Серіктестер

                                                                                                                    

                                                                                         

 

 

01 Сәуір 2019

«ДИПЛОММЕН-АУЫЛҒА» ЖОБАСЫ

«Дипломмен ауылға» жобасы аясында ауылдық елді мекендерге жұмыс істеу және тұру үшін келген жас мамандарға әлеуметтік қолдау шараларын ұсыну 2009 жылдан бері іске асырылып келеді. 2018 жылы «Дипломмен ауылға» жобасы бойынша 62 455,8 мың теңге қаржы игерілді, соның ішінде тұрғын үй сатып алу үшін 21 жас маманға 59 088,8 мың теңге бюджеттік несие берілді, 20 жас маманға 3 367,0 мың теңге көлемінде көтерме жәрдемақы төленді.
«Ауылдық елді мекендерге жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға әлеуметтік қолдау шараларын ұсыну мөлшерін айқындау туралы» Қазақстан Республикасы Үкіметінің 2009 жылғы 18 ақпандағы N 183 Қаулысының 2 тармағына сәйкес айқындалған.

Read more

АУЫЛДЫҢ ДӘМІН ҰСЫНДЫ

23 наурыз күні облыс орталығында Көкпекті ауданының ауыл шаруашылық өнімдері жәрмеңкесі өткізілді. «Fresh Marcet» сауда кешенінің аумағындағы сауда-саттық Ұлыстың Ұлы күні – Наурыз мерекесіне арналды. Көкпектіден жеткен мол әрі арзан өнімге Өскемен тұрғындарының сұранысы жоғары болды.

Мерекелік жәрмеңкеге аудан аумағындағы шаруа қожалықтары мен тауар өндірушілер қатысып, төл өнімін ұсынды. Аудан әкімінің орынбасары Дәурен Қойгелдин берген мәлімет бойынша, бұл күні жәрмеңкеде 1.5 тонна жылқы еті, 3 тонна ірі қара еті және жарты тонна қой еті әкелінген. Сондай-ақ бал, картоп, орамжапырақ, балық және тағы басқа да өнімдер сатылымға шығарылды. Әдеттегідей жәрмеңкеге шығарылған өнімдердің бағасы қаланың басқа коммерциялық базарларына қарағанда 10-15 пайызға төмен.

Read more

АУЫЛДЫҢ ДӘМІН ҰСЫНДЫ

23 наурыз күні облыс орталығында Көкпекті ауданының ауыл шаруашылық өнімдері жәрмеңкесі өткізілді. «Fresh Marcet» сауда кешенінің аумағындағы сауда-саттық Ұлыстың Ұлы күні – Наурыз мерекесіне арналды. Көкпектіден жеткен мол әрі арзан өнімге Өскемен тұрғындарының сұранысы жоғары болды.

Мерекелік жәрмеңкеге аудан аумағындағы шаруа қожалықтары мен тауар өндірушілер қатысып, төл өнімін ұсынды. Аудан әкімінің орынбасары Дәурен Қойгелдин берген мәлімет бойынша, бұл күні жәрмеңкеде 1.5 тонна жылқы еті, 3 тонна ірі қара еті және жарты тонна қой еті әкелінген. Сондай-ақ бал, картоп, орамжапырақ, балық және тағы басқа да өнімдер сатылымға шығарылды. Әдеттегідей жәрмеңкеге шығарылған өнімдердің бағасы қаланың басқа коммерциялық базарларына қарағанда 10-15 пайызға төмен.

Read more

НАУРЫЗ-БЕРЕКЕМ, НАУРЫЗ-МЕРЕКЕМ!

Күн мен түннің теңеліп, көктен Тәңірдің нұры тамған, көпшіліктің көптен күткен қасиетті күні ғой бұл әз-Наурыз! Ұлыстың ұлы күнін дүркіретіп тойлауға тыңғылықты дайындалған Тассай жастары мерекенің көркін қыздырды. М.Әуезов мектебінің 2004 жылғы түлектері мектеп бітіргендеріне 15 жыл толуына орай ұлыс мерекеге демеушілік жасап, мерекеге мектеп қабырғасында спорттан дәріс берген тәлімгер-ұстаздарын шақырып құрмет білдіріп, волейболдан үлкен командааралық жүлделі-жарыс өткізді. Сайысқа қатысқан он команда ішінен суырылып шыққан спортшылар лайықты марапатқа және бағалы сыйлықтарға ие болды.
Жас буын үшін бұл да бір өнеге тұтар іс. Келер жылы көктемде 2005 жылдың түлектері осынау үрдісті жалғастырмақ ниетте. Көңілі көлдей ағайынның қуанышында шек жоқ. Қытымыр қыстан төрт көзі түгел, аман шыққан ауыл халқы бір-біріне ұмсына қол созып, қауқылдай құшақтасып: «Ұлыс оң болсын! Ақ мол болсын!» десіп қуаныштарын жасыра алмай жадырай күлісті. Кимешек киген әжелер мен шапан жамылған ақсақалдар, ақ жаулығын иықтан түсіре, қазақи камзолын киген жас келіншектер, сері жігіттер мен қылықты қыздар бәрі-бәрі наурыздың көркін кіргізіп, дөңгелек дүниедегі дербес ел қазақтың қасиетін арттырып тұр.
Ауыл шетінен орталыққа қарай шұбырған қазақтың кәдімгі тең байсалды көші. Қоңыраулы нарға тең артқан түйелі көшті көргенде «Қыз Жібек» көркем фильмін тамашалап отырған сияқты керемет әсер алдық» дейді театрландырылған көріністі тамашалаушылар.

