08 Сәуір 2019

ҚАУІПСІЗДІК ЖАҒЫНДА ОЙЛАЙЫҚ !

Қазақстан Республикасы ІІМ – нің 2017 жылғы 20 желтоқсандағы № 854 бұйрығы негізінде 2018-2020 жылдарға арналған «Ұрлыққа қарсы іс қимыл бағдарламасы» қабылданды. Аталған бағдарламаға сәйкес 2018 жылдағы басты міндет, бөтеннің мүлкін ұрлауға қарсы әрекет ету, профилактикалық жұмыстың тиімділігін арттыру, сондай-ақ бөтеннің мүлкін ұрлау қылмыстарын тергеу және ашу мақсатында жеке меншік пен кәсіпкерлік ұйымдардың иелері өздеріне тесілі дүкен, қойма, жанар жағар май станциялары, базар т.с.с. халыққа қызмет атқаратын объектілерін дабыл қаққыш қондырғылары, бейне бақылау камералармен жабдықтап орнату ұсынылады. Бүгінгі күнге аудан бойынша 439 азаматтық аңшы қару иелері тіркелген. Атыс қаруын қолдана отырып жасалатын қылмыстар мен құқық бұзушылықтардың, тұрғын үйлер мен дүкендерді тонаудың алдын алу мақсатында ҚР Үкіметінің 2014 жылы 17 сәуірдегі № 363 қаулысына сәйкес қару иелеріне, қару сақталатын үй жайларда дабыл қондырғысын орнату міндеттелуде. Қару иелеріне, қару тұрған бөлмеге немесе қару сақталып тұрған сейфке дабыл қаққыш орнату таңдауы берілген. Бұндай қауіпсіздік шараларын орнату өзгенің жеке меншіктегі тіркелген заңды қаруына қол сұғушылықтан қорғауға көптеген септігін тигізері анық.

Read more

АСТАНАНЫ БАҒЫНДЫРҒАН БАЛҒЫНДАР

Наурыз айының 25-28 аралығында Нұр-Сұлтан қаласында XIII Халықаралық «Ақ көгершін» атты фестиваль-конкурсы өткен болатын. Көктемгі каникуль кезінде ұйымдастырылған халықаралық конкурсқа Көкпекті ауданының атынан балалар өнер мектебінің оқушылары қатысып жүлделі орындарға ие болып қайтты. Аталмыш фестиваль-конкурс жастар жылы аясында жергілікті әкімдіктің, қалалық білім басқармасының және «Жастар» сарайының қолдауымен өтті.

Байқауға Атырау, Қостанай, Қызылорда, Шымкент, Екібастұз, Арқалық, Нұр - Сұлтан, Алматы қалаларынан, сондай-ақ Челябинск, Новосибирск, Астрахань қалаларынан жас таланттар қатысты. Шығыс Қазақстан облысынан тек Көкпекті ауданы болыпты. Халықаралық конкурсқа қатысқан би топтары бұған дейін де бірнеше аудандық, қалалық және облыстық би додаларында жеңіс тұғырынан көрініп келеді. Ал елордада өткен «Ақ көгершін» XIII Халықаралық конкурс –фестивалінде балғындар жүлделі орындардан көрініп, жетекшілерінің үмітін ақтады.

Read more

ЕГІНБҰЛАҚТЫҢ ҚАРАГЕРІ ОЗА ШАПТЫ

Наурыз мерекесінің қадір-қасиеті ең алдымен ұлттық салт – дәстүрді сақтауға, ағайынның ауыз бірлігіне қызмет етуінде. Толағай төсінде Ұлыстың ұлы күні – Наурыз мейрамына арналған ұлттық ат спорт ойындары ұйымдастырылды. Жарысты орталық мешіт жамағаты ұйымдастырды. Нақты айтқанда бас имам Нұр Нәсір Дүйсен мен елжанды азамат Аслан Таныспаев көп еңбек сіңірді. Ұллтық спортты дамытуға білек сыбана кіріскен осынау атпал азаматтарға ауылдас ағайынның алғысы да шексіз.

Дүбірлі дода ауыл сыртындағы атшабарда өтті. Наурыз мерекесіне ауыл тұрғындары ғана емес, барлық шалғай ауылдардан ат десе ішкен асын жерге қояр азаматтың барлығы жиналды. Тіпті көршілес ауданның атбегілері де жүйріктерін жетектей келген екен. Шараны аудан әкімінің орынбасары Марат Теміржанов құттықтау сөзімен ашты.

