұрлыққа қарсы іс қимыл бағдарламасы» қабылданды. Аталған бағдарламаға сәйкес 2018 жылдағы басты міндет, бөтеннің мүлкін ұрлауға қарсы әрекет ету, профилактикалық жұмыстың тиімділігін арттыру, сондай-ақ бөтеннің мүлкін ұрлау қылмыстарын тергеу және ашу мақсатында жеке меншік пен кәсіпкерлік ұйымдардың иелері өздеріне тиесілі дүкен, қойма, жанар жағар май станциялары, базар т.с.с. халыққа қызмет атқаратын объектілерін дабыл қаққыш қондырғылары, бейне бақылау камералармен жабдықтап орнату ұсынылады. Бүгінгі күнге аудан бойынша 439 азаматтық аңшы қару иелері тіркелген. Атыс қаруын қолдана отырып жасалатын қылмыстар мен құқық бұзушылықтардың, тұрғын үйлер мен дүкендерді тонаудың алдын алу мақсатында ҚР Үкіметінің 2014 жылы 17 сәуірдегі № 363 қаулысына сәйкес қару иелеріне, қару сақталатын үй жайларда дабыл қондырғысын орнату міндеттелуде. Қару иелеріне, қару тұрған бөлмеге немесе қару сақталып тұрған сейфке дабыл қаққыш орнату таңдауы берілген. Бұндай қауіпсіздік шараларын орнату өзгенің жеке меншіктегі тіркелген заңды қаруына қол сұғушылықтан қорғауға көптеген септігін тигізері анық. Мысалға алғанда ұялы байланыс желісі орнатылған аумақтарда, GSM маркалы дабыл аппараттары, дабыл белгісі іске қосылғанда қару иесінің ұялы телефонына дереу түрде хабарлама келеді.т.с.с.
Сонымен қатар, аудан тұрғындары сапасыз дабыл қондырғыларына кезікпес үшін, сертификатталған қондырғыларды сатып алып орнату ұсынылады. Аталған қондырғылар көп түрлі, сапасына қарай құны да солай өседі. Қондырғылар нарықтық бағамен 17000 теңге шамасынан басталады. Егерде осындай құралдарды орнатпаған жағдайда есік терезелерге ойық тор мен темір есіктер орнату қажет.
Қару иелері тарапынан аталған заңды орындамаған, қару сақтау ережесін бұзған жағдайда, ҚР Әкімшілік құқық бұзушылық туралы кодексінің 484 бабы 1 бөлігіне сәйкес 10 айлық есептік көрсеткіш (25250 теңге) мөлшерінде айыппұл салынып, қарулары тәркіленеді. Сондықтанда өздеріңіздің қауіпсіздіктеріңізді сақтап, жеке меншік мүліктеріңізге бөтеннің қол сұғушылықтарынан қорғану үшін Үкіметпен белгіленген талаптарды орындау баршамыздың басты міндетіміз болып табылады.

О.Ж. Жанабеков,
Көкпекті АПБ Азаматтық және
қызметтік қару айналымын бақылау
тобының аға
инспекторы полиция аға лейтенант