Read more

ТАТАМИДІҢ ТАРЛАНЫ ТАССАЙДА

Дзюдо спортының пайда болу күні деп 1882 жылы болып есептеледі. 21 жастағы Дзигоро Кано Токиодағы будда храмында «Кодокан» мектебін құрған.. Дзюдо сөзі «дзю-дзюцу» сөзінен шыққан. Дзю-дзюцу» — «қарусыз күрес» - деген мағынаны білдіреді. XIX ғасырдың екінші жартысында дзю-дзюцу ұмытылып кете жаздады. Дзигоро Кано бұған жол бермеді. Әртүрлі мектептердің тәжірибесін қорытындылай отырып, ол «жұмсақ тәсіл» деп аталатын жаңа дзюдо күрес түрін жасады. Каноның айтуынша, дзюдо - «жастар үшін тек қана дене шынықтыру емес, ол жалпы білім беру, жекпе-жек, философия, күнделікті өмір өнері». 1886 жылы дзюдо мемлекеттік деңгейде танылды. 1889 жылы Еуропадағы бірінші дзюдо мектебі ашылды. 1956 жылы Токиода бірінші әлем чемпионаты өтті. Ал 1964 жылы дзюдо Олимпиада ойындарына енгізілді. Дзюдоның басты мақсаты рухани қағидаттарға сәйкес білім беру болды. Дзюдо идеологиясын әлемнің миллиондаған тұрғындары игеріп жатыр. Бүгінде дзюдо - Қазақстанда да танымал спорт түрі.
Әлемдік жарыстарды жүлдегер атанып жүрген қазақстандық дзюдошылар - Ерасыл Қажыбев, Ерлан Серікжанов, Елдос Сметов, Ғұсман Қырғызбаев, Ерлан Серікжанов, Елдос Жұмақанов, Жансай Смағұлов, Дидар Хамза, Ислам Бозбаев, Ерасыл Қажыбаев сияқты татамидің тарландары.

Read more

БАТЫЛ ШЕШІМДЕР ҚАБЫЛДАЙТЫН УАҚЫТ

Сәрсенбі күні аудан әкімі Асхат Смаилов қоғам белсенділерімен кездесті. Қоғамдық кеңес мүшелері, ауызы дуалы ақсақалдар, еңбегімен елге сыйлы, беделді де ықпалды азаматтар қатысқан жиында ауданның болашағына қатысты маңызды мәселелер көпшіліктің талқысына салынды. Қоғамдық пікір көшбасшылары күн тәртібінде қаралған әр мәселеге орай ойларын ортаға салып, ұсыныстарын жеткізді.
Кездесудің басында Асхат Сайдахметұлы қоғам белсенділеріне ауданда атқарылып жатқан жұмыстар туралы тәмпіштеп айтып берді. Әлеуметтік-экономикалық даму бағытында атқарылып жатқан шараларды тізіп өтіп, мақсатты жоспарлармен бөлісті. Елді мекендерді таза ауыз сумен қамтамасыз ету, жергілікті маңыздағы автокөлік жолдарын жөндеуден өткізу, ауылдарды абаттандыру бағытында жасалған жұмыстар ауыз толтырып айтарлық. Бұл мақсаттағы жоспарлар тіпті ауқымды. Оның алғы шарттары да жоқ емес. Қоғам белсенділері алғашқы нәтижені көріп жүргендерін де жасырмады.

Read more

САМАРДА ДА ҚАЙНАДЫ ТОЙ ҚАЗАНЫ

Ұлыстың Ұлы күні, берекенің бастауы, жыл басы – Наурыз мерекесі Самар ауылында ерекше аталып өтті. Қаз қатар ақ отаулар тігіліп, үйлердің іші қазақы сән-салтанатпен безендірілді. Жиналған қауымға Самар жұрты ерекше құрметтейтін Иван Федосов атындағы Мәдениет үй қызметкерлері дайындаған «Наурыз» театрлық қойылымы ұсынылды. Самар ауылдық округі тұрғындары мен қонақтарын құттықтауға арнайы келген Көкпекті ауданының әкімі Асхат Смаилов, Көкпекті ауданының құрметті азаматы, ауданды жиырма жылдан артық басқарған Баянды Қожамбетов самарлықтарды Ұлыстың ұлы күнімен құттықтады. 