Read more

ЖОЛДАРҒА ЖӨНДЕУ ЖҰМЫСТАРЫ ӨТТІ

Тассай елді мекеніндегі көктемгі қар суынан топырағы езіліп, ойдым-ойдым ойылып томарға айналған орталық көшедегі күре жолды шаруа қожалықтарының бес бірдей қуатты тракторы мен қайратты қыр жігіттері жұмыла кірісіп кешке дейін тас жолды тақтайдай етіп тегістеп тастаққа айналдырды. Шайтан арбамен жарыса шапқыласқан көк өрімдер де қуанып, көктеммен бірге жадыраған жұрттың да еңсесі көтеріліп сала берді.

Read more

ХАЛЫҚАРАЛЫҚ АЙТЫСТАН ЖҮЛДЕМЕН ОРАЛДЫ

Наурыз айында Монғолияның Қобда қаласында Қобда аймағының әкімшілігі және сол жердің белсенді азаматтарының ұйымдастыруымен халықаралық айтыс өткен болатын. 6 жылда бір рет өтетін айтулы жыр додаға барлығы 28 ақын қатысып, бақ сынады. Айтысқа Қазақстаннан жеті ақын, Шығыс Қазақстаннан екі ақын қатысты. Ал, Көкпекті ауданынан жергілікті ақын Фархат Маратұлы барып келді.
Алты алашқа сауын айтқан жыр додасына өңкей кіл мықты, көмейінен жыр төгілген, атағы алашқа кеткен айтулы ақындар төрт айналым бойынша сайысты. Ақындар сайысқа жеребе бойынша шықты. Соңында төрт ақын іріктеліп, ұпай бойынша жеңімпаз анықталды. Қобдада болған халықаралық айтыс интернет желісі бойынша Facebook арқылы тікелей эфирде тартылды.

Read more

ТАЛАНТТЫ ТАНЫҒАН «ЖҰЛДЫЗАЙ»

Ағымдағы жылдың, 27 нау-рыз күні аудандық білім бөлімінің ұйымдастыруымен Қ.Алтынбаев атындағы мәдениет үйінде жастар жылына орай XIV халықаралық «Жұлдызай» ерекше білім беру қажеттіліктері бар балалардың шығармашылық фестивалінің аудандық кезеңі өтті.
Ерекше білім беру қажеттіліктері бар балалардың өнерге деген қызығушылығын арттырып, талантын ашу, жүректеріне сенім ұялату. Олардың тұлғалық дамуына үлес қосып, өмірден өз орындарын табуына ықпал ету мақсатында ұйымдастырылған фестиваль 4 номинациядан (вокал, хореография, қолөнер, сурет салу) тұрды. Осы фестивальге ат салысып өз өнерлерін көрсеткен 25 қатысушы болды.
Фестивальға аудан әкімінің орынбасары М.Теміржанов, Көкпекті аудандық «Нұр Отан партиясы филиалы төрағасының бірінші орынбасары Б.Оразғалиева, Ішкі саясат бөлімінің басшысы Б.Нұғыбаев, орталық мешіттің бас имамы Н.Дүйсен, наиб имамы К.Ахметқалиев, Жастар орталығының директоры А.Қалықов қатысты.

Read more

ЫРЫСТЫ ЕЛДІҢ ЫРЫЗДЫҒЫ

Соңғы жылдары дәстүрге айналған ауылшаруашылығы жәрмеңкесі наурыздың 30 күні аудан орталығында өткізілді. Бұл жәрмеңкелер нарықтағы азық-түлік бағасын тұрақтандыру бағдарламасын жүзеге асыру мақсатында іске асырылады. Аудандық кәсіпкерлік және ауылшаруашылығы бөлімінің мәліметі бойынша сенбілік жәрмеңкеге Үлкенбөкен, Теректі, Көкпекті, Шұғылбай, Тассай, Үлгілімалшы, Биғаш, Қ.Аухадиев атындағы ауылдық округтері атсалыса қатысты. Атап айтқанда, 480 келі – ірі қара малдың еті, 100 келі қой еті, 200 келі жылқы еті, шошқа еті, құс еті, 300 келі – балық, 50 келі – бал, 300 келі картоп, 100 келі орамжапырақ,100 келі сәбіз, 50 келі тартылған балық, 90 келі сары май, 900 дана жұмыртқа, 60 литр тұздалған азық қоры және талқан, құрт, ірімшік сияқты сүт өнімдері тұтынушыларға саудаға шығарылды. Бағалары да қолжетімді болды. Мәселен, сиыр еті – 1 келісі –1300-1400 теңгеден сатылды, картоп – 120 теңгеге берілді.