Наурыз мейрамының басты символдарының бірі болып саналатын Қыдыр атамыз өз халқына ақ батасын беріп, әжелеріміз шашу шашып тойдың сәнін, мерекенің мерейін арттыра түсті. Мерекелік іс шараға көрік берген, орталық алаңда ұйымдастырылған, спорттық сайыстар болды. Асық ату, арқан тарту, қыз қуу ойындары, мергендер сайысы, қой көтеру, бұқа тартыс, қол күрес, бауырсақ батл ұйымдастырлып, жеңімпаздарға сыйлықтар табыс етілді.

Read more

ТОЛАҒАЙ ТӨСІНДЕГІ ҰЛЫС ТОЙЫ

Самарқанның көк тасы еріп, тіршілік атаулыға жылулық әкелетін молшылық мейрамын көкпектіліктер кең ауқымда атап өтті. Бұл күні дүбірлі той, ақ түйенің қарны жарылған мейрам болды. Аудан әкімі Асхат Смаилов бастаған ел ағалары көпшілікті мерекемен құттықтап, сәні мен мәні келіскен салт-дәстүр айшықтарына елмен бірге атсалысты. Алаңда түрлі ұлттық ойындар өткізіліп, әсем ән мен тәтті күй төгілген нағыз халықтық мерекеге ұласты. Наурыз тойының қызығы Қалихан Алтынбаев атындағы Мәдениет үйінің алаңында қызды. Таң атқаннан Мәдениет үйінің алаңына жиналған халықтың қарасы қалың болды. Ертеден жиылған ел 11 ауылдың жанында ойын-сауық құрып, бас аяғы қозыкөш сауда қатарларын аралады. Әр жерде қуырылған кәуап жеген жұрт, дәмді наурыз көже үлестірген сұлу келіншектер мен ақ жаулықты әжелер, алтыбақан басындағы балалар мен жасөспірімдер Наурыз мейрамынына бүкіл халықтық сипат беріп тұрды. Жұрт бар жақсысын киіп, ақшаңқай үйлерді аралап, бір-біріне жақсы тілектер айтуда. Бата сұраған жұртқа адал ниетпен ақсақалдар да ақ батасын аямауда. Мерекенiң ашылу салтанатында аудандық мәдениет үйінің әртістері дайындаған театрландырылған қойылым көрсетiлiп, Қызыр баба елге, жерге жақсылық, молшылық, табыс, береке, ынтымақ, бiрлiк тiлеп, ақ батасын бердi. Ортаға ертегідегіндей безендірілген күймеде келген Наурыз Аруы келгенін жариялады.

Read more

ПРОДУКЦИЯ СЕЛЬЧАН ПРИШЛАСЬ ПО ДУШЕ

23 марта в областном центре прошла сельскохозяйственная ярмарка Кокпектинского района. Данное мероприятие проведено  на территории торгового комплекса «Fresh Marcet» в рамках празднования Наурыз мейрамы. У жителей Усть-Каменогорска был огромный спрос на дешевую и доступную по ценам продукцию, доставленную из кокпектинского края. 

В праздничной ярмарке приняли участие крестьянские хозяйства и товаропроизводители района.По словам заместителя акима района Даурена Койгельдина, в этот день на ярмарку было доставлено 1,5 тонны конины, 3 тонны говядины и полтонны баранины. Также в продаже имелись мед, картофель, капуста, рыба и многие другие продукты. Традиционно стоимость продукции на ярмарке на 10-15 процентов была ниже, чем на других коммерческих рынках города.

Read more

МЫ ЗА ДЕТСТВО БЕЗ НАСИЛИЯ!

15 марта в КГУ «Кокпектинская средняя школа» среди учащихся 9-11 классов состоялось мероприятие, посвященное теме «Насилие над детьми. Профилактика преступлений против половой неприкосновенности несовершеннолетних».
В нем приняли участие заместитель прокурора Кокпектинского района, советник юстиции Айдар Ордабаев, инспектор по делам несовершеннолетних Наргиз Кусаинова, руководитель Центра формирования здорового образа Ольга Дериглазова, заместитель директора по воспитательной работе Нургуль Шекенова, социальный педагог Ринат Найзабаев и психолог школы Хамида Мукатаева.

Read more

Директор-редактордың блогы

 Көкпекті аудандық  

«Жұлдыз - Новая жизнь» 

 газетінің сайтына

қош келдіңіздер!

 Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Сәуір 2019 > >>
Дс Сс Ср Бс Жм Сб Жс
2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Қаралым санағы

HotLog

Біз әлеуметтік желідеміз