Read more

ТАРИХ ТАРАЗЫЛАҒАН ТАЛҒАМ

Еске сала кетсек, 23 наурызда мемлекет басшысы Қасым-Жомарт Тоқаев Қазақстан Республикасының астанасы – Астана қаласына Нұр-Сұлтан деген жаңа атау беру туралы жарлыққа қол қойды.
Қазақстанның Тұңғыш Президентінің есімін мәңгі есте қалдыру мақсатында Астана қаласына Нұр-Сұлтан атауы берілуіне қолдау білдірген аудан тұрғындары мекеме, ұйым қызметкерлері, белсенді жастар Қалихан Алтынбаев атындағы мәдениет үйіне жиналды.
Тәуелсіздік алғаннан кейінгі қиын жылдардан Елбасының батыл шешімі, салиқалы саясатының нәтижесінде бүгінгідей берекелі де мерекелі кезеңге жетіп отырмыз. Осы 30 жылдың ішінде қандай табысқа, қандай жеңіске қол жеткізсек, соның бәрінде Нұрсұлтан Назарбаевтың төккен тері мен қажыр-қайраты, қайталанбас қолтаңбасы бар. Астана – Елбасының төл туындысы, жас қала бүгінде жасампаз істердің ұйытқысына, сәулетті де, дәулетті шаһарға айналды. Қаланы Елбасының құрметіне атау туралы бастаманы салтанатты шараға қатысушылар қуанышпен қабылдады.

Read more

АУДАНДЫҚ МӘСЛИХАТТЫҢ КЕЗЕКТІ СЕССИЯСЫ

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 18-бабы 4-тармағының 2) тармақшасына сәйкес Көкпекті аудандық мәслихаты кезекті XXXIV сессияның күн тәртібін бекітті. Сессия төрағасы Д.Дүйсембаев, аудандық мәслихат хатшысы Т. Сарманов болды.

Бірінші мәселеде 2018 жылғы аудандық бюджеттің орындалуы туралы есеп болды. Ол бойынша Көкпекті ауданының экономика және қаржы бөлімінің басшысы Әлия Тасқайратова сөз сөйледі. Сондай-ақ, қатысушылардың назарына бюджеттік бағдарламалар әкімшілерінің ауданды дамыту бағдарламаларының мақсатты индикаторларына қол жеткізу және білім бөлімінің басшысы Шолпан Мұстафинованың және ТҮКШ, автомобиль жолдары және жолаушылар көлігі бөлімінің басшысы Қайрат Жылқышевтың да бюджеттік бағдарламаларды жүзеге асыру туралы ақпараты ұсынылды.

Read more

ЖАҚСЫ ЖОЛ КӨРІКТІ АУЫЛҒА БАСТАЙДЫ

Көкпекті ауданының коммуналдық шаруашылық қызметкерлері мен техникалары қызу жұмыс үстінде. Бұған жұмыс атқарылып жатқан жерлердегі  тақтайдай тегіс ауыл жолдары мен түзу көшелерге қарап көзіміз жетеді. Көктемнің алғашқы күндерінен бастап «Көкпекті» коммуналды шаруашылығының техникасы ауыл жолдары мен аудан орталығының ішкі көшелеріне жұмылдырылды. Бұрын бұл жұмыспен мердігерлер айналысып келген.

Аудан басшысы Асхат Смаиловтың бастамасымен коммуналдық мекемелердің материалдық-техникалық базасын нығайту, жұмысын жандандырып, жаңа арнаға бұру бағытында қыруар шаруа атқарылды. 2018 жылы «Көкпекті» және «Самар» коммуналдық мекемелерінің техникалық базасы жаңартылды. Бұл мақсатқа аудандық бюджеттен 99 миллион 300 мың теңге қаражат бөлініп, жаңадан 5 бірлік техника және 4 техниалық құрылғылар сатып алынды. 2019 жылғы аудан бюджетінен жаңа техника сатып алуға тағы 160 миллион теңге қаражат бөлініп отыр. Шаруа-сы шатқалақтап кеткен коммуналдық мекемелердің жұмысын жолға қойып, дұрыс арнаға бұрудың алғашқы нәтижесін бүгін көріп отырмыз.

Read more

Директор-редактордың блогы

Көкпекті аудандық

 «Жұлдыз - Новая жизнь» 

газетінің сайтына қош келдіңіздер!

Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр.

Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Сәуір 2019 > >>
Дс Сс Ср Бс Жм Сб Жс
1 2 3 4 5 6 7
9 10 11 12 13 14
15 16 17 18 19 20 21
22 23 24 25 26 27 28
29 30          

Қаралым санағы

HotLog

Біз әлеуметтік желідеміз